ଭୁବନେଶ୍ୱର,ନିରପେକ୍ଷ ଖବର: ୩୦/୦୬/୨୦୧୯
ଓଡ଼ିଆ ଭକ୍ତି ସାହିତ୍ୟର ପଟାନ୍ତର ନାହିଁ । ଆଧ୍ୟାତ୍ମିକତାକୁ ଆଧାର କରି ଓଡ଼ିଆଙ୍କ ଜୀବନଧାରାକୁ
ପ୍ରଭାବିତ କରିଆସିଛି । ଓଡ଼ିଆ ଜାତିର ଆରାଧ୍ୟ ଦେବତା ଶ୍ରୀଜଗନ୍ନାଥଙ୍କୁ ଉପଜୀବ୍ୟ କରି ଭକ୍ତିସାହିତ୍ୟ
ସମୁନ୍ନତ ହୋଇଛି ବୋଲି ଏଠାରେ ମତପ୍ରକାଶ ପାଇଛି ।
ଭୁବନେଶ୍ୱର ସାହିତ୍ୟ ସମାଜ ଆନୁକୂଲ୍ୟରେ ଅନୁଷ୍ଠିତ ଆଲୋଚନା ଚକ୍ରରେ ‘ନାଇଜର’ର
ରେଜିଷ୍ଟ୍ରାର ତଥା ବିଶିଷ୍ଟ ଲେଖକ ଡ. ଅଭୟ କୁମାର ନାୟକ ଓଡ଼ିଆ ଭକ୍ତିସାହିତ୍ୟ ଉପରେ ଆଲୋଚନା
କରିଥିଲେ । ଡ. ନାୟକ କହିଥିଲେ ଯେ ସାରଳା ଦାସଙ୍କ ମହାଭାରତଠାରୁ ଆରମ୍ଭ କରି ଜଗନ୍ନାଥ ଦାସଙ୍କ
ଭାଗବତ ଓଡ଼ିଆ ଭକ୍ତିସାହିତ୍ୟର ମାଇଲଖୁଣ୍ଟ ହୋଇ ରହିଛନ୍ତି । ପରବର୍ତ୍ତୀ ସମୟରେ ସନ୍ଥସାହିତ୍ୟ,
ଶୂନ୍ୟବାଦ ଇତ୍ୟାଦି ଓଡ଼ିଆ ଭକ୍ତିସାହିତ୍ୟକୁ ରୁଦ୍ଧିମନ୍ତ କରିଛନ୍ତି । ରାଶି ରାଶି ଜଣାଣ, ଭଜନ ଏବଂ ଅନ୍ୟାନ୍ୟ
ଭକ୍ତି ଆଧାରିତ ରଚନା ଏବେ ମଧ୍ୟ ଓଡ଼ିଆ ଭକ୍ତିସାହିତ୍ୟର କଳେବରକୁ ବୃଦ୍ଧ କରିଚାଲିଛନ୍ତି । କିନ୍ତୁ
ଆଧ୍ୟାତ୍ମିକ ସାହିତ୍ୟକୁ ଉଚିତ ମର୍ଯ୍ୟାଦା ମିଳିନାହିଁ । ପଞ୍ଚସଖାଙ୍କଠାରୁ ଆରମ୍ଭ କରି ଅତୀତର ସମସ୍ତ
ଭକ୍ତିସାହିତ୍ୟ ଚରନାକାର ପରମ ଭକ୍ତ ଥିଲେ । ଭକ୍ତିସାହିତ୍ୟର ଅଧିକ ପ୍ରସାର ହେବା ପାଇଁ ଉଦ୍ୟମ
ଆବଶ୍ୟକ ବୋଲି ଡ. ନାୟକ କହିଥିଲେ ।
ଅନୁଷ୍ଠାନର ସଭାପତି କବି ସୂର୍ଯ୍ୟ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଅଧିବେଶନରେ କବି କମଳ
କୁମାର ମହାନ୍ତି ‘ଏ ମାସର କବି’ ଭାବରେ ଉପସ୍ଥିତ ରହି ସ୍ୱରଚିତ କବିତା ପାଠ କରିଥିଲେ । ପରବର୍ତ୍ତୀ
ପର୍ଯ୍ୟାୟରେ ଜୟଶ୍ରୀ ପଟ୍ଟନାୟକ ଓ ନିରୁପମା କରଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ
ଗୁରୁ ମହାନ୍ତି, ପବିତ୍ର ମୋହନ କର, ଯୋଗେନ୍ଦ୍ର ନାୟକ, ପ୍ରଣବ ମିଶ୍ର, ଡ. ବିନୋଦିନୀ ପାତ୍ର, ଶତ୍ରୁଜିତ୍,
ସୁଷମା ଲେଙ୍କା, ବୀରେନ୍ଦ୍ର ନାୟକ, ଡ. ରାଜୀବ ଷଡ଼ଙ୍ଗୀ, ପ୍ରିୟରଞ୍ଜନ ସାହୁ, ଡ. ରାଜଲକ୍ଷ୍ମୀ ଜେନା,
ମୀନତି ମିଶ୍ର, ନିରାକାର ମହାଳିକ, ଡ. ସ୍ୱାଇଁ, ବିନୋଦିନୀ ନାୟକ, ମିହିରକାନ୍ତି ଦାଶ, ଭାରତୀଭୂଷଣ
ପଟ୍ଟନାୟକ, ବାସୁଦେବ ମହାନ୍ତି, ଉଦୟନାଥ ତି୍ରପାଠୀ, ସଞ୍ଜୁଲତା ମହାନ୍ତି, ସଂଜୟ ମହାନ୍ତି, ବିଧୂଭୂଷଣ
ତି୍ରପାଠୀ, କାନ୍ତିଲତା ଦାସ, ବାସନ୍ତୀ ତି୍ରପାଠୀ, ଅଶ୍ୱିନୀ କୁମାର ସୁତାର, ସୀମାଞ୍ଚଳ ନାୟକ, ସୁଧୀର
ମଉଡମଣି ଓ ଶୈଳେନ୍ଦ୍ର କୁମାର ଜେନା ପ୍ରମୁଖ ସ୍ୱରଚିତ କବିତା ପାଠ କରିଥିଲେ ।
