ଜଣେ ମହିଳାଙ୍କୁ ବିଭର୍ସ ଭାବେ ହତ୍ୟା କରାଯାଇ ମୁଣ୍ଡ ଗଣ୍ଡି ଅଲଗା କଲେ ଦୁର୍ବୁର୍ତ୍ତ

ବାରିପଦା,(ନିରପେକ୍ଷ ଖବର)ତା-୭/ସେପ୍ଟେମ୍ବର/୨୦୧୯- ଗୁଣିଗାଡେଡି ସନ୍ଦେହରେ ଜଣେ ମହିଳାଙ୍କୁ ହତ୍ୟା କରି ତାର ମୁଣ୍ଡ ଗଣ୍ଡି ଅଲଗା କରିଦିଆଯାଇଛି। ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ପାଟୁଳିଡ଼ିହି ଗ୍ରାମରେ ଏଭଳି ଲୋମଟାଙ୍କରା ହତ୍ୟାକାଣ୍ଡ ଘଟିଛି। ସୂଚନା ମୁତାବକ ଗତକାଲି ଶୁକ୍ରବାର ବିଳମ୍ବିତ ରାତିରେ ପାଟୁଳିଡ଼ିହି (ବନ୍ଧସାହି)ଗ୍ରାମର ଜିରାମଣି ସୋଏ ନାମକ ଜୈନକ ବୃଦ୍ଧାଙ୍କୁ ଅତି ନିର୍ମମ ଭାବେ ହତ୍ୟାକରାଯାଇଛି। ହତ୍ୟାକାଣ୍ଡ ଘଟାଇ ଦୁର୍ବୁର୍ତ୍ତମାନେ ମୁଣ୍ଡୁକୁ କାଟି ୪୦୦ମିଟର ଦୂରରେ ଥିବା ଏକ ଗାଧୁଆ ତୁଠ ନିକଟରେ ପକାଇଦେଇ ଚାଲିଯାଇଥିବା ଜଣାପଡିଛି।

ତେବେ ଆଜି ସକାଳୁ (ଶନିବାର)ଗ୍ରାମର କିଛି ମହିଳା ନଦୀକୁ ଗାଧୋଇବା ପାଇଁ ଆସିବା ବେଳେ ଗଣ୍ଡି ବିହିନ୍ନ ଏକ ମୁଣ୍ଡ ପୋଖରୀ ତୁଠ ନିକଟରେ ପଡିଥିବା ଦେଖି ପ୍ରଥମେ ଗ୍ରାମବାସୀଙ୍କୁ ଖବର ଦେଇଥିଲେ । ଗ୍ରାମବାସୀ ଆସି କଟା ମୁଣ୍ଡକୁ ଦେଖିବା ପରେ ସେହି ଗ୍ରାମର ଜୈନକ ବିଧବା ମହିଳା ଜିରାମଣି ସୋଏ ବୋଲି ଜାଣିବାକୁ ପାଇଥିଲେ  ଏହା ପରେ ସଙ୍ଗେ ସଙ୍ଗେ କରଞ୍ଜିଆ ଥାନା ପୋଲିସକୁ ଖବର ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ହତ୍ୟାକାଣ୍ଡର ରହସ୍ୟ ଖୋଜୁଥିବା ବେଳେ ଘର ଠାରୁ ୨୦୦ମିଟର ଦୂରରେ ଏକ ବିଲ ନିକଟରେ ମୁର୍ତ ମହିଳାଙ୍କର ଗଣ୍ଡିଟି ପଡିଥିବା ଦେଖିବାକୁ ପାଇଥିଲେ। ଏହା ପରେ ପୋଲିସ ସାଇଣ୍ଟିଫିକ ଟିମକୁ ଖବର ଦେଇ ହତ୍ୟାକାଣ୍ଡର ପ୍ରକୃତ କାରଣ ଜାଣିବା ଓ ହତ୍ୟାକାଣ୍ଡ ଘଟାଇଥିବା ଦୁର୍ବୁର୍ତ୍ତଙ୍କୁ ଧରିବା ପାଇଁ ତଦନ୍ତ ଜାରି ରଖିଥିବା ଜଣାପଡ଼ିଛି । ତେବେ ଗ୍ରାମବାସୀଙ୍କ କହିବା ଅନୁଯାୟୀ ମୁର୍ତ ମହିଳାଙ୍କ ସ୍ୱାମୀର କିଛି ଦିନ ପୂର୍ବରୁ ମୁର୍ତ୍ୟୁ ହୋଇଥିଲା। ଜମିଜମା କିମ୍ବା ଡାହାଣି ସନ୍ଦେହରେ ଏହି ମହିଳାଙ୍କୁ ବିଭର୍ସ ଭାବେ ହତ୍ୟା କରାଯାଇଥିବା ପୁଲିସ ସନ୍ଦେହ କରୁଛି। ହତ୍ୟାକାଣ୍ଡରେ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଗ୍ରାମବାସୀମାନେ ଦାବି କରିଛିନ୍ତି।