ବାରିପଦା ମୁନିସିପାଲଟି ସଫେଇ କର୍ମଚାରୀକୁଂ ମିଳୁନି ପାରିଶ୍ରମିକ….

ବାରିପଦା (ନିରପେକ୍ଷ ଖବର)ତା-୧୩/ନଭେମ୍ବର/୨୦୧୯-ବାରିପଦା ମୁନିସିପାଲଟି ଅଧିକାରୀ ଓ ଠିକାଦାର ଙ୍କ ମନମୁଖୀ କାର୍ଯ୍ୟ ପାଇଁ ସଫେଇ କର୍ମଚାରୀ ମାନେ ଗୋଟିଏ ମାସର ଦରମା ପାଇ ନଥିବା ଅଭିଯୋଗ ଆଣିଛନ୍ତି। ଏ ନେଇ ମଙ୍ଗଳବାର ଠାରୁ ଶତାଧିକ ସଫେଇ କର୍ମଚାରୀ ମାନେ କାର୍ଯ୍ୟବନ୍ଦ ଆନ୍ଦୋଳନ ଯାରି ରଖିଥିବା ସମୟରେ ବୁଧବାର ସକାଳ ୭ ଟାରେ ସହରର ଅଳିଆ ଆବର୍ଜନା କୁ ଆଣି ପୌରପାଳିକା କାର୍ଯ୍ୟାଳୟ ଓ ଜିଲ୍ଲାପାଳ ଙ୍କ କାର୍ଯ୍ୟଳୟ ସମ୍ମୁଖରେ ପକାଇ ଅଭିନବ ଉପାୟରେ ପ୍ରତିବାଦ ଜାରିରଖିଛନ୍ତି ।ଦରମା ବନ୍ଦ କାର୍ଯ୍ୟକ୍ରମ ଦ୍ୱିତୀୟ ଦିବସରେ ପହଁଚିଲା। ଦାବି ପୂରଣ ନହବା ପର୍ୟ୍ଯନ୍ତ ଏ ଆନ୍ଦୋଳନ ଜାରି ରହିବ ବୋଲି ସଫେଇ କର୍ମଚାରୀ ଚେତାବନୀ ଦେଇଛନ୍ତି।ସେପଟେ ୨ଦିନ ହେଲା ଅଲିଆ ଆବର୍ଜନା ସଫା କରା ଯାଇନଥିବାରୁ ବାରିପଦା ସହର ର ବିଭିନ୍ନ ସ୍ଥାନରେ କୁଢ଼ କୁଢ଼ ଅଲିଆ ଜମା ହୋଇ ପୁତ୍ତିଗନ୍ଧମୟ ପରିବେଶ ସୃଷ୍ଟି କରିଛି।ତଥାପି ପୋୖର ପାଳିକ ଅଧିକାରୀ ଏଥି ପ୍ରତି ଗୁରୁତ୍ୱ ଦେଉନଥିବା ଦେଖିବାକୁ ମିଳିଛି।ଘଟଣା ସ୍ଥଳରେ ଉତ୍ତେଜନା ପାଇଥିବା ବେଳେ ବାରିପଦା ସଦର ଏସଡ଼ିପିଓ, ଟାଉନ ଥାନା ଅଧିକାରୀ ଏବଂ ପୌରପାଳିକା ର ନିର୍ବାହୀ ଯନ୍ତ୍ରୀ ପହଞ୍ଚି ଉତ୍ୟକ୍ତ ସଫେଇ କର୍ମଚାରୀଙ୍କୁ ବୁଝା ସୁଝା କରୁଛନ୍ତି।