ବଞ୍ଚିବା ପାଇଁ ସଂଘର୍ଷ କରୁଛି ଶ୍ରମିକ…..
ବାରିପଦା,୧୫/୩(ନିରପେକ୍ଷ ଖବର) – ଜଙ୍ଗଲ ବିଭାଗ ଆଇନକୁ ଅବମନନା କରି ବେଆଇନ ଭାବରେ ପଥର ଉତ୍ତୋଳନ କାରବାର ବଢ଼ିବାରେ ଲାଗିଛି। ପ୍ରଶାସନର ଚୋରା ପୀରତି ପାଇଁ ପଥର ମାଫିଆମାନେ ରାଜୁତି ଚଳାଇଛନ୍ତି। ଯାହାର ଫଳସ୍ୱରୂପ ପଥର ଖୋଲୁ ଖୋଲୁ ଦୁର୍ଘଟଣା ଘଟି ଜଣେ ଶ୍ରମିକ ମୃତ୍ୟୁ ସହ ସଂଗ୍ରାମ କରୁଛି। ବେଆଇନ ଭାବରେ ଚାଲିଥିବା ପଥର ଉତ୍ତୋଳନ ସମୟରେ ଘଟିଛି ଏଭଳି ଅଭାବନୀୟ ଘଟଣା।ପଥର ଖାଦାନରେ କାର୍ଯ୍ୟ କରୁଥିବା ସମୟରେ ଦୁର୍ଘଟଣା ଘଟି ଜଣେ ଶ୍ରମିକ ଗୁରୁତର ହୋଇଛନ୍ତି ।
ଶୋଚନୀୟ ଭାବରେ ରକ୍ତାକ୍ତ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ବାରିପଦା ସ୍ଥିତ ପିଆରଏମ୍ ମେଡିକାଲ କଲେଜ ଏଣ୍ଡ ହସ୍ପିଟାଲ ରେରେ ଭର୍ତ୍ତି କରାଯାଇଛି । ଉକ୍ତ ଶ୍ରମିକ ଜଣକ ହେଉଛନ୍ତି ବିଶୋଇ ଥାନା ଅନ୍ତର୍ଗତ ରଙ୍ଗାମାଟିଆ ଅଞ୍ଚଳର ଯୁବରାଜ ବେଶ୍ରା । ପ୍ରାପ୍ତ ସୂଚନା ଅନୁସାରେ ବାଙ୍ଗିରିପୋଷି ତହସିଲ ଅନ୍ତର୍ଗତ ନାଫ୍ରି ପଞ୍ଚାୟତ ସ୍ଥିତ ଏକ ପଥର ଖାଦାନରେ ସେ ଶ୍ରମିକ ଭାବେ ନିୟୋଜିତ ଥିବା ବେଳେ ଶନିବାର ଏହି ଅଘଟଣ ଘଟିଥିଲା । ପଥର ଉତ୍ତୋଳନ ସମୟରେ ଏକ ପଥର ଖଣ୍ଡ ଛିଟିକି ଆସି ଯୁବରାଜଙ୍କ ଉପରେ ବାଜିବା ଫଳରେ ତାଙ୍କ ଆଖି ଏବଂ କାନ୍ଧରେ ଗଭୀର କ୍ଷତ ସୃଷ୍ଟି ହୋଇଛି । ସଙ୍ଗେ ସଙ୍ଗେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ବାରିପଦା ସ୍ଥିତ ପିଆରଏମ୍ ମେଡିକାଲ ରେ ଭର୍ତ୍ତି କରାଯାଇଛି । ତେବେ ତାଙ୍କର ଅବସ୍ଥା ଅତ୍ୟନ୍ତ ଗୁରୁତର ଅଛି । ଅନ୍ୟପକ୍ଷେ ସେହି ପଥର ଖାଦାନଟି ସୁଗୁଦା ମୁର୍ମୁ ଙ୍କ ନାମରେ ଥିବାର ସୂଚନା ମିଳିଛି ଏବଂ ବ୍ଲାଷ୍ଟିଂ ଯୋଗୁଁ ପୁଅର ଏପରି ଦୁର୍ଦ୍ଦଶା ହୋଇଥିବାର ଯୁବରାଜଙ୍କ ବାପା ପ୍ରକାଶ କରିଥିବା ବେଳେ ଏହାର ବିଧିବଦ୍ଧ ତଦନ୍ତ ହେଲେ ସମ୍ପୂର୍ଣ୍ଣ ସତ୍ୟତା ପଦାକୁ ଆସିବ ସହିତ ଖଣି ମାଲିକ ଙ୍କୁ ଉଚିତ ଦଣ୍ଡ ମିଳିବ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। ଏ ଘଟଣା ବାବଦରେ ଏସ ଡି ପି ଓ କେ କେ ହରିପ୍ରସାଦ ଙ୍କୁ ପଚାରିବାରୁ ସେ କୋଣସି ପ୍ରତିକ୍ରିୟା ଦବାକୁ ରୋକଠୋକ ଭାବରେ ମନା କରିଦେଇଥିଲେ।ତେବେ ଅନ୍ୟପଟେ ବେଆଇନ ଭାବରେ ରାତି ଅଧିଆ ପଥର ଉତୋଳନ କରି ରାଜ୍ୟ ତଥା ରାଜ୍ୟ ବାହାରକୁ ଚୋର ଚାଲାଣ କରାଯାଉଛି।ଏହା ଫଳରେ କୋଟି କୋଟି ଟଙ୍କା ର ସରକାରୀ ରାଜସ୍ବ ଅପଚୟ ହେଉଛି।ବର୍ଷ ବର୍ଷ ଧରି ସରକାରୀ ଅଧିକାରୀ ଜ୍ଞାତ ସାରରେ ଚାଲିଥିବା ଏହି ଚୋର ବେଆଇନ କାରବାରର କେବେ ଯେ ପୂର୍ଣଛେଦ ପଡିବ ତାହା ଏବେ ବହୁତ ବଡ଼ ପ୍ରଶ୍ନ ବାଚି ଭାବରେ ଉଭା ହୋଇଛି।
