ପଦାକୁ ଆସିଲା ୧୮୮ ନମ୍ବର କରୋନା ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରି।

ବାରିପଦା(ନିରପେକ୍ଷ ଖବର)ତା-୦୯/୦୫-ମୟୁରଭଞ୍ଜ ଜିଲ୍ଲାରୁ ଚିନ୍ହଟ ହୋଇଥିବା ରାଜ୍ୟର ୧୮୮ ନମ୍ବର କରୋନା ଆକ୍ରାନ୍ତଙ୍କ ଟ୍ରାଭେଳ ହିଷ୍ଟ୍ରି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି।ଆକ୍ରାନ୍ତ ଜଣକ କାହା କାହା ସଂସ୍ପର୍ଶରେ ଆସିଛନ୍ତି ତାହାର ପୁରା ତଥ୍ୟ ପ୍ରଦାନ କରାଯାଇଛି।ମୟୂରଭଞ୍ଜ କପ୍ତିପଦା ପିଙ୍ଗୁର ୩୬ ବର୍ଷୀୟ ଆକ୍ରାନ୍ତ ଜଣକ ସୁରତରୁ ଫେରିଥିଲେ।ସେ ବସ ଯୋଗେ ସୁରତରୁ ଓଡିଶାକୁ ଫେରିଥିଲେ।ଗୋଟିଏ ବସରେ ୫୫ଜଣ ସହଯାତ୍ରୀଙ୍କ ସହିତ ସେ ଆସିଥିଲେ।ଆକ୍ରାନ୍ତ ବ୍ୟକ୍ତି ଜଣକ ଛତିଶଗଡ଼ ଦେଇ ରାଜ୍ୟ ପ୍ରତ୍ୟବର୍ତ୍ତନ କରୁଥିବା ସମୟରେ ଓଡ଼ିଶା-ଛତିଶଗଡ଼ ସୀମାନ୍ତରେ ଥିବା ଏକ ସାଇ ମନ୍ଦିରରୁ ପ୍ରସାଦ ଖାଇଥିଲେ ।ଏହାପରେ ସେ ମୟୁରଭଞ୍ଜର କପ୍ତିପଦା ବ୍ଲକ ଅନ୍ତର୍ଗତ ପିଙ୍ଗୁ ଠାରେ ଥିବା ସରକାରୀ କ୍ୱାରେନଟାଇନ କେନ୍ଦ୍ରରେ ୪ ରୁ ୬ ତାରିଖ ଯାଇଁ ରହିଥିଲେ।ପୂର୍ବରୁ ଟେଷ୍ଟ ପାଇଁ ପଠାଯାଇଥିବା ତାଙ୍କ ସ୍ୱାବ ନମୁନାର ରିପୋର୍ଟ ୬ ତାରିଖ ଦିନ ପଜିଟିଭି ହସ୍ତଗତ ହୋଇଥିଲା।ଏଥିପରେ ୭ ତାରିଖ ଦିନ ତାଙ୍କୁ କଟକ ସ୍ଥିତ ଅଶ୍ୱିନୀ ହସ୍ପିଟାଲକୁ ପଠାଯାଇଥିଲା।ସେ ଯେହେତୁ ଗୋଟେ ବସରେ ୫୫ ଜଣ ଯାତ୍ରୀଙ୍କ ସହିତ ଗୋଟେ ବସରେ ଫେରିଛନ୍ତି ,ସେ ନିଜେ ପୂର୍ବରୁ ସଂକ୍ରମିତ ବ୍ୟକ୍ତି ନା ବସରେ ଥିବା ଆଉ କାହାଠୁ ସଂକ୍ରମିତ ହୋଇଛନ୍ତି ତାହା ଏବେ ବଡ଼ ପ୍ରଶ୍ନବାଚୀ ସାଜିଛି।ତେବେ କିଛି ଦିନ ପୂର୍ବରୁ ରାଜସ୍ଥାନ କୋଟାରୁ ମଧ୍ୟ ଛାତ୍ରଛାତ୍ରୀ ମାନେ ଜିଲ୍ଲାକୁ ଏକ ବସ ଯୋଗେ ପ୍ରତ୍ୟବର୍ତ୍ତନ କରିଥିଲେ।ସମସ୍ତ କୋଟା ଫେରନ୍ତା ଛାତ୍ର ଛାତ୍ରୀଙ୍କ ସମେତ ଅନ୍ୟ ମାନଙ୍କ ମଧ୍ୟ ସ୍ୱାବ ଟେଷ୍ଟ ପାଇଁ ଯାଇଥିଲା।ସମସ୍ତଙ୍କ ରିପୋର୍ଟ ନେଗେଟିଭ ଆସିଥିବା ବେଳେ ସେମାନେ ଘରକୁ ଯାଇ ହୋମ୍ କୋରେଣ୍ଟାଇନରେ ରହିବାକୁ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଧେଶ ଦିଆଯାଇଛି।