୫୦% ସ୍ୱତନ୍ତ୍ର କୋଭିଡ ଫି ଦେଇ କିଣିବାକୁ ପଡ଼ିବ ମଦ।
ଭୁୁବନେଶ୍ୱର,ନିରପେକ୍ଷ ଖବର:ତା ୨୩/୦୫ ଆସନ୍ତା କାଲି ମଦ୍ୟପାନ କରୁଥିବା ବ୍ୟକ୍ତିଙ୍କ ପାଇଁ ଖୁସିର ଦିନ। ଦୀର୍ଘ ଦିନ ପରେ ଆସନ୍ତା କାଲିଠାରୁ ଅନଲାଇନ୍ ରେ ମିଳିବ ମଦ । ରାଜ୍ୟ ସରକାରଙ୍କ ପକ୍ଷରୁ ଏଥିପାଇଁ ଅନୁମତି ମିଳିଛି । ମଦ ପାଇଁ ଅର୍ଡର ଦେବାର ୬ ଘଣ୍ଟା ଭିତରେ ମଦ ପହଞ୍ଚିବ । କିନ୍ତୁ ଗ୍ରାହକଙ୍କ ପାଇଁ ଏହା ମହଙ୍ଗା ହେବ । ବିଦେଶୀ ମଦ ଓ ବିୟର ଉପରେ ଦେବାକୁ ହେବ କୋଭିଡ୍ ଫି । ଏମ୍.ଆର୍.ପି ଉପରେ ଗ୍ରାହକଙ୍କୁ ଅଧିକ ୫୦% ସ୍ୱତନ୍ତ୍ର କୋଭିଡ୍ ଫି ଦେବାକୁ ପଡ଼ିବ । ଏହି ଟଙ୍କା କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ଖର୍ଚ୍ଚ ହେବ । ଆଜି ଅବକାରୀ ବିଭାଗ ପକ୍ଷରୁ ଏହି ନିର୍ଦ୍ଦେଶନାମା ଜାରି କରାଯାଇଛି ।
ସମସ୍ତ ଅନ୍ ଓ ଅଫ୍ ଲାଇସେନ୍ସପ୍ରାପ୍ତ ମଦ ଦୋକାନୀ ହୋମ୍ ଡେଲିଭରି ଦେବେ । କଣ୍ଟେନମେଣ୍ଟ ଜୋନ୍ ଛାଡ଼ିଦେଲେ ଅନ୍ୟ ସବୁଠି ହୋମ୍ ଡେଲିଭରି ଦିଆଯିବ । ମଦ ଦୋକାନ ଆଗରେ ଏକ ଡିସପ୍ଲେ ରହିବ ଯେଉଁଥିଲେ ସଂପୃକ୍ତ କାଉଣ୍ଟର୍ ର ଫୋନ୍ ନମ୍ବର, ହ୍ୱାଟସ୍ ଆପ ନମ୍ବର, ଇ-ମେଲ୍ ଆଇଡି, ୟୁପିଆଇ ତଥ୍ୟ ରହିବ । ମୋବାଇଲ୍, ହ୍ୱାଟସ୍ ଆପ୍, ଏସ.ଏମ.ଏସ୍ ଆଦି ଜରିଆରେ ଗରାଖ ନିଜର ଠିକଣା ସହ ଜିନିଷ ଅର୍ଡର ଦେବେ । ଅବକାରୀ ବିଭାଗ ଦ୍ୱାରା ସ୍ୱୀକୃତିପ୍ରାପ୍ତ ସର୍ଭିସ୍ ପ୍ରୋଭାଇଡର୍ ସଂପୃକ୍ତ ବ୍ୟକ୍ତିଙ୍କ ଘରେ ନେଇ ଜିନିଷ ପହଞ୍ଚାଇଦେବେ ।
ହୋମ୍ ସର୍ଭିସ୍ ଖର୍ଚ୍ଚ ଗ୍ରାହକଙ୍କୁ ଦେବାକୁ ପଡ଼ିବ । ୧ ହଜାର ପର୍ଯ୍ୟନ୍ତ ମଦ ମଗାଇଲେ ଡେଲିଭରି ଚାର୍ଜ ପଡ଼ିବ ୧୦୦ ଟଙ୍କା । ତାପରେ ପ୍ରତି ୫୦୦ ଟଙ୍କାର ଅତିରିକ୍ତ ଅର୍ଡର ପାଇଁ ୨୫ ଟଙ୍କା ଦେବାକୁ ପଡ଼ିବ । ହୋମ ଡେଲିଭରି ଚାର୍ଜ ୩୦୦ ଟଙ୍କାରୁ ଅଧିକ ହୋଇପାରିବନି । ସକାଳ ୭ଟାରୁ ସଂଧ୍ୟା ୬ଟା ମଧ୍ୟରେ ହୋମ୍ ଡେଲିଭରି ହେବ । ଡେଲିଭରି ଭୟ କୋଭିଡ୍ ଗାଇଡଲାଇନ୍ ଭିତରେ କାମ କରିବେ । ୬ ଫୁଟ୍ ଦୂରତ୍ୱ ଏବଂ ମୁହଁରେ ମାସ୍କ ପିନ୍ଧିବା ବାଧ୍ୟତା ମୂଳକ । ଗ୍ରାହକ ନଗଦ ଟଙ୍କା ଦେଇପାରିବେ । କାର୍ଡରେ ପେମେଣ୍ଟ କଲେ ମଧ୍ୟ ହେବ ।
