ବାରିପଦା(ନିରପେକ୍ଷ ଖବର)ତା-୧୫/୦୬-ପ୍ରେମୀ ଯୁଗଳ ଗଛରେ ଝୁଲି ଆତ୍ମହତ୍ୟା କରିଛନ୍ତି।ଏହି ଘଟଣାଟି ଘଟିଛି ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଗତିଲତା ଗ୍ରାମ ଅଞ୍ଚଳରେ। ସେହି ଗ୍ରାମ ନିକଟରେ ଥିବା ଏକ ଗଛରୁ ଜଣେ ଯୁବକ ଓ ଜଣେ ଯୁବତୀଙ୍କ ମୃତ ଶରୀର ଗଛରେ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି।ଗୋଟିଏ ଓଢଣୀରେ ଦୁହେଁ ବେକରେ ଫାଶଦେଇ ଗଛରେ ଝୁଲୁଥିବା ଅବସ୍ଥାରେ ରହିଥିଲେ।ମୃତକ ଦ୍ୱୟଙ୍କ ଘର ଗତିଲତା ଗାଁରେ ବୋଲି ଜଣାପଡ଼ିଛି। ମୃତକ ଦୁଇଜଣ ହେଲେ ରାମେଶ୍ୱର ପାତ୍ର ଓ ସାବିତ୍ରୀ ଦେଉଁଗାମ।ଯୁବକଙ୍କୁ ୩୦ ବର୍ଷ ହୋଇଥିବା ବେଳେ ଯୁବତୀଙ୍କୁ ବୟସ ୨୫ ବର୍ଷ ଅଟେ।ଆଜି ସକାଳେ ଗାଁ ନିକଟରେ ଥିବା ଗଛରେ ଦୁଇ ଜଣଙ୍କ ମୃତଦେହ ଝୁଲୁଥିବା ଗ୍ରାମବାସୀ ଦେଖିଥିଲେ।
ଏନେଇ ପୁଲିସକୁ ଖବର ଦେଇଥିଲେ। ଏ ଘଟଣାର ଖବର ପାଇ ତିରିଂ ଥାନା ପୁଲିସ୍ ଘଟଣାସ୍ଥଳରେ ପହଞ୍ଚିଥିଲା। ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ପଠାଇବା ସହିତ ତଦନ୍ତ କାର୍ଯ୍ୟ ଜାରି ଆରମ୍ଭ କରିଥିଲା।ପ୍ରାଥମିକ ତଦନ୍ତରୁ ଦୁଇ ଜଣଙ୍କ ମଧ୍ୟରେ ପ୍ରେମ ସଂପର୍କ ଥିବା ସନ୍ଦେହ କରାଯାଉଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି।ସୂଚନା ଅନୁଯାୟୀ, ମୃତ ଯୁବକ ରାମେଶ୍ବର ବିବାହିତ ହୋଇଥିବା ବେଳେ ତାଙ୍କ ଏକ ସନ୍ତାନ ମଧ୍ୟ ରହିଛି।ତେବେ ଗ୍ରାମର ଯୁବତୀ ସାବିତ୍ରୀ’ଙ୍କ ସହିତ ପ୍ରେମ ସମ୍ପର୍କ ରହି ଥିବାରୁ ବିଭିନ୍ନ ସମୟରେ ଏହାକୁ ନେଇ ବିବାଦ ଦେଖା ଦେଇଥିଲା।ତେବେ ଯୁବକ ଜଣକ ବାହାର ରାଜ୍ୟରେ କାର୍ଯ୍ୟ କରୁଥିବାବେଳେ ସମସ୍ତଙ୍କ ଅଜାଣତରେ ପହଞ୍ଚି ନିଜ ପ୍ରେମିକ ସହିତ ଆତ୍ମହତ୍ୟା କରିବା ଘଟଣା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି।ତିରିଂ ଥାନା ପୋଲିସ ଉକ୍ତ ଘଟଣାକୁ ନେଇ କେଶ୍ ନଂ ୧୦/୨୦ ରେ ଏକ ଅପମୃତ୍ୟୁ ମାମଲା ରୁଜୁ କରିବା ସହିତ ସାଇଣ୍ଟିଫିକ ଟିମ ସହିତ ଅଧିକ ତଦନ୍ତ ଚଳାଇଛନ୍ତି।
