ଭୁବନେଶ୍ୱର,ନିରପେକ୍ଷ ଖବର :୧୦/୧୨ ଇନ୍ଷ୍ଟିଚ୍ୟୁଟ୍ ଅଫ୍ ମିଡିଆ ଷ୍ଟଡିଜ୍ର ଜାତୀୟ ସେବା ଯୋଜନା ବିଭାଗ ଆନୁକୁଲ୍ୟରେ ଆଜି ଆଚାର୍ଯ୍ୟ ବିହାର ସ୍ଥିତ ସାଇନ୍ସ ପାର୍କ ବିଜୁ ଆଦର୍ଶ କଲୋନୀଠାରେ ବିଶ୍ୱ ମାନବାଧିକାର ଦିବସ ପାଳିତ ହୋଇଯାଇଛି । ଏହି ଅବସରରେ
ଇନ୍ଷ୍ଟିଚ୍ୟୁଟ୍ର ଜାତୀୟ ସେବା ଯୋଜନା ବିଭାଗର ସ୍ୱେଚ୍ଛାସେବୀ, କର୍ମକର୍ତା, ବସ୍ତି ବାସିନ୍ଦା ଏବଂ ବସ୍ତି ପିଲାମାନମାନଙ୍କ ଦ୍ୱାରା ସକାଳ ୧୦ ଘଟିକା ସମୟରେ ଏହି କଲୋନୀରେ ଏକ ମାନବାଧିକାର ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏହାପରେ ଏଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଯୋଗଦେଇ ଜାତୀୟ ଜନକଲ୍ୟାଣ ମଣ୍ଡଳର ଅଧ୍ୟକ୍ଷ ସାରଦା ମହାପାତ୍ର ପୌରାଣିକ ମହାଭାରତର ବିଷୟବସ୍ତୁ ଆଧାରରେ ମାନବାଧିକାର ଗୁରୁତ୍ୱ ଉପରେ ଆଲୋକପାତ କରିଥିଲେ । ଅନ୍ୟତମ ଅତିଥିମାନେ ତଥା ବରିଷ୍ଠ ସାମ୍ବାଦିକ, ସ୍ତମ୍ବକାର, ମାନବାଧିକାର କର୍ମୀ ସୁଦର୍ଶନ ଛୋଟରାୟ, ଇଟିଆଇ ଓୟୁଏଟି ତଥା ଜାତୀୟ ସେବା ଯୋଜନାର ପ୍ରଶିକ୍ଷଣ ସଂଯୋଜକ ନିରଦ ବରଣ ଖୁଂଟିଆ, କଲୋନୀର ସମ୍ପାଦକ ସୁରେଶ ଚନ୍ଦ୍ର ମିଶ୍ର, ଆଇ.ଏମ୍.ଏସ୍.ର ପାଠ୍ୟ ସଂଯୋଜକ ଡଃ ଗାୟତ୍ରୀ ପଟ୍ଟନାୟକ ଏଠାରେ ଯୋଗଦେଇ ମାନବାଧିକାର ସୁରକ୍ଷା ଉପରେ ଗୁରୁତ୍ୱାରୋପ କରିଥିଲେ । ସମାଜସେବା ବିଭାଗର ମୁଖ୍ୟ ତଥା ଜାତୀୟ ସେବା ଯୋଜନାର ସଂଯୋଜକ ରଘୁନାଥ ମଣ୍ଡଳ ଏହି କାର୍ଯ୍ୟକ୍ରମକୁ ପରିଚାଳନା କରିବା ସହିତ ଅତିଥି ପରିଚୟପତ୍ର ପ୍ରଦାନ କରିଥିଲେ । ଶେଷରେ ଗଣମାଧ୍ୟମ ବିଭାଗର ମୁଖ୍ୟ ମାନୋରଞ୍ଜନ ପଣ୍ଡା ଧନ୍ୟବାଦ ଅର୍ପଣ କରିଥିଲେ । ଜାତୀୟ ସେବା ଯୋଜନାର ବିଭିନ୍ନ ବିଭାଗର ସ୍ୱେଚ୍ଛାସେବୀ, କର୍ମକର୍ତା, ସହକର୍ମୀ, ବସ୍ତିବାସିନ୍ଦା ଆଦି ଏହି କାର୍ଯ୍ୟକ୍ରମରେ ଯୋଗଦେଇ ଏହାକୁ ସଫଳ ରୂପାୟନ କରିଥିଲେ ।
