ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତରେ ଗ୍ରାମୀଣ ସ୍ତରୀୟ ଉଦ୍ୟୋଗୀ ସମ୍ମିଳନୀ ଅନୁଷ୍ଠିତ..

ଭୁବନେଶ୍ୱର: ନିରପେକ୍ଷ ଖବର:୪ ମାର୍ଚ୍ଚ ୨୦୧୯: ଭୁବନେଶ୍ୱର ମଞ୍ଚେଶ୍ୱରସ୍ଥିତ ରେଳବାଇ ଅଡ଼ିଟୋରିୟମ୍ ରେ ଆଜି ଗ୍ରାମୀଣ ସ୍ତରୀୟ ଉଦ୍ୟୋଗୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । କେନ୍ଦ୍ର ପେଟ୍ରୋଲିୟମ୍‍ ଓ ପ୍ରାକୃତିକ ଗ୍ୟାସ୍‍ ଏବଂ ଦକ୍ଷତା ବିକାଶ ଓ ଉଦ୍ୟୋଗ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ଉଦ୍‍ଘାଟନ କରିଥିଲେ ।

କେନ୍ଦ୍ର ରେଳବାଇ ରାଷ୍ଟ୍ରମନ୍ତ୍ରୀ ମନୋଜ ସିହ୍ନା, ନାଲ୍‍କୋର ନିର୍ଦେଶକ (ମାନବ ସମ୍ବଳ) ବି.କେ. ଠାକୁର, ନିର୍ବାହୀ ନିର୍ଦେଶକ ଏମ୍‍ଏସ୍‍ଡି ଭଟ୍ଟମିଶ୍ର, ବିବିଏନ୍‍ଏଲ୍‍ ଓଡ଼ିଶାର ସିଜିଏମ୍‍ ଡ. ୟୁ.ଏସ.
ପଣ୍ଡା, ଆଇଓସିଏଲ୍‍ର ଏସ୍‍ଏଲ୍‍ସି ଶୁଭ୍ରଜିତ ଘୋଷ, ବିଏସ୍‍ଏନ୍‍ଏଲ୍‍ର ସିଜିଏମ୍‍ ବି.କେ. ନାୟକ, ଗ୍ରାହକ ସେବା କେନ୍ଦ୍ର
(ସିଏସ୍‍ସି) ଓଡ଼ିଶା ମୁଖ୍ୟ ସୁଶ୍ରୀ ସ୍ୱର୍ଣ୍ଣପ୍ରଭା ସିଂହ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ ।

ନାଲ୍‍କୋ, ଏନ୍‍ଟିପିସି ଏବଂ କୋଲ୍‍ ଇଣ୍ଡିଆ ଲିମିଟେଡ୍‍ ଆନୁକୂଲ୍ୟରେ ୪୦୦ କର୍ପୋରେଟ୍‍ ସେବାକେନ୍ଦ୍ର ମାଧ୍ୟମରେ ସାନିଟାରୀ ନାପ୍‍କିନ୍‍ ଉତ୍ପାଦନ ୟୁନିଟି ଆଜି ଉଦ୍‍ଘାଟିତ ହୋଇଛି ।
କର୍ପୋରେଟ୍‍ ସେବାକେନ୍ଦ୍ର ଦ୍ୱାରା ମଧ୍ୟ ୪୫,୦୦୦ରୁ ୫୦,୦୦୦ ପ୍ୟାଡ୍‍ ପ୍ରସ୍ତୁତି ପାଇଁ କଞ୍ଚାମାଲ ଯୋଗାଇ ଦିଆଯିବ । ଏହି ନାପ୍‍କିନ୍‍ ପ୍ୟାକେଟ୍‍ର ମୂଲ୍ୟ ୪୦ ଟଙ୍କା ରହିବ; ପ୍ରତି ପ୍ୟାକ୍‍ରେ ୮ଟି ପ୍ୟାଡ୍‍ ରହିବ ।ତୈଳ ବିତରଣ କମ୍ପାନୀ(ଓଏମ୍‍ସି) ସବୁ ସେମାନଙ୍କ କର୍ପୋରେଟ୍‍ ସାମାଜିକ ଦାୟିତ୍ୱବୋଧ ଉପକ୍ରମ (ସିଏସ୍‍ଆର୍‍)
ମାଧ୍ୟମରେ ଓଡ଼ିଶାର ମହିଳାମାନଙ୍କୁ ନିୟୋଜିତ କରିବା, ଶିକ୍ଷିତ କରାଇବା ଏବଂ ସଶକ୍ତ କରାଇବା କ୍ଷେତ୍ରରେ ପ୍ରମୁଖ ଭୂମିକା
ଗ୍ରହଣ କରିବା ସହ ସାନିଟାରୀ ନାପ୍‍କିନ୍‍ ୟୁନିଟି ପ୍ରତିଷ୍ଠା କରି ମହିଳାଙ୍କ ପାଇଁ ସ୍ୱାସ୍ଥ୍ୟପ୍ରଦ ଉତ୍ପାଦ ପ୍ରସ୍ତୁତ କରାଇବାର ବାଟ
ଦେଖାଇଛନ୍ତି ।