*ପରିଷଦ ପାଇଁ ଓଡ଼ିଶା ଦେଶର ୨୨ତମ ରାଜ୍ୟ ଚାପଫର -ରାଜ୍ୟ ଜିଲ୍ଲା ସ୍ତରୀୟ କର୍ମକର୍ତ୍ତା ମନୋନୀତ – ଉପଭୋକ୍ତା ସୁରକ୍ଷା ଆଇନ-୨୦୧୯ ସଂପର୍କିତ କର୍ମଶାଳା ଆୟୋଜିତ
ଭୁବନେଶ୍ୱର,ନିରପେକ୍ଷ ଖବର: ୧୦/୧୧/୨୦୧୯ : ଭାରତୀୟ ଉପଭୋକ୍ତା ମହାସଂଘ ( ସିସିଆଇ) ସହ ଅନୁବନ୍ଧିତ ଓ ଭାରତ ସରକାରଙ୍କ ଉପଭୋକ୍ତା ବ୍ୟାପାର ସର୍ବ ଭାରତୀୟ ଖାଉଟି କଲ୍ୟାଣ
ପରିଷଦ (ଏଆଇସିଡବ୍ଲୁସି) ଆଜି ନିଜର ଓଡ଼ିଶା ଚାପଫର ଘୋଷଣା କରିବା ସହ ଓଡ଼ିଶାରେ ନିଜର କାର୍ଯ୍ୟାରମ୍ଭ କରିଛି । ଓଡ଼ିଶା ଦେଶର ୨୨ତମ ରାଜ୍ୟ ଯେଉଁଠାରେ ଏହି ପରିଷଦ ଖାଉଟି ବା ଉପଭୋକ୍ତାଙ୍କ ଅଧିକାର ରକ୍ଷା ଓ ସେମାନଙ୍କ ସ୍ୱରକୁ ଉପଯୁକ୍ତ ମଞ୍ଚରେ ଉଠାଇବା କ୍ଷେତ୍ରରେ ସଂପୂର୍ଣ ଭାବେ କାର୍ଯ୍ୟ କରୁଛି । ସିସିଆଇର ଜାତୀୟ ସଭାପତି ଡ. ଅନନ୍ତ ଶର୍ମା ଓ
ଏଆଇସିଡବ୍ଲୁସିର ଜାତୀୟ ମହାସଚିବ ଶ୍ରୀ ଦେବେନ୍ଦ୍ର ତିୱାରୀଙ୍କ ଉପସ୍ଥିତିରେ ଚାପଫରର ରାଜ୍ୟ ଓ ଜିଲ୍ଲା ସ୍ତରୀୟ କର୍ମକର୍ତ୍ତାମାନଙ୍କୁ ମନୋନୀତ କରାଯାଇଛି । ଶ୍ରୀ ସୁନୀଲ କୁମାର ବେହେରା ଓ ଶ୍ରୀ ବରୁଣ ପ୍ରକାଶ ଜେନା ଏଆଇସିଡବ୍ଲୁସି ଓଡ଼ିଶା ଚାପଫରର ଯଥାକ୍ରମେ ସଭାପତି ଓ ସେକ୍ରେଟାରୀ ମନୋନୀତ ହୋଇଛନ୍ତି । ଏହି କର୍ମକର୍ତ୍ତାମାନଙ୍କ ମନୋନୟନ ସହ ନୂଆକରି ଯୋଗଦେଇଥିବା ସାଧାରଣ ସଦସ୍ୟମାନଙ୍କୁ ସଚେତନ କରିବା ପାଇଁ ଖାଉଟି ସୁରକ୍ଷା ଆଇନ-୨୦୧୯, ଖାଉଟି ସଶକ୍ତିକରଣ, ନିଜ ବିଲ୍କୁ ଜାଣନ୍ତୁ, ଉପଭୋକ୍ତା ବ୍ୟବହାର,ଅସାଧୁ ବ୍ୟବସାୟ ପଦ୍ଧତି, ଭ୍ରମାତ୍ମକ ବିଜ୍ଞାପନ ଓ ସହଜ ଉପଭୋକ୍ତା ଅଭିଯୋଗ ସମାଧାନ ଆଦି ପ୍ରସଙ୍ଗରେ ଏକ ଦିନିକିଆ କର୍ମଶାଳା ମଧ୍ୟ ଆୟୋଜନ କରାଯାଇଥିଲା । ଏହି ସଦସ୍ୟମାନଙ୍କ ସହାୟତାରେ ସାଧାରଣ ଜନତା ଓ ଖାଉଟିମାନଙ୍କୁ ସଚେତନ କରାଯିବ । ଏହି ଅବସରରେ ସିସିଆଇର ଜାତୀୟ ସଭାପତି ଡ. ଅନନ୍ତ ଶର୍ମା ନବଗଠିତ ଓଡ଼ିଶା ଚାପଫରକୁ ଅଭିନନ୍ଦନ ଜଣାଇବା ସହ କହିଛନ୍ତି ଯେ ନୂଆ ଉପଭୋକ୍ତା ସୁରକ୍ଷା ଆଇନ-୨୦୧୯ ଅନୁସାରେ ଉପଭୋକ୍ତାଙ୍କ ଅଧିକାରକୁ ବୁଝିବା ପାଇଁ ଲୋକମାନଙ୍କୁ ସଚେତନ କରିବା ଦିଗରେ ଏହି ଚାପଫର ଏକ ଜରୁରୀ ଭୂମିକା ନିର୍ବାହ କରିବ । ଉପଭୋକ୍ତା ସୁରକ୍ଷା ପ୍ରାଧିକରଣ,ଭ୍ରମାତ୍ମକ ବିଜ୍ଞାପନ ଓ ଅଭିଯୋଗର ବିଚାର ପରିସର ଆଦି ଦୃଷ୍ଟିରୁ ନୂଆ ଆଇନଟି ୧୯୮୬ର ଆଇନ ତୁଳନାରେ ଟିକିଏ ଭିନ୍ନ ରହିଛି । ଏଣୁ ଏହି ଆଇନ ସଂପର୍କରେ ସଚେତନତା ଓ
ସହାୟତା ବେଶ ଜରୁରୀ । ଏଣୁ ଆଶା କରୁଛି ଯେ ଓଡ଼ିଶା ଚାପଫର ଓଡ଼ିଶାର ଖାଉଟିଙ୍କ ଅଧିକାର ରକ୍ଷା ଓ ସେମାନଙ୍କୁ ସଚେତନ କରିବା ଦିଗରେ ଗୁରୁତ୍ୱପୂର୍ଣ ଭୂମିକା ନିର୍ବାହ କରିବ ।
ଉଲ୍ଲେଖଯୋଗ୍ୟ ଯେ ଚଳିତ ବର୍ଷ ଉପଭୋକ୍ତା ସୁରକ୍ଷା ଆଇନ-୨୦୧୯ ତିନି ଦଶନ୍ଧି ପୁରୁଣା ଉପଭୋକ୍ତା ସୁରକ୍ଷା ଆଇନ-୧୯୮୬ ବଦଳରେ ଲାଗୁ ହୋଇଛି । ଏଥିରେ ଖାଉଟିଙ୍କ
ଅଧିକାରର ସୁରକ୍ଷା ପାଇଁ କେତେକ ନୂଆ ପ୍ରକାରର ବ୍ୟବସ୍ଥା କରାଯିବା ସହ ପୂର୍ବରୁ ଥିବା ସୁରକ୍ଷାବ୍ୟବସ୍ଥାଗୁଡ଼ିକୁ ସୁଦୃଢ କରାଯାଇଛି । ନୂଆ ଆଇନରେ ଏକ ଉପଭୋକ୍ତା ସୁରକ୍ଷା ପ୍ରାଧିକରଣ ସ୍ଥାପନର ବ୍ୟବସ୍ଥା ରହିଛି । ଲୋକମାନଙ୍କ ମିଳିତ ଅଭିଯୋଗ କ୍ଷେତ୍ରରେ ଏହି ପ୍ରାଧିକରଣ ସିଧାସଳଖ କୌଣସି ମାମଲାରେ ହସ୍ତକ୍ଷେପ କରିପାରିବେ । ଉପଭୋକ୍ତା ଦେଶର ଏକ ଗୁରୁତ୍ୱପୂର୍ଣ ସମ୍ବଳ ହୋଇଥିବାରୁ ଭାରତ ସରକାର ଏମାନଙ୍କ କଲ୍ୟାଣ ଓ ସୁରକ୍ଷା ପାଇଁ ବଚନବଦ୍ଧ । ଏଆଇସିଡବ୍ଲୁସି ସଂପର୍କରେ :ସର୍ବ ଭାରତୀୟ ଖାଉଟି କଲ୍ୟାଣ ପରିଷଦ (ଏଆଇସିଡବ୍ଲୁସି) ଏକ ଅଖିଳ ଭାରତୀୟ ଗ୍ରାହକ କଲ୍ୟାଣ ପରିଷଦ ନାମରେ ପଂଜୀକୃତ ଏକ ସୋସାଇଟି । ଗ୍ରାହକଙ୍କ ଅଧିକାର ଯଥା ନିରାପତ୍ତାର ଅଧିକାର, ଅଭିଯୋଗ ଶ୍ରବଣର ଅଧିକାର, ନ୍ୟାୟ ପାଇବାର ଅଧିକାର ଓ ଖାଉଟି ସଚେତନତା ଆଦିର ସୁରକ୍ଷା ଦିଗରେ ଏହି ପରିଷଦ ବଚନବଦ୍ଧ ।
