ବି.ଜେ.ଇ.ଏମ୍. ସ୍କୁଲରେ ୧୫୩ତମ ଗାନ୍ଧିଜୟନ୍ତୀ ସମାରୋହ…

ଭୁବନେଶ୍ୱର, ନିରପେକ୍ଷ ଖବର:ତା ୨୬/୦୯/୨୨
ବିଂଶ ଶତାବ୍ଦୀର ଯୁବ ସମ୍ପ୍ରଦାୟ ତଥା ଛାତ୍ରଛାତ୍ରୀମାନଙ୍କ ମନରେ ମହାତ୍ମା ଗାନ୍ଧିଙ୍କ ଅହିଂସା ଓ ସତ୍ୟର ନୀତି ତଥା
ସ୍ବାଧୀନତାର ସଂଘର୍ଷମୟ ଜୀବନର ଭିତିଭୂମିକୁ ପୁନଃଜାଗ୍ରତ କରି ସଚେତନତା ସୃଷ୍ଟି କରିବାର ଉଦ୍ଦେଶ୍ୟ ପୂରଣ ନିମନ୍ତେ ଏସ୍.ଆର୍.ଏମ୍.ଜି. (ଷ୍ଟୁଡେଣ୍ଟ୍‌ସ୍ ରିମେମ୍ବର ମହାତ୍ମା ଗାନ୍ଧି) କାର୍ଯ୍ୟକ୍ରମର ସୃଷ୍ଟି । ବି.ଜେ.ଇ.ଏମ୍. ସ୍କୁଲ ସହିତ ବରଗଡ଼ ସରକାରୀ ଉଚ୍ଚ ବିଦ୍ୟାଳୟର ପୁରାତନ ଛାତ୍ର ସଂସଦ ଦ୍ବାରା ସ୍ଥିର କରାଯାଇ ୪ ବର୍ଷ ଧରି ଏକ ଅଭିନବ ପ୍ରୟାସ ଆରମ୍ଭ କରାଯାଇଛି । ଯାହାର ଲକ୍ଷ୍ୟ ପୂରଣ ନିମନ୍ତେ ପ୍ରତ୍ୟେକ ବର୍ଷ ପରି ଏହି ବର୍ଷ ୫୦ରୁ ଉର୍ଦ୍ଧ୍ବ ବିଦ୍ୟାଳୟର ପ୍ରଥମରୁ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କ ମଧ୍ୟରେ ଆନ୍ତଃବିଦ୍ୟାଳୟ ବକ୍ତୃତା, ପ୍ରବନ୍ଧ, କୁଇଜ୍, ଅନୁଚ୍ଛେଦ ଲିଖନ, କାନ୍‌ଭାସ୍ ପେଣ୍ଟିଙ୍ଗ୍‌ ପ୍ରତିଯୋଗିତା ଆୟୋଜନ କରାଯାଇଥିଲା । ଅକ୍ଟୋବର ୧ ତାରିଖ ଦିନ ୩୦ଟି ଓଡ଼ିଆ ଏବଂ
ଇଂରାଜୀ ମାଧ୍ୟମ ବିଦ୍ୟାଳୟକୁ ନେଇ ଦେଶାତ୍ମବୋଧକ ନୃତ୍ୟ ପ୍ରତିଯୋଗିତା ଆୟୋଜିତ ହେବ । ଏ ସମସ୍ତ
ପ୍ରତିଯୋଗିତା ସମ୍ପୂର୍ଣ୍ଣ ଭାବେ ମହାତ୍ମା ଗାନ୍ଧିଙ୍କ ଜୀବନୀ ଓ ସମାଜ ପାଇଁ ତାଙ୍କର ଅବଦାନ ଶୀର୍ଷକ ବିଷୟବସ୍ତୁ ଉପରେ ଆଧାରିତ । ତେଣୁ ପିଲାମାନଙ୍କୁ ଏହା ଅନୁପ୍ରାଣିତ କରିବ । ମହାତ୍ମା ଗାନ୍ଧିଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ଭାରତୀୟ ରିଜର୍ଭ ବ୍ୟାଙ୍କର ପୂର୍ବତନ ଡେପୁଟି ଗଭର୍ଣ୍ଣର ଶ୍ରୀଯୁକ୍ତ ହାରୁନ୍ ରସିଦ ଖାନ୍ ଏହି କାର୍ଯ୍ୟକ୍ରମର ପୁରୋଧା ତଥା ବରଗଡ଼ ପୁରାତନ ଛାତ୍ର ସଂସଦର ସଭାପତି ଶ୍ରୀଯୁକ୍ତ ମାନସ ମହାପାତ୍ର, ବରଗଡ଼ ପୁରାତନ ଛାତ୍ର ସଂସଦର ସଭ୍ୟ ତଥା ବିଜେଇଏମ୍ ସ୍କୁଲର ପରିଚାଳକ ଶ୍ରୀଯୁକ୍ତ ପ୍ରତାପ କୁମାର
ଜେନା, ବିଜେଇଏମ୍ ସ୍କୁଲର ସଭାପତି ଶ୍ରୀଯୁକ୍ତ ରଘୁନାଥ ମିଶ୍ର ପ୍ରମୁଖ ଏପରି ଏକ ମହାନ୍ ପଦକ୍ଷେପର ନେତୃତ୍ଵ
ନେଇଛନ୍ତି । ଗାନ୍ଧି ଜୟନ୍ତୀ ଅବସରରେ ପ୍ରଥମ ଅଧ୍ୟବେଶନରେ ସକାଳ ଘ. ୭.୩୦ ମି ରେ ସର୍ବଧର୍ମ ପ୍ରାର୍ଥନା ସଭା ଅନୁଷ୍ଠିତ ହେବ । ସକାଳ ଘ. ୮.୩୦ ମି. ରେ ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ, ଭୁବନେଶ୍ଵରର ଆଞ୍ଚଳିକ ମୁଖ୍ୟ ଶ୍ରୀଯୁକ୍ତ ରମାକାନ୍ତ ପ୍ରଧାନଙ୍କ ଦ୍ବାରା ଶାନ୍ତି ପଦଯାତ୍ରାର ଶୁଭାରମ୍ଭ କରାଯିବ । ଦ୍ଵିତୀୟ ଅଧ୍ଵବେଶନରେ ଗାନ୍ଧି ପ୍ରତିମୂର୍ତ୍ତି ଲୋକାର୍ପଣ
କରାଯିବା ସହ ସ୍ବାଧୀନତାର କାହାଣୀ ଜନିତ ସାଂସ୍କୃତିକ କାର୍ଯ୍ୟକ୍ରମ, କୃତିତ୍ୱ ଅର୍ଜନ କରିଥିବା ପିଲାମାନଙ୍କୁ ପୁରସ୍କୃତ କରିବା ପରି ବିବିଧ କାର୍ଯ୍ୟ ଆୟୋଜିତ ହେବାର କାର୍ଯ୍ୟକ୍ରମ ରହିଛି । ଏହି ଅବସରରେ ପିଲାମାନେ ଗାନ୍ଧିପୀଠ ପରିଦର୍ଶନ କରିଥିଲେ । ଏହି ଉତ୍ସବରେ ମୁଖ୍ୟ ଅତିଥ ଭାବେ ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ, ସାର୍ବଜନୀନ ଉଦ୍ୟୋଗ, ବିଜ୍ଞାନ ଓ ପ୍ରଯୁକ୍ତି ବିଭାଗର ମନ୍ତ୍ରୀ ଶ୍ରୀଯୁକ୍ତ ଅଶୋକ ଚନ୍ଦ୍ର ପଣ୍ଡା, ଏବଂ ମୁଖ୍ୟବକ୍ତା ଭାବେ ବିଧାୟକ ତଥା ସମ୍ବାଦର ସମ୍ପାଦକ
ଶ୍ରୀଯୁକ୍ତ ସୌମ୍ୟ ରଞ୍ଜନ ପଟ୍ଟନାୟକ ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି । ଏଥୁରେ ୟୁନିୟନ୍ ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏ. ମଣିମେଖଲାଇଙ୍କୁ ନିମନ୍ତ୍ରିତ କରାଯାଇଅଛି । ଏହି ଅବସରରେ ଗାନ୍ଧିବାଦୀ, ସମାଜସେବକ ଏବଂ ପୂର୍ବତନ ବିଧାୟକ ଶ୍ରୀଯୁକ୍ତ ପଦ୍ମଚରଣ ନାୟକଙ୍କୁ ସମ୍ମାନିତ କରାଯିବ । ଏପରି ଏକ ସରସ ସୁନ୍ଦର ତଥା ସାମାଜିକ ମୂଲ୍ୟବୋଧ ଭିତ୍ତିକ କାର୍ଯ୍ୟକ୍ରମକୁ ଆପଣଙ୍କର ସଦୟ ଉପସ୍ଥିତି ସହ ଆଉ ଏକ ସାମାଜିକ ଶାନ୍ତିର ବିପ୍ଳବ ଛାତ୍ରସମାଜରେ ସୃଷ୍ଟି କରି, ଭାରତୀୟ ପରମ୍ପରା, ବୀରତ୍ଵ, ଶାନ୍ତି ଓ ମୈତ୍ରୀ ବଜାୟ
ରଖୁବାର ଏକ ପ୍ରୟାସ ବିଜେଇଏମ୍ ସ୍କୁଲ ପକ୍ଷରୁ କରାଯାଇଛି।