ଦୁର୍ଘଟଣା ସ୍ଥାନରେ ୧୦୮ ଆମ୍ବୁଲାନସ୍ ପହଁଚି ପାରିଲାନି..

ବାରିପଦା: ନିରପେକ୍ଷ ଖବର ୨୨/୦୭/୨୦୧୯: ମୟୁରଭଞ୍ଜ ଜିଲ୍ଲାର ଝାରପୋଖରୀଆ ଥାନା ଅନ୍ତର୍ଗତ ଧାଙ୍ଗୁଡିଶୋଳ ଛକ ନିକଟରେ ଆଜି ଦିନ ୧୧ଟା ସମୟରେ ଏକ ସଡକ ଦୂର୍ଘଟଣା ଘଟିଯାଇଛି । ସୂଚନା ଅନୁସାରେ ସାରସକଣାର ଖେକରା ଧଳ ନିଜ  ବମ୍ବେଛକରୁ ବାରିପଦା ପଟେ ଯାଉଥିବା ସମୟରେ ଧାଙ୍ଗୁଡିଶୋଳ ଛକ ନିକଟରେ ପଛପଟୁ ଆସୁଥିବା ବାଲଡିହା ଗ୍ରାମର ରାଜ କଲ୍ୟାଣ ଡାଙ୍ଗୁଆ ନିଜ ବାଇକରେ ଆସି ଧକ୍କା ଦେଇଥିଲେ । ଏହି ଦୂର୍ଘଟଣାରେ ଖେକରା ଧଳଙ୍କ ମୁଣ୍ଡ ଫାଟି ଯାଇଥିଲା ବେଳେ ପ୍ରଚୁର ରକ୍ତସ୍ରାବ ହୋଇଥିଲା । ସ୍ଥାନୀୟ ଜନସାଧାରଣ ଆହତଙ୍କୁ ମେଡିକାଲ ପଠାଇବାକୁ ୧୦୮ ଆମ୍ବୁଲାନସକୁ ଫୋନ କରିବାରୁ ଆମ୍ବୁଲାନସ ନଥିବାରୁ ଜନସାଧାରଣ ଅସନ୍ତୋଷ ବ୍ୟକ୍ତ କରିଥିଲେ । ପରେ ଜନସାଧାରଣ ବ୍ୟାକବୋନ କମ୍ପାନୀର ପିକଅପକୁ ଅଟକାଇ ବାରିପଦା ପିଆରଏମ ମେଡିକାଲକୁ ପଠାଇଦେଇଥିଲେ ।