ଜଳାଭିଷେକ ପାଇଁ ଯାଉଥିବା ବେଳେ ଚାଲିଗଲା ଦୁଇ କାଉଡ଼ିଆଙ୍କ ଜୀବନ…

ନିରପେକ୍ଷ ଖବର(ବାରିପଦା)ତା: ୨୭/୦୭/୨୦୧୯-ମୟୁରଭଞ୍ଜ ଜିଲ୍ଲାର ବାଙ୍ଗରିପୋଷି ଅଞ୍ଚଳରେ ଘଟିଯାଇଛି ମର୍ମନ୍ତୁତ ସଡ଼କ ଦୁର୍ଘଟଣା। ଶ୍ରାବଣ ମାସର ସୋମବାର ଦିନ ବାବା ମହାଦେବ ଙ୍କ ଲିଙ୍ଗରେ ଜଳାଭିଷେକ କଲେ ପୁଣ୍ୟ ମିଳେ ବୋଲି ଲୋକବାଣୀ ଅଛି। ହେଲେ ମୟୂରଭଞ୍ଜ ଜିଲ୍ଲାର ବାଙ୍ଗରିପୋଷି ଅଞ୍ଚଳରୁ କୋରାପୁଟ ଜିଲ୍ଲାର ଗୁପ୍ତେଶ୍ଵର ମହାଦେବଙ୍କ ନିକଟରେ ଜଳାଭିଷେକ ପାଇଁ ଯିବା ବାଟରେ 2ଜଣଙ୍କ ଜୀବନ ଚାଲିଯାଇଥିବା ବେଳେ 9 ଜଣ ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସା ହେଉଛନ୍ତି।ଗତ ଶୁକ୍ରବାର ବିଳମ୍ବିତ ରାତି ୧୧:୦୦ଟା ସମୟରେ ଏକ ଵୋଲେରରେ ବାଙ୍ଗରିପୋଷି ଠାରୁ ସ୍ଥାନୀୟ ୧୦ଜଣ କାଉଡ଼ିଆ ଯାତ୍ରା ଆରମ୍ଭ କରିଥିଲେ। ହେଲେ ଭାଗ୍ୟର ବିଡ଼ମ୍ବନା ମାତ୍ର ଏକ କିଲୋମିଟର ଯିବା ପରେ ଘାଟି ପୂର୍ବରୁ ଥିବା ଟୁନା ଢ଼ାବା ସମ୍ମୁଖରେ ଶିକାର ହୋଇଥିଲେ ଏକ ବିରାଟ ଧରଣର ଦୁର୍ଘଟଣାର। ସୂଚନା ମୁତାବକ ବିଶୋଇ ଆଡୁ ଆସୁଥିବା ୧୪ ଚକିଆ ଗାଡିଟି ଭାରସାମ୍ୟ ହରେଇ ପିଟିଥିଲା ଵୋଲେରକୁ। ଵୋଲେରଟି ଦୁର୍ଘଟଣା ସ୍ଥଳରୁ ୧୦ମିଟର ଦୂରକୁ ଚାଲିଯାଇଥିଲା। ଘଟଣା ସ୍ଥଳରେ ୨ଜଣଙ୍କର ମୃତ୍ୟୁ ହୋଇଥିବାବେଳେ ୯ ଜଣ ବାରିପଦା ପିଆରଏମ ଭେଷଜ ଚିକିତ୍ସାଳୟ ଓ ମହାବିଦ୍ୟାଳୟରେ ଚିକିତ୍ସିତ ହେଉଛନ୍ତି। ମୃତକ ଦୁଇଜଣ ହେଲେ ମହୁଲବରେଇ ଅଞ୍ଚଳର ଶିବଶଙ୍କର ସାହୁ(୩୦) ଓ ହାନଦା ଅଞ୍ଚଳର ରଞ୍ଜିତ କୁମାର ରାମ(୩୦)। ଟ୍ରକ ଡ୍ରାଇଭର ଥାନାରେ ଅଟକ ଥିବା ବେଳେ ସ୍ଥାନୀୟ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।ଏହି ଘଟଣା ପରେ ସ୍ଥାନନୀୟ ଅଞ୍ଚଳରେ ଦୁଃଖର ଛାୟା ଖେଳିଯାଇଛି।