ବାରିପଦା(ନିରପେକ୍ଷ ଖବର)ତା- ୨୨/ଅଗଷ୍ଟ/୨୦୧୯- ସାଧାରଣ ନିର୍ବାଚନ ପରେ ପୁଣି ମୟୁରଭଞ୍ଜ ଜିଲ୍ଲା ରାଜନୀତି ସରଗରମ ହୋଇଛି। ଦୀର୍ଘ ଦିନର ନିରବତା ଏବେ ପୁଣି ଜିଲ୍ଲା ରାଜନୀତି ଚଳଚଞ୍ଚଳ ହୋଇଉଠିଛି। ବୁଧବାର ମୟୁରଭଞ୍ଜ ଜିଲ୍ଲା ଗୋପବନ୍ଧୁ ନଗର ବ୍ଲକ ଅଧ୍ୟକ୍ଷ ଓ ଜାମଦା ବ୍ଲକ ଉପାଧକ୍ଷ ପଦବୀ ନିମନ୍ତେ ଅନୁଷ୍ଠିତ ଉପନିର୍ବାଚନରେ ବିଜେଡି ସମର୍ଥୀତ ପାର୍ଥି ବିଜୟୀ ହୋଇଛନ୍ତି। ଏହି ଦୁଇଟି ବ୍ଲକର ଅଧ୍ୟକ୍ଷ ଓ ଉପାଧକ୍ଷଙ୍କ ଅକାଳ ବିୟୋଗ ହେବା ପରେ ଦୀର୍ଘ ଦିନ ହେବ ଏହି ପଦବୀ ଖାଲି ପଡିଥିଲା। ସାଧାରଣ ନିର୍ବାଚନ ସମୟରେ ମୟୁରଭଞ୍ଜରେ ବିଜେପି ଭଲ ପ୍ରଦର୍ଶନ କରିଥିଲେ ମଧ୍ୟ ଉପ ନିର୍ବାଚନରେ ବିଜେପି ପାର୍ଥିମାନେ ପରାଜୟ ବରଣ କରିଛନ୍ତି। ମୟୂରଭଞ୍ଜ ଜିଲ୍ଲାର ଗୋପବନ୍ଧୁ ନଗର ବ୍ଲକରେ ବ୍ଲକ ଅଧ୍ୟକ୍ଷ ଭାବେ ସୁକେଶ୍ବର ମଢେଇ ନିର୍ଦ୍ବନ୍ଦ ନିର୍ବାଚିତ ହେବାପରେ ଦଳରେ ଆନନ୍ଦର ଲହରୀ ଖେଳିଯାଇଛି। ସେହିପରି ଜାମଦା ପଞ୍ଚାୟତ ସମିତିର ଉପାଧ୍ୟକ୍ଷ ପଦବୀ ବିଜେଡ଼ି ସମର୍ଥୀତ ପ୍ରାର୍ଥୀ ସଂଗ୍ରାମ ମୁର୍ମୁଙ୍କ ହାତକୁ ଯାଇଛି। ସେ ତାଙ୍କ ପ୍ରତିଦ୍ବନ୍ଦ୍ବୀ ବିଜେପି ସମର୍ଥୀତ ପ୍ରାର୍ଥୀ ଦୁଃଖୀଶ୍ୟାମ ହେମ୍ବ୍ରମଙ୍କୁ ୩ ଖଣ୍ଡ ଭୋଟରେ ପରାସ୍ତ କରିଛନ୍ତି । ପୂର୍ବରୁ ବ୍ଲକ ଉପାଧ୍ୟକ୍ଷ ଏମଡି ଜିଲାନିଙ୍କ ମୃତ୍ୟୁ ପରେ ଏହି ପଦବୀ ଖାଲି ପଡିଥିଲା । ଏନେଇ ଜିଲ୍ଲା ବିଜେଡି ସଭାପତି ଦେବାଶିଷ ମହାନ୍ତିଙ୍କ ଆହ୍ୱାନକ୍ରମେ ରାଜସ୍ଵ ମନ୍ତ୍ରୀ ସୁଦାମ ମାରାଣ୍ଡି, ମୋରଡ଼ା ବିଧାୟକ ରାଜକିଶୋର ଦାସ ଉପସ୍ଥିତ ରହି ଦଳର ବିଜୟ ଉତ୍ସବ ପାଳନ କରିଥିଲେ।
