ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ଶ୍ରୀଶ୍ରୀ ହରିବଳଦେଵ ଜୀଉଙ୍କ ବାହୁଡା ଯାତ୍ରା ଶାନ୍ତିଶୃଙ୍ଖଳାର ସହ ସମ୍ପୂର୍ଣ୍ଣ…

ବିରିପଦା, ନିରପେକ୍ଷ ଖବର:୧୪/ଜୁଲାଇ/୨୦୧୯,(ରବିବାର) ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ଶ୍ରୀଶ୍ରୀ ହରିବଳଦେଵ ଜୀଉଙ୍କ ବାହୁଡା ଯାତ୍ରା ରୀତିନୀତି ଅନୁସାରେ ଶାନ୍ତିଶୃଙ୍ଖଳାର ସହ ସମ୍ପୂର୍ଣ୍ଣ ହୋଇଯାଇଛି। ବିଶେଷକରି ପରମ୍ପରା ଅନୁଯାୟୀ ବାରିପଦାରେ ଦେବୀ ସୁଭଦ୍ରାଙ୍କ ରଥ କେବଳ ମହିଳାମାନେ ଟାଣିବାର ସୁଯୋଗ ପାଇଥାନ୍ତି। ନାରୀଶକ୍ତିକୁ ସମ୍ମାନ ଦେଇ କେଉଁ ଆବାହନ କାଳରୁ ଆଜି ପର୍ଯ୍ୟନ୍ତ ଏହି ପରମ୍ପରା ପାଳନ କରାଯାଉଛି। ରୀତିନୀତି ଅନୁସାରେ ଶନିବାର ପ୍ରଭୁ ଜଗନ୍ନାଥଙ୍କର ରଥ ଟଣା ଯାଇଥିବା ବେଳେ ମା’ ସୁଭଦ୍ରାଙ୍କର ରଥ ଟଣାଯାଇ ହରିବଳଦେଵ ଜୀଉ କଂ ମନ୍ଦିର ପୂର୍ବରୁ ଅଟିକି ରହିଥିଲା। ସେହିପରି ଅଧା ବାଟରେ ଅଟିକି ରହିଥିବା ଦେବୀ ସୁଭଦ୍ରାଙ୍କ ରଥ ରବିବାର ଦିନ ଅପରାହ୍ନ ୨:୩୦ଟା ସମୟରେ ବିଧି ଅନୁସାରେ ମା’ସୁଭଦ୍ରାଙ୍କ ରଥକୁ ମହିଳା ଭକ୍ତମାନେ ମନ୍ଦିର କୁ ଟାଣି ନେଇଥିଲେ। ଏହାପରେ ଲକ୍ଷାଧିକ ଭକ୍ତ ପ୍ରଭୁ ବଳଭଦ୍ରଙ୍କ ରଥ ଟାଣି ହରିବଳଦେଵ ଜୀଉ ମନ୍ଦିର ନିକଟରେ ପହଞ୍ଚାଇଥିଲେ। ରଥଯାତ୍ରା ଦେଖିବାକୁ ମୟୁରଭଞ୍ଜ ଜିଲ୍ଲା ତଥା ପଡୋଶୀ ରାଜ୍ୟ ଝାଡ଼ଖଣ୍ଡ, ପଶ୍ଚିମବଙ୍ଗରୁ ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା। ପରମ୍ପରା ଅନୁଯାଇ ଶ୍ରୀକ୍ଷେତ୍ର ପୁରୀରେ ପ୍ରଭୁ ଜଗନ୍ନାଥଙ୍କ ରଥଯାତ୍ରାର ଗୋଟେ ଦିନପରେ ବାରିପଦାରେ ଦୁଇଦିନିଆ ରଥଟଣା କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଦୁଇ ଦିନ ଧରି ରଥଟଣା ରେ ଜିଲ୍ଲା ପ୍ରଶାସନ ଓ ପୁଲିସ ପ୍ରଶାସନ କାର୍ଯ୍ୟକ୍ରମ କୁ ସୁଚାରୁ ରୁପେ ପାଳନ କରିଥିଲେ।ରଥଟଣାରେ ନିଜେ ଜିଲ୍ଲାପାଳ,ଉପଜିଲ୍ଲାପାଳ, ଆରକ୍ଷୀ ଅଧିକ୍ଷକ କଂ ସମେତ ଅନ୍ୟ ଆରକ୍ଷୀ ଅଧିକାରୀ ମାନେ ଉପସ୍ଥିତ ରହି ରଥଯାତ୍ରା କୁ ସମ୍ପନ କରିଥିଲେ।