ବାରିପଦା,ନିରପେକ୍ଷ ଖବର:୧୬/ଜୁଲାଇ ୨୦୧୯(ମଙ୍ଗଳବାର)- ସ୍ଥାନୀୟ ଏକ ହୋଟେଲରୁ ଜଣେ ଯୁବକର ସନ୍ଧେହ ଜନକ ଭାବେ ମୃତ ଦେହ ଉଦ୍ଧାର ହୋଇଛି। ବାରିପଦା ଟାଉନ ଥାନା ପୁଲିସ୍ ଏହି ମୃତ ଦେହକୁ ଉଦ୍ଧାର କରିଛି। ମଙ୍ଗଳବାର ଅପରାହ୍ନ 2ଟା ସମୟରେ ବାରିପଦା ସହର ମଧ୍ୟ ଭାଗରେ ଥିବା ଅପର୍ଣ୍ଣା ହୋଟେଲରୁ ଏକ ରୁମରୁ ଜଣେ ଯୁବକର ମୃତ ଦେହ ଉଦ୍ଧାର କରାଯାଇଛି। ହୋଟେଲ ରୁମ ମଧ୍ୟରୁ ଗୋଟେ ମଦ ବୋତଲ ସମେତ ବିଭିନ୍ନ ପ୍ରକାରର ଖାଦ୍ୟ ସାମଗ୍ରୀ ପୁଲିସ ଜବତ କରିଥିବା ଜଣାପଡ଼ିଛି। ସୂଚନା ମୁତାବକ ମୃତ ଯୁବକ ଜଣକ ହେଲେ ଉଦଳା ଏନ,ଏ,ସି ଅନ୍ତର୍ଗତ 9 ନମ୍ୱର ୱାର୍ଡର ମେଣ୍ଢାସାହିର ରବୀନ୍ଦ୍ର ବେହେରା। ରବୀନ୍ଦ୍ର ସୋମବାର ଦିନ ପାରିବାରିକ କଳହରୁ ସେ ଘରୁ ଆସି ରାତିରେ ବାରିପଦାରେ ଥିବା ଅପର୍ଣ୍ଣା ହୋଟେଲରେ ଏକ ରୁମ୍ ବୁକିଙ୍ଗ କରିଥିଲା। ରାତି ପାହିବା ପରେ ସେ ରୁମ୍ ନଖୋଲିବାରୁ। ହୋଟେଲରେ ସଫେଇ କର୍ମଚାରୀମାନେ ମାଲିକଙ୍କୁ କହିଥିଲେ। ଏହାପରେ ହୋଟେଲ ମାଲିକ ସ୍ଥାନୀୟ ପୁଲିସକୁ ଜଣାଇଥିଲେ। ପୁଲିସ ଘଟଣା ସ୍ଥଳରେ ପହଛି ମୃତ ଦେହକୁ ଉଦ୍ଧାର କରିଥିଲା।ଯୁବକ ଜଣକ ବିଷ ପିଇ ଆତ୍ମହତ୍ୟା କରିଥିବା ପୁଲିସ ସନ୍ଦେହ କରୁଛି। ମୃତଦେହ କୁ ପୁଲିସ ଉଦ୍ଧାର କରି ଶବ ବ୍ୟବଛେଦ ପାଇଁ ପିଆରଏମ ହସ୍ପିଟାଲକୁ ପଠାଇ ମୃତ୍ୟୁର ପ୍ରକୃତ ରହସ୍ୟ ଜାଣିବା ପାଇଁ ପୁଲିସ ପକ୍ଷରୁ ତଦନ୍ତ ଜାରିରହିଛି।
