ବାରିପଦା (ନିରପେକ୍ଷ ଖବର) ତା ୨/ଜାନୁଆରୀ/୨୦୧୯-ନୂଆ ବର୍ଷ ୨୦୨୦ର ପ୍ରଥମ ଦିନକୁ ସ୍ମରଣୀୟ ରଖିବା ପାଇଁ ‘ହେଲପିଙ୍ଗ ଫ୍ୟାମିଲି ନାମରେ ଏକ ସ୍ୱେଚ୍ଛାସେବୀ ଅନୁଷ୍ଠାନ ଅଭିନବ ଉପାୟରେ ନୂତନ ବର୍ଷର ପ୍ରଥମ ଦିନଟିକୁ ପାଳନ କରିଛି । ସ୍ଥାନୀୟ ତଖତପୁର ସ୍ଥିତ ‘ଆଦୃତା ଶିଶୁ ସଦନ’ରେ ଥିବା ବାପ-ମାଆ ଛେଉଣ୍ଡ ପିଲାମାନଙ୍କ ସହ ସକାଳ ୭ଟାରୁ ରାତି ୯ଟା ପର୍ଯ୍ୟନ୍ତ ସମୟ ଅତିବାହିତ କରିବା ସହ ପିଲାମାନଙ୍କ ସହ କେକ୍ କାଟି ଭୋଜିଭାତ ଖାଇ ନାଚଗୀତ କରି ଏକ ନିଆରା ଅନୁଭୂତି ସାଉଁଟିଛନ୍ତି ଛାତ୍ର ଛାତ୍ରୀ ।
ଏହା ସହିତ ବିଭିନ୍ନ ପ୍ରକାରର ପ୍ରତିଯୋଗିତା, ସାଧାରଣ ଜ୍ଞାନ, ମ୍ୟୁଜିକ୍ ଚେୟାର, ଚିତ୍ରାଙ୍କନ ଭଳି ଅନେକ ପ୍ରତିଯୋଗିତା ମଧ୍ୟ ଆୟୋଜନ ହୋଇଥିଲା । ଗତ ବର୍ଷ ଠାରୁ ଆରମ୍ଭ ହୋଇଥିବା ଏହି ‘ହେଲପିଙ୍ଗ ଫ୍ୟାମିଲି ’ ଅନୁଷ୍ଠାନ ବିଭିନ୍ନ ସମୟରେ ପରିବେଶ ସୁରକ୍ଷା, ବୃକ୍ଷ ରୋପଣ ଓ ସ୍ୱଚ୍ଛତା ଉପରେ କାର୍ଯ୍ୟ କରୁଥିବା ଅନୁଷ୍ଠାନର କାର୍ଯ୍ୟକାରୀ ଅଧ୍ୟକ୍ଷ ଲଳିତ କୁମାର ମହାନ୍ତି ପ୍ରକାଶ କରିଛନ୍ତି । ଶ୍ରୀ ମହାନ୍ତିଙ୍କ ନେତୃତ୍ୱରେ ୫୦ରୁ ଅଧିକ ଛାତ୍ରଛାତ୍ରୀ ‘ଆଦୃତା ଶିଶୁ ସଦନ’ ପହି ନୂଆ ବର୍ଷର ନୂଆ ଅନୁଭୂତି ସାଉିଛନ୍ତି ।
ଏହି ଅବସରରେ ସନ୍ଧ୍ୟାରେ ଯୁବ ସମାଜସେବୀ ତଥା ଜାତୀୟ ଯୁବ ପୁରସ୍କାରପ୍ରାପ୍ତ ଯୁବକ ସୁବ୍ରତ କୁମାର ଦାସଙ୍କ ସଭାପତିତ୍ୱରେ ଏକ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଥିଲା । ପ୍ରମେୟ ଦୈନିକ ସମ୍ବାଦପତ୍ରର ଯୁବ ସାମ୍ବାଦିକ କାହ୍ନୁ ଚରଣ ଶତପଥୀ ମୁଖ୍ୟ ଅତିଥି ଭାବରେ ଯୋଗ ଦେଇ ଭବିଷ୍ୟତରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବା ସହ ପ୍ରତ୍ୟେକ ଦିନ ଇତିହାସ ସୃଷ୍ଟି କରିବାକୁ କହିଥିଲେ । ସମ୍ମାନିତ ଅତିଥି ଭାବରେ ‘ଆଦୃତା ଶିଶୁ ସଦନ’ର ଅଧ୍ୟକ୍ଷ କୁନିଲତା ଦାସ, ଯୁବ ସାମ୍ବାଦିକ ବିଶ୍ୱଜିତ୍ ଭୂୟାଁ, ଅମ୍ରିତ କୁମାର ସିଂ ପ୍ରମୁଖ ଅତିଥି ଭାବେ ଉପସ୍ଥିତ ରହି କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ । ପୁରସ୍କାର ବିତରଣ ଉତ୍ସବରେ ସୁନୀତା ମାରାଣ୍ଡି ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ପ୍ରତିଶ୍ରୁତି ମହାପାତ୍ର ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଚନ୍ଦନ କୁମାର ଘୋଷ, ଅଭିନାଶ ବେହେରା, ତାପସ ମହାନ୍ତ, ଗୌରାଙ୍ଗ ଦାସ, ଦିନେଶ ଦାସ, ସୁବାଶିଷ ଧିର, ରାଜୁ ସିଂ, ସୁବାଶିଷ କଟିଆ, ଅନାମିକା ପରିଡ଼ା, ସାଇପ୍ରଜ୍ଞା ବେହେରା, ବିଶ୍ୱ ଭୂଷଣ ହରିଶ୍ଚନ୍ଦନ ମହାନ୍ତ, ଯୁଧିଷ୍ଠିର ମହାନ୍ତ, ଶୁବାଶିଷ ବେହେରା, ମୁନା ଦ, ସତ୍ୟ ପ୍ରକାଶ ପ୍ରମୁଖ ଉପସ୍ଥିତ ଥିଲେ ।
