ବାରିପଦା(ନିରପେକ୍ଷ ଖବର)ତା-୧୨/୦୬-ଜିଲ୍ଲାରେ ଧୀରେ ଧୀରେ କୋରୋନା ତାର କାୟା ବିସ୍ତାର କରିବାରେ ଲାଗିଛି।ଆକ୍ରାନ୍ତଙ୍କ ସଂଖ୍ୟା ଶତକ ଛୁଇଁବାକୁ ମାତ୍ର ଗୋଟିଏ ବାକି ରହିଛି। ଶୁକ୍ରବାର ପୁଣି ମୟୁରଭଞ୍ଜରେ ୭ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏମାନେ ସମସ୍ତେ ସଙ୍ଗରୋଧ କେନ୍ଦ୍ରରେ ଥିଲେ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି। ଶୁଳିଆପଦା ବ୍ଲକର ଏହି ୭ ଜଣ କରୋନା ଆକ୍ରାନ୍ତଙ୍କ ଘର ହୋଇଥିବା ବେଳେ ସମସ୍ତେ ମହାରାଷ୍ଟ୍ର ଫେରନ୍ତା ବୋଲି ଜଣାପଡିଛି। ଏମାନଙ୍କର ସ୍ୱାବ ନମୁନା ପରୀକ୍ଷଣ ହେବପରେ କରୋନା ପଜିଟିଭ ଥିବା ଜଣାପଡିଥିଲା। ଚିନ୍ହଟ ହୋଇଥିବା ସମସ୍ତ ଆକ୍ରାନ୍ତଙ୍କ ସଂସ୍ପର୍ଶରେ ଆସି ଥିବା ବ୍ୟକ୍ତି ମାନଙ୍କୁ ଚିନ୍ହଟ ପ୍ରକ୍ରିୟା ଜାରି ରହିଛି। ଏହାକୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୯୯କୁ ଛୁଇଛି। ସେଥିମଧ୍ୟରୁ ୭୯ଜଣ କରୋନା ଆକ୍ରାନ୍ତ ସକ୍ରିୟ ଥିବାବେଳେ ୨୦ ଜଣ ସୁସ୍ଥ ହୋଇ ସାରିଛନ୍ତି। ସୂଚନାଯୋଗ୍ୟ ଲକ ଡାଉନର ପଞ୍ଚମ ପର୍ଯ୍ୟାୟରେ ମୟୁରଭଞ୍ଜରେ ଲଗାତାର ଭାବେ କରୋନା ପଜେଟିଭି ସଂଖ୍ୟା ବଢିବାରେ ଲାଗିଛି। ତଥାପି ଲୋକେ କରୋନା କଟକଣାକୁ ଫୁ କରି ଉଡାଇ ଦେଉଥିବା ଅଭଯୋଗ ହେଉଛି।
