କାରଗିଲ୍ ଯୁଦ୍ଧରେ ସହିଦ୍ ହୋଇଥିବା ଯବାନଙ୍କ ପ୍ରତିମୂର୍ତ୍ତିର ସୁରକ୍ଷା ପାଇଁ ସହାୟତାର ହାତ ବଡାଇଲା ତିହିଡି ଯୁବ ମଞ୍ଚ..

ଭଦ୍ରକ:ନିରପେକ୍ଷ ଖବର :୨୨/୦୭/୧୯ : ଭଦ୍ରକ ଜିଲ୍ଲା ତିହିଡି ବ୍ଲକ ଅନ୍ତର୍ଗତ ଅଚକ ପଞ୍ଚାୟତ ଉତ୍ତରବାହା ଗ୍ରାମର କାର୍ଗିଲ ଯୁଦ୍ଧରେ ସହିଦ ହୋଇଥିବା ତାପସ ମଲ୍ଲିକଙ୍କ ପ୍ରତିମୂତ୍ତିର ରକ୍ଷଣାବେକ୍ଷଣ ପାଇଁ ସହାୟତାର ହାତ ବଡାଇଲା ତିହିଡ଼ିର ଅଗ୍ରଣୀ ଅନୁଷ୍ଠାନ ତିହିଡି ଯୁବ ମଞ୍ଚ। ସହିଦ୍ ତାପସ ମଲ୍ଲିକଙ୍କ ପ୍ରତିମୂର୍ତ୍ତିର ରକ୍ଷଣାବେକ୍ଷଣ କରାଯାଉନଥିବା ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହେବା ପରେ ସାମାଜିକ ଅନୁଷ୍ଠାନ ତିହିଡି ଯୁବ ମଞ୍ଚର କର୍ମକର୍ତ୍ତାମାନେ ତାପସଙ୍କ ସହିଦ୍ ଦିବସରେ ତାଙ୍କର ପ୍ରତିମୂର୍ତ୍ତିର ସୁରକ୍ଷା ପାଇଁ ଆଗଭର ହୋଇଛନ୍ତି।ତାପସଙ୍କର ଶ୍ରାଦେ୍ଧାତ୍ସବରେ ପ୍ରଶାସନିକ ସ୍ତରରେ କୌଣସି ଶ୍ରଦ୍ଧାଞ୍ଜଳୀ ପାଇଁ ବିହିତ ପଦକ୍ଷେପ ଗ୍ରହଣ କରାନଯିବା ସହ ସାଧାରଣ ଲୋକଙ୍କର ମଧ୍ୟ ଆନ୍ତରିକତା ନଥିବା ଭଳି ଦେଖାଯାଇଥିଲା । ଭାରତ ମାଆର ସେବା ତଥା ଦେଶ ଓ ଜାତି ପାଇଁ ନିଜର ଜୀବନକୁ ଜଳାଞ୍ଜଳି ଦେଇଥିବା ଏହି ସହିଦ୍ ଯବାନଙ୍କୁ ସରକାରୀ କିମ୍ବା ରାଜନୈତିକ ସ୍ତରରେ ଯଥୋଚିତ ସମ୍ମାନ ମିଳୁନଥିବା ବିଭିନ୍ନ ସମୟରେ ଅଭିଯୋଗ ହେଉଥିଲା। ଜଣେ ଯବାନ ଯୁଦ୍ଧରେ ସହିଦ ହେବା ପରେ ତାଙ୍କର ପରିବାର ଓ ତାଙ୍କ ପ୍ରତିମୂର୍ତ୍ତିର ଯତ୍ନଶୀଳ ନ ନେବା ପ୍ରଶାସନିକ କାଯ୍ୟଦକ୍ଷତା ଉପରେ ସନ୍ଦେହ ସୃଷ୍ଟି ହୋଇଛି। ମାତ୍ର ଏହି ସମୟରେ ସାମାଜିକ ଅନୁଷ୍ଠାନ ତିହିଡି ଯୁବ ମଞ୍ଚ ପକ୍ଷରୁ ସହିଦ ତାପସଙ୍କ ପ୍ରତିମୂର୍ତ୍ତିର କଂକ୍ରିଣ୍ଟ ଛାତ ନିର୍ମାଣ କରିବାକୁ ପ୍ରତିଶୃତି ଦିଆଯାଇଥିବା ସଂଗଠନର ସଭାପତି କୈଳାଶ ବେହେରା ସୂଚନା ଦେଇଛନ୍ତି। କାର୍ଗିଲ ଯୁଦ୍ଧରେ ସହିଦ ତାପସଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଦେବା ସମୟରେ ତିହିଡି ଯୁବ ମଞ୍ଚର ସମ୍ପାଦକ ଅନିଲ ନାୟକ ସୋସିଆଲ ମିଡ଼ିଆ ସଂଯୋଜକ ନିରଞ୍ଜନ ବାରିକ କୋଷାଧ୍ୟକ୍ଷ ଦୀପକ ନାଥ ସହସାମ୍ପଦକ ବିକାଶ ଲେଙ୍କା ସଦସ୍ୟ ସୁବ୍ରତ ଦାସ, ସୁମନ ଦୀକ୍ଷିତ ପ୍ରମୁଖ ଉପସ୍ଥିତ ଥିଲେ। ସୂଚନା ମୁତାବକ ବାପା ଅକ୍ଷୟ ମଲ୍ଲିକ ଓ ମାତା ସୀତାରାଣୀଙ୍କ ସାନପୁଅ ତାପସ ଶ୍ରୀନଗର ଲିମାପୋଷ୍ଟରେ ଅପରେସନ ପରାକ୍ରମରେ ଗତ ତା ୨୦.୭.୨୦୦୫ରେ ଶହୀଦ ହୋଇଥିଲେ ।