କରୋନା ଯୋଧ୍ୟାଙ୍କୁ ସମ୍ବର୍ଦ୍ଧିତ କଲା ‘ଉତ୍କଳୀୟମ୍‍ ଫାଉଣ୍ଡେସନ୍‍’

* ସମ୍ବର୍ଦ୍ଧିତ ହେଲେ ନିରପେକ୍ଷ ଖବରର ଯୁବ ସମ୍ବାଦିକା ଦେବସ୍ମିତା ବେହେରା…

ଭୁବନେଶ୍ୱର, ୧୩/୯(ନିରପେକ୍ଷ ଖବର): ଉତ୍କଳୀୟ ଫାଉଣ୍ଡେସନ୍‍, ଭାରତ ପକ୍ଷରୁ ନିଜ ଜୀବନକୁ ବାଜି ଲଗାଇ ଅସହାୟମାନଙ୍କୁ ସହାୟ ହୋଇ ଏହି ମହାବିପତ୍ତି ସମୟରେ ଜନସାଧାରଣଙ୍କୁ ସମସ୍ତ ଘଟଣାର ତଥ୍ୟ ସଠିକ୍‍ ଭାବରେ ପହଞ୍ଚାଇବାରେ ପ୍ରମୁଖ ଭୂମିକା ଗ୍ରହଣ କରିଥିବା ଗଣମାଧ୍ୟମ ପ୍ରତିନିଧିଙ୍କୁ ‘କରୋନା ମହାଯୋଦ୍ଧା’ ସମ୍ମାନରେ ସମ୍ବର୍ଦ୍ଧିତ କରାଯାଇଛି ।ଉତ୍କଳ ସାମ୍ବାଦିକ ସଂଘସ୍ଥିତ ସଭାଗୃହରେ ରବିବାର ଫାଉଣ୍ଡେସନ୍‍ର ଭୁବନେଶ୍ୱର ଜିଲ୍ଲା ସଭାପତି ପ୍ରସନ୍ନ ସ୍ୱାଇଁଙ୍କ ତତ୍ତ୍ୱାବଧାନରେ ଗଣମାଧ୍ୟମ ପ୍ରତିନିଧିମାନଙ୍କୁ ‘କରୋନା ମହାଯୋଦ୍ଧା’ ସମ୍ମାନ ପ୍ରଦାନ କରାଯାଇଛି । ଏହି ଅବସରରେ ନିରପେକ୍ଷ ଖବରର ଯୁବ ସମ୍ବାଦିକା ଦେବସ୍ମିତା ବେହେରାଙ୍କ ସମେତ ଜିତେନ୍ଦ୍ର ସାହୁ(ସୂର୍ଯ୍ୟପ୍ରଭା) ସତ୍ୟଜିତ୍‍ ସେଣ(କନକ ଟିଭି), ପ୍ରତାପଚନ୍ଦ୍ର ପ୍ରଧାନ(ସମାଜ), ତ୍ରିନାଥ ମହାନ୍ତି(ଧରିତ୍ରୀ), ଗଗନ ସ୍ୱାଇଁ(ସମୟ), ସମ୍ବିତ୍‍ କୁମାର ବେହେରା(ପ୍ରମେୟ), ଏସ୍‍.ରାଜୀବ ଗୌରବ(ଓଡ଼ିଶା ଭାସ୍କର), ସଞ୍ଜୟ କୁମାର ଜେନା(ନିର୍ଭୟ), ରମାକାନ୍ତ ମହାନନ୍ଦ(ସମାଜ ଲାଇଭ୍‍), ମମତା ବେବର୍ତ୍ତା(ଦିନଲିପି), ରାଜୀବ ନୟନ ରଥ(ଓଡ଼ିଶା ନ୍ୟୁଜ୍‍ ଟୁଡେ), ବିମଳଚନ୍ଦ୍ର ପ୍ରଧାନ(କରେଣ୍ଟ ନ୍ୟୁଜ୍‍), ଗୌରବ ଦାସ(ଓଡ଼ିଶା ନ୍ୟୁଜ୍‍), ରାଜେନ୍ଦ୍ର ଚୌଧୁରୀ(ମିରର)ଙ୍କୁ ‘କରୋନା ମହାଯୋଦ୍ଧା’ ସମ୍ମାନରେ ସମ୍ବର୍ଦ୍ଧିତ ହୋଇଥିଲେ। ସମଗ୍ର ବିଶ୍ୱ ଯେତେବେଳେ କରୋନା ମହାମାରୀ ସହ ଲଢେ଼ଇ କରୁଛି, ଠିକ ସେହି ସମୟରେ ଡାକ୍ତର, ନର୍ସ, ମେଡ଼ିକାଲ୍‍ କର୍ମଚାରୀ, ପୁଲିସ, ସଫେଇ କର୍ମଚାରୀ, ଅଙ୍ଗନବାଡ଼ି କର୍ମୀ, ଜରୁରୀ କାର୍ଯ୍ୟରେ ନିୟୋଜିତ ସରକାରୀ କର୍ମଚାରୀ, ସାମାଜିକ ସଂଗଠନ କର୍ମକର୍ତ୍ତା ସଂକ୍ରମଣ ରୋକିବା ଅହରହ ଉଦ୍ୟମ ଜାରି ରଖିଛନ୍ତି। ଏହି ଲଢେଇରେ ମଧ୍ୟ ସବୁଠାରୁ ଗୁରୁ ଦାୟିତ୍ୱ ନିର୍ବାହ କରିଛନ୍ତି ଗଣମାଧ୍ୟମ ପ୍ରତିନିଧିମାନେ।ଭୁବନେଶ୍ୱର ଉତ୍କଳ ସାମ୍ବାଦିକ ସଂଘର ମୁଖ୍ୟ କାର୍ଯ୍ୟାଳୟସ୍ଥିତ ସଭାଗୃହରେ ଫାଉଣ୍ଡେସନ୍‍ର ରାଜ୍ୟ ସଂଯୋଜିକା ସାଗରକା ମହାନ୍ତି ଏହି କାର୍ଯ୍ୟକ୍ରମର ନେତୃତ୍ୱ ନେଇଥିଲେ। ଏଥିରେ ଫାଉଣ୍ଡେସନ୍‍ର ଅଧ୍ୟକ୍ଷ ରାଜୀବ ଲୋଚନ ପ୍ରଧାନ ସଂଯୋଜନା କରିଥିବା ବେଳେ କାର୍ଯ୍ୟକ୍ରମରେ ରାଜ୍ୟ ଉପାଧ୍ୟକ୍ଷା ସବିତା ପୃଷ୍ଟି, ରାଜ୍ୟ ସମ୍ପାଦିକା ସୁଚିତ୍ରା ବେହେରା, ରାଜ୍ୟ ସଂଗଠନ ସମ୍ପାଦକ ସୁନୀଲ ମହାପାତ୍ର, ପରମ୍‍ବ୍ରହ୍ମ ରାଉତ, ଜଗତସିଂହପୁର ଜିଲା ସଭାପତି ଗୋଲକଚନ୍ଦ୍ର ସାହୁ, ପୁରୀ ଜିଲା ସଭାପତି ଉମାଶଙ୍କର ଶତପଥୀ, ଭଦ୍ରକ ଜିଲା ସଭାପତି ବିବେକାନନ୍ଦ ସେଠୀ, ଭୁବନେଶ୍ୱର ସମ୍ପାଦକ ବିଦ୍ୟୁତ୍‍ଲତା ମହାନ୍ତି, ନିରଞ୍ଜନ ସାହୁ ପ୍ରମୁଖ ଯୋଗଦେଇଥିଲେ । ଫାଉଣ୍ଡେସନ୍‍ର ରାଜ୍ୟ ସାଧାରଣ ସମ୍ପାଦକ ରାଜେନ୍ଦ୍ର ଦାସ ଧନ୍ୟବାଦ ଅର୍ପଣ କରିଥିଲେ ।