ଭୁବନେଶ୍ୱର,ନିରପେକ୍ଷ ଖବର:ତା ୨୮/୧୧ କୋଭିଡ଼ ସମୟରେ ଜୀବନକୁ ବାଜି ଲଗାଇ କରୋନା ରୋଗୀଙ୍କ ଚିକିତ୍ସା କଲୁ। ଘରଦ୍ୱାର ପରିବାର ଲୋକଙ୍କୁ ଛାଡି ଦିନ ରାତି ନିଷ୍ଠାର ସହ କାମ କରିଛୁ। ହେଲେ ଏବେ ସରକାର ଆମକୁ ଛଟେଇ କରୁଛନ୍ତି। ଏବେ ଚାକିରୀ ହରାଇ କଣ କରିବୁ। ପରିବାର ପ୍ରତିପୋଷଣ କେମିତି ହେବ। ଶତାଧିକ ମହିଳା ସ୍ୱାସ୍ଥ୍ୟକର୍ମୀ ଶନିବାର ବିଧାନସଭା ଆଗରେ ଧାରଣା ଦେଇ ଏମିତି କହିଛନ୍ତି। ସ୍ୱାସ୍ଥ୍ୟକର୍ମୀ ସଂଘ ଡ଼ାକରାରେ ୨୦ଟି ଜିଲ୍ଲାର ସହ ସହ ସ୍ୱାସ୍ଥକର୍ମୀ ଏଥିରେ ସାମିଲ ହୋଇଛନ୍ତି।
ସୂଚନାଯୋଗ୍ୟ ରାଜ୍ୟର ବିଭିନ୍ନ ଜିଲ୍ଲାରେ କୋଭିଡ ସମୟରେ ସ୍ୱାସ୍ଥ୍ୟକର୍ମୀ ପଦବୀରେ ୯୦ ଦିନ ପାଇଁ ନିଯୁକ୍ତି ଦିଆଯାଇଥିଲା । ହେଲେ ଏଯାଏ ସେମାନଙ୍କୁ ଦରମା ମିଳିନାହିଁ । ଏହା ସହ ରାଜ୍ୟ ତଥା ଦେଶରେ କରୋନା ସଂକ୍ରମଣ କମି ନଥିବା ବେଳେ ସରକାର ଏମାନଙ୍କୁ ଛଟେଇ କରିଛନ୍ତି । ବିଭିନ୍ନ ଦାବି ନେଇ ଆଜି ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । କରୋନା ସଂକ୍ରମଣ ପରେ ରାଜ୍ୟର ବିଭିନ୍ନ ଜିଲ୍ଳାରେ କୋଭିଡ କେୟାର ସେଂଟର ଖୋଲାଯାଇଥିଲା । ଏଥିରେ ବିଭିନ୍ନ ସ୍ୱାସ୍ଥ୍ୟକର୍ମୀଙ୍କୁ ନିଯୁକ୍ତି ଦିଆଯାଇଥିଲା । ହେଲେ ଏଯାଏ ଏମାନଙ୍କୁ ଦରମା ମିଳିନଥିବା ବେଳେ ଛଟେଇ କରାଯାଇଛି । ଯାହାକୁ ନେଇ କରୋନା ସମୟରେ ନିଯୁକ୍ତ ସ୍ୱାସ୍ଥ୍ୟକର୍ମୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
