ଭୁବନେଶ୍ୱର, ନିରପେକ୍ଷ ଖବର:ତା ୧୮/୦୧/୨୧,
ଅସହାୟଙ୍କ ମୁହଁରେ ହସ ଫୁଟାଇ ରାଜ କିଶୋର ନାୟକ(ରାଜୁ ଭାଇ) ସମସ୍ତଙ୍କ ହୃଦୟ ଜିଣିଛନ୍ତି। ଜଣେ ଅସହାୟ ବାପାର ସେ ଆଶାବାଡି ସାଜିଛନ୍ତି। ଭୋକ ଉପାସରେ ଦିନ କାଟୁଥିବା ଅସହାୟ ଓ ଭିକାରୀଙ୍କ ମୁହଁରେ ଆହାର ଦେଉଛନ୍ତି। ମେଡିକାଲରେ ଛଟପଟ ହେଉଥିବା ରୋଗୀଙ୍କ ପାଇଁ ସେ ରକ୍ତ ନିଗାଡି ଦେଉଛନ୍ତି। ଏଥିପାଇଁ ରାଜୁ ଭାଇ କେବେ ନିଜର ପ୍ରଚାର ଓ ପ୍ରସାର କରି ନାହାଁନ୍ତି। ସେଥିପାଇଁ ତ ସେ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି।
ଭଦ୍ରକ ଜିଲ୍ଲା ତିହିଡି ବ୍ଲକ ଅଧିନ ସୟା ପଞ୍ଚାୟତର ତଳବନ୍ଧ ଗାଁରରେ ତାଙ୍କ ଘର। ଜୟରାମ ନାୟକଙ୍କ ସେ ହେଉଛନ୍ତି ବଡ଼ ପୁଅ। ରାଜୁ ଭାଇ ନାଁରେ ତାଙ୍କୁ ଅଳ୍ପ କିଛି ଲୋକ ଜାଣନ୍ତି। 
ଆଜିକୁ ପ୍ରାୟ ଏକ ମାସ ତଳେ ମହାଦେବସାହି ଗାଁର ବାଇଧର ଜେନାଙ୍କ ଏକମାତ୍ର ପୁଅ କମଳାକାନ୍ତ ଦୁର୍ଘଟଣାରେ ଶିକାର ହୋଇ ଗୋଟିଏ ହାତକୁ ହରାଇ ଥିଲେ। ବାଇଧର ଜେନା ଜଣେ ଚାଷୀ ଓ ଗରିବ ଶ୍ରେଣୀର ଲୋକ ହୋଇଥିବା ବେଳେ ପୁଅର ଚିକିତ୍ସା ପାଇଁ ପାଖରେ ଟଙ୍କା ନ ଥିଲା। ଗ୍ରାମର କିଛି ଯୁବକଙ୍କ ସହାୟତାରେ ପୁଅର ଚିକିତ୍ସା ପାଇଁ କଟକ ବଡ଼ ମେଡିକାଲକୁ ଆଣାଯାଇଥିଲା। ଏହି ସମୟରେ କଟକର ଏକ ଘରୋଇ କମ୍ପାନୀରେ ଚାକିରୀ କରୁଥିବା ରାଜ କିଶୋର ନାୟକ ଓରଫ ରାଜୁ ଭାଇଙ୍କ ନଜରରେ ଆସିଥିଲା। ବାଇଧର କିମ୍ବା ତାଙ୍କ ପୁଅ ସହ ତାଙ୍କର କିଛି ସମ୍ପର୍କ ନ ଥିଲା। ଏପରିକି ରାଜୁ ଭାଇ ତାଙ୍କୁ ଚିହ୍ନି ନଥିଲେ। ତଥାପି ସେ ସହାୟତା ଯୋଗାଇ ଦେବାକୁ ଆଗେଇ ଆସିଥିଲେ। କର୍ମମୟ ଜୀବନ ଭିତରୁ ସେ ପ୍ରତିଦିନ ଦୁଇରୁ ତିନି ଘଣ୍ଟା ସମୟ ବାହାର କରି ମେଡିକାଲରେ ଅସହାୟ ବାପା ବାଇଧରଙ୍କୁ ସାହାସ ଯୋଗାଉ ଥିଲେ। କଟା ହାତର ଅପରେସନ କେମିତି ହେବ ସେନେଇ ସତଚେଷ୍ଟା ଜାରି ରଖିଥିଲେ। ଆବଶ୍ୟକ ସ୍ଥଳେ ଆର୍ଥିକ ସହାୟତା ମଧ୍ୟ ଯୋଗାଉ ଥିଲେ। ଏମିତିକି କମଳାକାନ୍ତଙ୍କୁ ସହାୟତା କରୁ କରୁ ନିଜର ବୁଢ଼ା ବାପ ଓ ଘରେ ସ୍ତ୍ରୀ ଛୁଆ ପିଲାଙ୍କ କଥା ସେ ନିଜେ ଭୁଲି ଯାଇଥିଲେ। କମଳାକାନ୍ତ ସୁସ୍ଥ ନ ହେବା ଯାଏ ସେ ଘରକୁ ଯିବେନି ବୋଲି ପଣ କରିଥିଲେ। ତାଙ୍କର ଏହି ନିଷ୍ଠାପର ସେବା ଓ ପରୋଉପକାରୀତା ପାଇଁ ସେ ଏବେ ସ୍ଥାନୀୟ ଅଞ୍ଚଳରେ ଘରେ ଘରେ ପରିଚିତ। ଦୀର୍ଘ ଏକ ମାସର ପ୍ରତୀକ୍ଷା ପରେ ଗତ 12 ତାରିଖ କମଳାନ୍ତର କଟା ହାତ ଅପରେସନ ହେଲା। ଏବେ ସେ ସୁସ୍ଥ ଅଛି। ଅସହାୟ ବାପ ମୁହଁରେ ହସ ଫୁଟିଛି। ଆସନ୍ତାକାଲି ଅର୍ଥାତ ମଙ୍ଗଳବାର ଦିନ କମଳାକାନ୍ତ ମେଡିକାଲରୁ ଡିସଚାର୍ଜ ହେବ। ରାଜୁ ଭାଇଙ୍କ ପରୋଉପକାରୀ ସେବା କେବଳ ଏତିକ ନୁହେଁ। ଯାହାର ଯେତେବେଳେ ରକ୍ତର ଆବଶ୍ୟକ ପଡିଛି,ସେ ତାଙ୍କୁ ରକ୍ତଦାନ କରିବାକୁ ଆଗେଇ ଆସିଛନ୍ତି। ନିଜ କର୍ମମୟ ଜୀବନ ଭିତରେ କଟକର ସମ୍ଭବ ଫାଉଡେସନ ସେ ଜଣେ ସକ୍ରିୟ ସଦସ୍ୟ ଭାବେ କାର୍ଯ୍ୟ କରୁଛନ୍ତି। କରୋନା ମହାମାରୀ ସମୟରେ କେତେବେଳେ ମାସ୍କ ବଣ୍ଟନ କରିଛନ୍ତି ତ ଆଉ କେତେବେଳେ ଭୁକିଲାଙ୍କ ମୁହଁରେ ଆହାର ଯୋଗାଉଛନ୍ତି। ତାଙ୍କର ଏଭଳି ନିଃସ୍ୱାର୍ଥପର ସେବାକୁ ବହୁତ କମ ଲୋକ ଜାଣିଛନ୍ତି। ତଥାପି ସେ କେବେ ନିଜର ପ୍ରଚାର କରି ନାହାଁନ୍ତି। ଏପରିକି ଅନ୍ୟକୁ ସେବା କରି ନିଜ ସୋସିଆଲ ମିଡିଆ ଏକାଉଣ୍ଟରେ ପୋଷ୍ଟ କରି ନାହାଁନ୍ତି। ଆସ ଆମେ ରାଜୁ ଭାଇ ପରି ହେବା। ଦୁଃଖୀ ଦରିଦ୍ରଙ୍କୁ ସେବା କରିବା।
