ଭୁବନେଶ୍ୱର,ନିରପେକ୍ଷ ଖବର:୨୭/୦୨ ଭୁବନେଶ୍ୱର ଓକିଲ ସଂଘ ସାଂସ୍କୃତିକ ପରିଷଦ ପକ୍ଷରୁ ରୌପ୍ୟ ଜୟନ୍ତୀ ଦୁଇ ଦିନ ଧରି ରବୀନ୍ଦ୍ର ମଣ୍ଡପରେ ଅନୁଷ୍ଠିତ ହୋଇଯାଇଛି । ଉଦ୍ଯାପନ ଦିବସରେ ଉଦ୍ଘାଟକଭାବେ ଉଚ୍ଚନ୍ୟାୟାଳୟର ଜଷ୍ଟିସ୍ ପ୍ରମଥ ପଟ୍ଟନାୟକ, ଅନ୍ୟ ଅତିଥିଙ୍କ ମଧ୍ୟରେ ଜିଲା ଦୌରାଜଜ୍ ଜଷ୍ଟିସ ଲୋକନାଥ ମହାପାତ୍ର, ସାଂସଦ ସୁଜି କୁମାର, ସିନେ ସମୀକ୍ଷକ ଦିଲୀପ ହାଲିଙ୍କ ସମେତ ସଭାପତି ମହମ୍ମଦ ଜିଆ-ଉଲ-ହକ୍, ସମ୍ପାଦକ ରାଜ୍ କିଶୋର ଦାସ, ଉପସଭାପତି ପ୍ରଶାନ୍ତ କୁମାର ମହାନ୍ତି, ଯୁଗ୍ମ ସମ୍ପାଦକ ବିଶ୍ୱରଞ୍ଜନ ସାହୁ, କୋଷଧ୍ୟକ୍ଷ ଶକ୍ତି ପ୍ରସାଦ ଛୋଟରାୟ, ସହ ସମ୍ପାଦକ ରୋଜାଲିନ ପ୍ରଧାନ ଓ ସାମସ୍ତ କର୍ମକର୍ତ୍ତା ଯୋଗ ଦେଇଥିଲେ। କାର୍ଯ୍ୟକ୍ରମ ସଂଯୋଜନା କରିଥିଲେ କାମଦେବ ତ୍ରିପାଠୀ । ଏହି ଅବସରରେ ପରିଷଦର କର୍ମକର୍ତ୍ତାଙ୍କ ଦ୍ଵାରା ଗତକାଲି ‘ତଥାପି ବଞ୍ଚିଛି’ ମଞ୍ଚସ୍ଥ ହୋଇଥିବା ବେଳେ ଆଜି ନାଟକ ‘ତିତିଲି’ ନାକଟ ମଞ୍ଚସ୍ଥ ହୋଇଛି। ଏହାର ଲେଖକ ହେଉଛନ୍ତି ରଞ୍ଜିତ ପଟ୍ଟନାୟକ ଓ ହର ବାରିକ। ନାଟ୍ୟ ରୂପ ଦେଇଥିଲେ ଧୀରେନ ପ୍ରହରାଜ ଏବଂ ନିର୍ଦ୍ଦେଶନା ସୁଧାଂଶୁ ମୋହନ ପଟ୍ଟନାୟକ ଓ ହରେନ ସୋନି । କନ୍ୟା ହେଉଛି ରତ୍ନ, ଜଣେ ଯୁବତୀ କୁସଂସ୍କାର ଓ ସାମଜାର ନିଜ ନିଜ ସ୍ୱାର୍ଥ କୁ ପୂରଣ କରିବା ପାଇଁ ସମାଜ ଏହି ନିରୀହ ମଣିଷ ମାନଙ୍କୁ ଏମିତି ବଳି ଚଢଉ ଥିବେ ? ସମାଜକୁ ଉତ୍ତମ ଶିକ୍ଷା ଦେବା ସହ କିଛି ଅନ୍ଧ ବିଶ୍ୱାସ ଦୁରିଭୁତ କରିବାକୁ ସଫଳ ପ୍ରୟାସ କରିବାକୁ ନାଟକରେ ଦର୍ଶାଇଛି । ଯାହାକି ଭୁବନେଶ୍ୱର ଓକିଲ ସଂଘ ପରିବେଷଣ କରିଛି। ଏଥିରେ ଅଭିନୟରେ ସଂଗୀତା ପଟ୍ଟନାୟକ, ପିହୁ, ଦିଲ୍ଲୀପ, ପ୍ରଶାନ୍ତ ସାହୁ, ମନୋଜ ବଲିଆର ସିଂ, ବିଶ୍ବଜିତ ଦାସ, ରାଜେଶ୍ବର ପ୍ରଭାତ ଓ ଦେବୀ ପ୍ରମୁଖ ରହିଛନ୍ତି। ଓକିଲ ସଂଘ ନାଟ୍ୟ ଉତ୍ସବର ରୌପ୍ୟ ଜୟନ୍ତୀ ଉପଲକ୍ଷେ ଭୁବନେଶ୍ୱର ଓକିଲ ସଂଘ ପକ୍ଷରୁ ସମସ୍ତ କଳାକାରଙ୍କୁ ସମ୍ବର୍ଦ୍ଧନା କରାଯାଇଥିଲା । ସେହିପାରି ସ୍ବର୍ଗତ କ୍ଷିତିଶ ମିଶ୍ରଙ୍କୁ ଓ ଜର୍ଜ ତିଆଡିଙ୍କୁ ସଂଘ ପକ୍ଷରୁ ସ୍ଵତନ୍ତ୍ର ସାଂମ୍ମାନୀତ କରାଯାଇଥିଲା
