ଭୁବନେଶ୍ୱର, ନିରପେକ୍ଷ ଖବର:ତା ୧୬/୦୩: ଓଡ଼ିଶାର କଳିଙ୍ଗନଗର ଠାରେ ଥିବା ଏକମାତ୍ର ରାଷ୍ଟ୍ରାୟତ ଉଦ୍ୟୋଗ ନୀଳାଚଳ ଇସ୍ପାତ ନିଗମର ଘରୋଇ କରଣ ପରିବର୍ତ୍ତେ କୌଣସି ଏକ ସରକାରୀ ଉଦ୍ୟାଗ ସହ ମିଶ୍ରଣ କରି କାରଖାନା ଚାଲୁ କରିବାକୁ ଦାବି ହୋଇଛି। ଏନେଇ ଆଜି ଶତାଧିକ କର୍ମଚାରୀ ଓ ଶ୍ରମିକ ଗାନ୍ଧିମାର୍ଗରେ ଧାରଣା ଦେବା ସହ ପ୍ରତିବାଦ କରିଛନ୍ତି। କେନ୍ଦ୍ର ସରକାରଙ୍କ ବାଣିଜ୍ୟ ମନ୍ତ୍ରାଳୟର, ଇସ୍ପାତ ମନ୍ତ୍ରାଳୟର NMDC, BHEL, MECON, କିଛି ସରକାରୀ ବ୍ୟାଙ୍କ ଓ
ଅନ୍ୟାନ୍ୟ ରୁଣ ପ୍ରଦାନକାରୀ ସଂସ୍ଥା ସହିତ ଓଡ଼ିଶା ସରକାରଙ୍କର IPICOL ଓ OMC ର ଯୌଥ ସହଯୋଗରେ ପ୍ରତିଷ୍ଠିତ ଏହି ସଂସ୍ଥା ୨୦୦୨ ମସିହା ଠାରୁ ଉତ୍ପାଦନ ଆରମ୍ଭ କରି ଏପର୍ଯ୍ୟନ୍ତ ସର୍ବଧିକ ପିଗ ‘ଆଇରନ ଉତ୍ପାଦନକାରୀ ସଂସ୍ଥା ଭାବରେ ଖ୍ୟାତି ଲାଭ କରିଥିଲା। ଏହା ବାଦ NINL 110 ମିଲିଅନ ଟନ୍ ଲୁହାପଥର ଖଣି, ୨ ୫୦୦ ଏକର. ନିର୍ବିବାଦୀୟ ଜମି ଓ ୫୦ ବର୍ଷିଆ ଖଣି ଲିଜ ମଧ୍ୟ ଏହାର ଉତ୍ପାଦନକୁ ବର୍ତ୍ତମାନର କ୍ଷମତା 1,1MT ରୁ 10MT ରେ ପହଞ୍ଚାଇବାକୁ ସକ୍ଷମ । କିନ୍ତୁ ଦୁଃଖ ଓ ପରିତାପର ବିଷୟ କେନ୍ଦ୍ର ସରକାରଙ୍କ ନିଷ୍ପତି ଓ ରାଜ୍ୟ ସରକାରଙ୍କ ସହମତିରେ ଏହାର 100% ଅର୍ଥାତ ପରୋକ୍ଷରେ ଘରୋଇକରଣ ନିଷ୍ପତି ନିଆଯାଇଛି । ଏହା ଦ୍ଵାରା ସମସ୍ତ ଛୋଟ ବଡ଼ ଅର୍ଥଲଗାଣକାରୀ ସଂସ୍ଥା ଏହି କାରଖାନାକୁ ଚଳେଇବାପାଇଁ ଆବଶ୍ୟକ ପୁଞ୍ଜିଲଗାଣ ବନ୍ଦ କରିଦେଇଛନ୍ତି । ଫଳରେ କୋଭିଡ଼ ସମୟରେ କାରଖାନାର ସବୁ ୟୁନିଟ ଗତ ମାର୍ଚ୍ଚରୁ ବନ୍ଦ ହୋଇପଡିଛି। ତେଣୁ କର୍ମଚାରୀ ଓ ଶ୍ରମିକମାନେ ଗତ ୧ ୨ ମାସ ହେବ ବେତନ ତଥା ଅନ୍ୟାନ୍ୟ ମୌଳିକ ସୁବିଧାରୁ ବଂଚିତ ହୋଇଛନ୍ତି । ଏହା ଦ୍ବାରା ପ୍ରତ୍ୟକ୍ଷ ଓ ପରୋକ୍ଷ ଭାବରେ ୨୫୦ ଜମିହରା ପରିବର ୧ ୦, ୦ ୦ ୦ କର୍ମଚାରୀ ପରିବାର ପ୍ରଭାବିତ ହୋଇଛନ୍ତି । ବର୍ତ୍ତମାନ ସରକାରଙ୍କ ପୁଞ୍ଜି ନିବେଶ ବା ଘରୋଇକରଣ ପଇଁ ୨୫ ଜାନୁଆରୀ ୨୦୨୧ରେ ଇଓଆଇ ପ୍ରସ୍ତାବିତ କରିଛନ୍ତି । ବର୍ତ୍ତମାନର କୋଭିଡ଼ ସ୍ଥିତି ଦେଖିଲେ ଘରୋଇ ଉତ୍ପାଦନ କାରୀ ଉତ ଏୟାଦନ କାଟା ଶିଳ୍ପ ମାନେ DIPAM ମାଧ୍ୟମରେ NINL ର ତ୍ୱଇରିତ ଘରୋଇ କରଣ ପାଇଁ ଆଗ୍ରହ ଦେଖାଇବା ଏକ ସମୟ ସାପେକ୍ଷ ବିଷୟ ରୂପେ ପ୍ରତିତ ହେଉଛି । ଅନ୍ୟ ଏକ ଆଶ୍ଵସନର ବିଷୟ ଯେ କେନ୍ଦ୍ର ସରକାର NINL କୁ ତା ନିଜସ୍ଵ ଖଣିରୁ ୫୦ ପ୍ରତିସତ ବା ୧୦ ଲକ୍ଷ ଟନ୍ ବାର୍ଷିକ ଲୁହା ପଥର ଉତ୍ତୋଳନ କରି ବକେୟା ଦରମା ଓ ଅନ୍ୟାନ୍ୟ ଉତା ବାବଦକୁ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି । ଏହି ମର୍ମରେ ଯଦି ୧୦ ଲକ୍ଷ ଟନ ଲୁହା ପଥରର ମୁଲ୍ୟ କେହି ଅଗ୍ରୀମ ଦିଅନ୍ତେ ଅଥବା ଏହି ନିର୍ଦ୍ଦେଶ ଯଦି କୌଣସି ଏକ ଆଗ୍ରହୀ ରାଷ୍ଟ୍ରାୟତ ଉଦ୍ୟୋଗ SAIL, RINL. NMDC କିମ୍ବା OMC କୁ ଦିଆଯାଉ ବୋଲି ଦାବି କରିଛନ୍ତି। ଏକ ଦୀର୍ଘମିଆଦି ଚୁକ୍ତି ମାଧ୍ୟମରେ କାରଖାନା ଚଳାଇବାର ଉଦ୍ୟମ କରାଗଲେ ହଜାର ହଜାର କର୍ମଚାରୀ ଓ ଶ୍ରମିକଙ୍କ ଜୀବନ ଜୀବୀକା ସୁରକ୍ଷୀତ ରହିପାରନ୍ତା। ଏନେଇ ଉଚ୍ଚସ୍ତରିୟ ବୈଠକରେ ହୋଇଥିବା ନିଷ୍ପତି ଅନୁସାରେ ଯଦି ୧୫୦/୧୭୫ କୋଟିର ଏକ କର୍ପସ ଫଣ୍ଡ ତୁରନ୍ତ ପ୍ରଦାନ କରନ୍ତେ ତାହା କର୍ମଚାରୀ ମାନଙ୍କର ବକେୟା ଦରମା ଓ ଭତା ବାବଦରେ ପୁଞ୍ଜିନିବେଶ ପର୍ଯ୍ୟନ୍ତ ବିନିଯୋଗ ହୋଇ ପାରନ୍ତା । ନୀଳାଚଳ ଇସ୍ପାତ ର ସମସ୍ତ କର୍ମଚାରୀ ଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପାଖରେ ସବିନୟ ଅନୁରୋଧ କରୁଛନ୍ତି କି ସେମାନେ ଘରୋଇ କରଣ ବା ବି ନିବେଷ ପ୍ରସ୍ତାବର ପୁଞ୍ଜି ବିଚାର କରି NINL ର ଅନ୍ୟ କୌଣସି ଇସ୍ପାତ ଉତ୍ପାଦନକାରୀ ଅଭିଜ୍ଞତା ଥିବା ସରକାରୀ ଉଦ୍ୟୋଗ ସହ ମିଶ୍ରଣ ଦିଗରେ ପଦକ୍ଷେପ ଗ୍ରହଣ କରିବେ । MMTC ପ୍ରତ୍ୟାହାର କରିଥିବ । ୪୯. ୭ ୮ ଅଂଶଧନ ଯଦି ଅନ୍ୟ ରାଜ୍ୟ ଓ କେନ୍ଦ୍ରୀୟ ସଂସ୍ଥା ବୃୟ କରିନେବେ ତେବେ NINL ତାର ସରକାରୀ ଉଦ୍ୟୋଗ ମାନ୍ୟତା ବଜାଇ ରଖି ଉତ୍ପାଦନକ୍ଷମ ହୋଇ ପାରିବ ।
ବର୍ତ୍ତମାନ ପରିସ୍ଥିତିରେ କର୍ମଚାରୀଙ୍କ ସାମାଜିକ, ମାନସିକ, ଆର୍ଥିକ ସ୍ଥିତିକୁ ବିଚାର କରି ଅବିଳମ୍ବେ ଏ ଦିଗରେ ଆବଶ୍ୟକ ପଦକ୍ଷେପ ନେବାକୁ ଅନୁରୋଧ କରିଛନ୍ତି।
