ଭୁବନେଶ୍ଵର,ନିରପେକ୍ଷ ଖବର:୩୦/୦୬/୨୦୧୯: ଅଗଷ୍ଟ ମାସ ପ୍ରଥମ ସପ୍ତାହରୁ ଖୋଲିବ କଲେଜ୍ । ସଠିକ୍ ସମୟରେ ପାଠ୍ୟକ୍ରମ ଶେଷ,ପରୀକ୍ଷା ପରିଚାଳନା ଓ ଫଳାଫଳ ପ୍ରକାଶ ପାଇଁ ଉଚ୍ଚଶିକ୍ଷା ବିଭାଗ ପକ୍ଷରୁ ଗୁରୁତ୍ଵ ଦିଆଯାଇଛି । ଶିକ୍ଷା କ୍ଷେତ୍ରରେ ବିକାଶ ଆଣିବାକୁ ଛାତ୍ରଛାତ୍ରୀଙ୍କ ଉପସ୍ଥାନ ଯେତିକି ଦରକାର ଶିକ୍ଷକଙ୍କ ଉପସ୍ଥାନ ମଧ୍ୟ ସେତିକି ଦରକାର। ସେଥିପାଇଁ ଛାତ୍ରଛାତ୍ରୀଙ୍କ ଉପସ୍ଥାନକୁ ସର୍ବନିମ୍ନ ୭୫ ପ୍ରତିଶତ ରଖାଯାଇଛି। ଯଦି ଏହି ଉପସ୍ଥାନ ହାସଲରେ କୌଣସି ଛାତ୍ର ବିଫଳ ହୁଅନ୍ତି ତେବେ ସେହି ଛାତ୍ରଙ୍କୁ ପରୀକ୍ଷା ଦେବାକୁ ଅନୁମତି ଦିଆଯିବ ନାହିଁ। ସେହିଭଳି ଶିକ୍ଷକଙ୍କୁ ମଧ୍ୟ କଲେଜ୍ରେ ସର୍ବନିମ୍ନ ୭ ଘଣ୍ଟାଉପସ୍ଥିତ ରହିବାକୁ ବାଧ୍ୟତାମୂଳକ କରାଯାଇଛି। ପୂର୍ବରୁ ଏହା ୫ ଘଣ୍ଟା ଥିଲା। ଶିକ୍ଷାକଙ୍କ ଉପସ୍ଥିତି ସମ୍ପର୍କରେ ତଥ୍ୟ ରଖିବା ଲାଗି ବାୟୋମାଟ୍ରିକ୍ ବ୍ୟବସ୍ଥା ମଧ୍ୟ ସମସ୍ତ କଲେଜ୍ରେ କରାଯିବ। ଏବେ ଠାରୁ ୫୨ଟିଯାକ ସରକାରୀ କଲେଜକୁ ବିଭାଗୀୟ ମନ୍ତ୍ରୀ ଅରୁଣ ସାହୁ ନିର୍ଦେଶ ଦେଇଛନ୍ତି। ମନ୍ତ୍ରୀ ଶ୍ରୀ ସାହୁ କହିଛନ୍ତି ୫୨ ସରକାରୀ କଲେଜରୁ ୧୬ଟି କଲେଜ୍ରେ ବାୟୋମେଟ୍ରିକ୍ ଲଗାଇବାର ବ୍ୟବସ୍ଥା ହେଇଯାଇଛି। ବିଶ୍ଵବ୍ୟାଙ୍କ୍ ଟଙ୍କାର ଉପଯୋଗ କରି ଅନ୍ୟ କଲେଜମାନେ ଏ ବିଷୟରେ ପଦକ୍ଷେପ ନେବାକୁ ସେ ନିର୍ଦେଶ ଦେଇଛନ୍ତି। ଏହା ଗୁଣାତ୍ମକ ଶିକ୍ଷାର ବିକାଶରେ ସହାୟକ ହେବ ବୋଲି ସେ କହିଛନ୍ତି।
