ଭୁବନେଶ୍ୱର,ନିରପେକ୍ଷ ଖବର:ତା ୦୮/୦୫ ଲକ୍ ଡାଉନ୍ ସମୟରେ ଅମାନିଆଙ୍କୁ ସାବାଡ଼ କରିବ କମିଶନରେଟ୍ ପୁଲିସ ଚେକିଂକୁ ଆହୁରି କଡାକଡି କରିବା ପାଇଁ ପୁଲିସ୍ କମିଶନର ଆଣିଲେ ନୂଆ ନିୟମ। ଏନେଇ ସବୁ ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲେ ପୋଲିସ୍ କମିଶନର। ପରିଚୟପତ୍ରର ଦୁରୁପଯୋଗ କରି ବୁଲୁଥିବା କର୍ମଚାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି କମିଶନରେଟ ପୁଲିସ୍ ।କେଉଁ କର୍ମଚାରୀଙ୍କୁ ଅଫିସ ଆସିବାକୁ କୁହାଯାଇଛି, ସଂସ୍ଥା ତାଲିକା ଦେବ। କର୍ମଚାରୀଙ୍କ ତାଲିକା ଡିସିପି ଅଫିସରେ ଦାଖଲ କରିବ ସଂସ୍ଥା। ସଂସ୍ଥା ଅଧିକୃତ କର୍ମଚାରୀଙ୍କୁ ଏକ ଅଥରାଇଜେସନ ଲେଟର ବି ଦେବ। ସମ୍ପୃକ୍ତ କର୍ମଚାରୀ ପରିଚୟ ପତ୍ର ଓ ଅଥରାଇଜେସନ ଲେଟର ଦେଖାଇବେ ବୋଲି କହିଲେ ପୋଲିସ କମିଶନର । କଟକଣା ଆହୁରି କଡ଼ାକଡ଼ି କରାଯିବ। ଲକ୍ଡାଉନ୍ରେ ଯିବାଆସିବା କରିବା ପାଇଁ ପୋଲିସ୍ କାହାକୁ ପାସ୍ ଦେଇନି। କିଛି ଲୋକ ପରିଚୟପତ୍ରର ଦୁରୂପଯୋଗ କରି ମନଇଚ୍ଛା ବୁଲୁଛନ୍ତି ବୋଲି କହିଲେ ପୋଲିସ୍ କମିଶନର ।
