ଲିଭିଂଗ ହୁମାନୀଟି ପକ୍ଷରୁ ଦୃଷ୍ଟିହୀନ ପରିବାରଙ୍କୁ ଅତ୍ୟାବଶ୍ୟକୀୟ ସାମଗ୍ରୀ ବଣ୍ଟନ …

ଭୁବନେଶ୍ୱର, ନିରପେକ୍ଷ ଖବର:ତା ୧୪/୦୬ ଲିଭିଂଗ ହୁମାନୀଟି ଏକ ସାମାଜିକ ଅନୁଷ୍ଠାନ ସର୍ବଦା ମଣିଷ ଭିତରେ ଥିବା ମଣିଷ ପଣିଆ ଜାଗ୍ରତ କରିବା ଦିଗରେ ବିଭିନ୍ନ କାଯ୍ୟ କରିଥାଏ । ଦୁଃଖୀ, ଦିଵ୍ୟାଙ୍ଗ,ଅସହାୟ ମାନଙ୍କୁ ସବୁବେଳେ ସାହାଯ୍ୟର ହାତ ବଢ଼ାଇ ଥାଏ । ଏହି ସାହାଯ୍ୟ ବିଭିନ୍ନ ବର୍ଗର ଲୋକମାନଙ୍କଠୁ ବସ୍ତୁ, ଶ୍ରମ ଵା ଅର୍ଥ ରୂପରେ ଆସି ପ୍ରକୃତ ଅସହାୟମାନଙ୍କ ନିକଟରେ ପହଞ୍ଚେ ।
ଗତବର୍ଷ ମହାମାରୀ କରୋନାରେ ଏହି ଅନୁଷ୍ଠାନ ଭିନ୍ନକ୍ଷମ, ଦିଵ୍ୟାଙ୍ଗ,କୃଷ୍ଠ ରୋଗୀ ଏବଂ ଅନେକ ଅସହାୟଙ୍କୁ ସେମାନଙ୍କ ପରିସ୍ଥିତି ସୁଧୁରିବା ଯାଏଁ ଅତ୍ୟାବଶ୍ୟକୀୟ ସାମଗ୍ରୀ, ମେଡିସିନ ଏବଂ ସ୍ୱାସ୍ଥ୍ୟ ସେବା ଇତ୍ୟାଦି ସାହାଯ୍ୟ କରିଥିଲା । ଆଜି ସତ୍ୟନଗର ନଵୀନ ଵସ୍ତି ଏବଂ ଏହାର ଆଖପାଖ ଅଞ୍ଚଳରେ ଥିବା ଦୃଷ୍ଟିହୀନ ଏବଂ ଅସହାୟ ପରିବାରଙ୍କୁ ସମସ୍ତ ରାସନ ସାମଗ୍ରୀ, ବିସ୍କୁଟ, ମିଠା, ମାସ୍କ, ସାନୀଟାଇଜର ଇତ୍ୟାଦି ପ୍ରଦାନ କରିଛି । ଏହି କାର୍ଯ୍ୟ ଭୁବନେଶ୍ୱର ସମେତ କଟକ, ପୁରୀ, ଯାଜପୁର ଇତ୍ୟାଦି ରାଜ୍ୟର ଅନେକ ସ୍ଥାନରେ ଚାଲୁଅଛି ।
Co-Existance (ସହବସ୍ଥାନ) ସୃଷ୍ଟି ର ନିୟମ l ଏହାକୁ ଆଡେଇ ମଣିଷ ସମାଜ ଅସମ୍ଭବ l କିଛି ଚୁଡା ଚାଉଳରେ କାହାର ଭୋକ ସବୁଦିନ ପାଇଁ ଯାଇ ନପାରେ କିନ୍ତୁ ଆମ ଭଳି ମଣିଷ ଭିତରେ ମଣିଷ ପଣିଆ ଜାଗ୍ରତ ହେବା, ମିଳିମିଶି ଚଳିବା ଏବଂ ସୁସ୍ଥ ସମାଜ ଗଠନ ର ଭାଗୀଦାର ହେବା ପାଇଁ ଲିଭିଙ୍ଗ ହ୍ୟୁମାନିଟି ପକ୍ଷରୁ ବାର୍ତ୍ତା ଦିଆଯାଇଥିଲା