ଅନ୍ତର୍ଜାତୀୟ ସଂସ୍ଥା “ବିଜ୍ନେସ୍ ସଲ୍ୟୁସନ୍ ” ପକ୍ଷରୁ ଡାକ୍ତର ପ୍ରେମାନନ୍ଦ ପଟନାୟକଙ୍କୁ ଗୋଲ୍ଡେନ୍ ଏଆଇମ୍ . ଆୱାର୍ଡରେ ସମ୍ମାନୀତ

ଭୁବନେଶ୍ୱର, ନିରପେକ୍ଷ ଖବର:ତା ୧୦/୦୭ ସିକିତ୍ସା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ପେଟ ରୋଗ ଓ ଲାପରୋସ୍କୋପି ସର୍ଜନ ଡାକ୍ତର ପ୍ରେମାନନ୍ଦ ପଟନାୟକଙ୍କୁ ଅନ୍ତର୍ଜାତୀୟ ସଂସ୍ଥା “ବିଜ୍ନେସ୍ ସଲ୍ୟୁସନ୍ ” ପକ୍ଷରୁ ଗୋଲ୍ଡେନ୍ ଏଆଇମ୍ . ଆୱାର୍ଡରେ ସମ୍ମାନୀତ କରାଯାଇଛି। ଅନଲାଇନ୍ ରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଡାକ୍ତର ପଟ୍ଟନାୟକଙ୍କୁ ଏହି ସମ୍ମାନ ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ଇଣ୍ଡିଆନ୍ ମେଡିକାଲ ଆସୋସିଏସନ୍ (ଆଇ ଏମ୍ ଏ ) ର ସଭାପତି ଡା. ଅରୁଲରାଜ ଓ ଥାଇରୋକେୟାରର ପ୍ରତିଷ୍ଠାତା ବେଲୁମଣି ପ୍ରମୁଖ ଅଂଶ ଗ୍ରହଣ କରିଥିଲେ। ଡାକ୍ତର ପଟ୍ଟନାୟକଙ୍କ ଜନ୍ମ ସ୍ଥାନ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ନିରାକାରପୁର ଥାନା କଣ୍ଠପୁର ଗ୍ରାମରେ। ନୂଆଦିଲ୍ଲୀ ଏମ୍ସ. ପିଜିଆଇ , ଚଣ୍ଡିଗଡ଼ , ମାଡ୍ରାସ ମେଡ଼ିକାଲ କଲେଜ ଭଳି ପ୍ରତିଷ୍ଠିତ ଅନୁଷ୍ଠାନରେ କାର୍ଯ୍ୟ କରିଥିବା ଡାକ୍ତର ପଟ୍ଟନାୟକ ଏବେ ହାଇଟେକ୍ ମେଡିକାଲ କଲେଜର ଗ୍ୟାଷ୍ଟ୍ରୋସାଇନ୍ସ ବିଭାଗର ନିର୍ଦେଶକ ଓ ବିଭାଗୀୟ ମୁଖ୍ୟ ଭାବେ କାର୍ଯ୍ୟ କରୁଛନ୍ତି।