ଭୁବନେଶ୍ୱର(ନିରପେକ୍ଷ ଖବର)ତା-୩/ଡ଼ିସେମ୍ବର/୨୦୧୯- ନିଜରହକ୍ ପାଇଁ ଲଢ଼େଇ କରୁ କରୁ ଚାଲିଗଲା ଜୀବନ। ଧାରଣା ସ୍ଥଳରେ ତାଙ୍କର ମୃତ୍ୟୁ ଘଟିଲା।ମୃତାହତ ହେଇଥିବା ଶିକ୍ଷକ ଜଣଙ୍କ ହେଲେ ମୟୁରଭଞ୍ଜ ଜିଲ୍ଲାର ନିରଞ୍ଜନ ବାରିକ୍। ରାଜ୍ୟରେ ଦୀର୍ଘ ଦିନ ହେବ ଶିକ୍ଷକମାନେ ବିଭିନ୍ନ ଆନ୍ଦୋଳନ କରି ଆସୁଛନ୍ତି । ତେବେ ଓଟିଇଟି ପରୀକ୍ଷା ପ୍ରଶ୍ନପତ୍ରରେ ତ୍ରୁଟି ଅଭିଯୋଗ ଏବଂ କଣ୍ଟ୍ରାକ୍ଚୁଆଲ୍ ଶିକ୍ଷକଙ୍କୁ ନିୟମିତ ଶିକ୍ଷକ ଭାବେ ନିଯୁକ୍ତି କରିବା ଦାବିରେ ପ୍ରାଥମିକ ଶିକ୍ଷକ ମହାସଂଘ ପକ୍ଷରୁ ଭୁବନେଶ୍ୱରସ୍ଥିତ ଲୋୟର ପିଏମ୍ଜିରେ ଧାରଣା ଦିଆଯାଇଥିଲା । ଏହି ଧାରଣା ସ୍ଥଳରେ ଶିକ୍ଷକ ନିରଞ୍ଜନ ବାରିକ୍ଙ୍କ ମୁର୍ତ୍ୟୁ ଘଟଣା ଶୁଣିବା ପରେ ମୟୁରଭଞ୍ଜ ଜିଲ୍ଲାର 
ଗୋପବନ୍ଧୁନାଗରରେ ତାଙ୍କ ପରିବାର ସମେତ ସ୍ଥାନୀୟ ଅଞ୍ଚଳରେ ଶୋକରଛାୟା ଖେଳିଯାଇଛି। ତେବେ ଧାରଣାସ୍ଥଳରେ ଅଚାନକ ନିରଞ୍ଜନ ଟଳି ପଡ଼ିଥିଲେ । ତାଙ୍କୁ ତୁରନ୍ତ ଅନ୍ୟ ଶିକ୍ଷକ ଏବଂ ପୋଲିସଙ୍କ ସହାୟତାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ହସ୍ପିଟାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଶବବ୍ୟବଚ୍ଛେଦ ପାଇଁ ପୋଲିସ ପଠାଇଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁ କାରଣ ସ୍ପଷ୍ଟ ହେବ ବୋଲି ପୋଲିସ ପକ୍ଷରୁ ସୂଚନା ଦେଇଛନ୍ତି । ଅନ୍ୟପଟେ ପ୍ରାଥମିକ ଶିକ୍ଷକ ମହାସଂଘ ମୃତ ଶିକ୍ଷକଙ୍କ ପରିବାରରୁ ଜଣଙ୍କୁ ଚାକିରି ଦେବା ସହ ୫୦ଲକ୍ଷ ଟଙ୍କାର ସହାୟତା ରାଶି ଦବାପାଇଁ ଦାବି କରିଛି ।
