ଭୁବନେଶ୍ୱର,ନିରପେକ୍ଷ ଖବର: ୧୦/୦୧/୨୦୨୦
ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ କୃତି୍ରମ ଅଙ୍ଗ ନିର୍ମାଣ ବାବଦରେ ବିଶେଷ ଧ୍ୟାନ ଦେବ । ଫଳରେ ଭିନ୍ନକ୍ଷମମାନଙ୍କୁ ବିଭିନ୍ନ ଶିବିର ତଥା ‘କ୍ଷମତା ଏକ୍ସପ୍ରେସ୍’ ନିର୍ଘଣ୍ଟ ସ୍ଥାନଗୁଡ଼ିକରେ ପରୀକ୍ଷାକ୍ରମେ ନିର୍ଦ୍ଧାରିତ କୃତି୍ରମ ଅଙ୍ଗ ଯୋଗାଇଦେବାରେ ସମସ୍ୟା ରହିବ ନାହିଁ ବୋଲି ଭିନ୍ନକ୍ଷମ ସଶକ୍ତିକରଣ ଓ ସାମାଜିକ ସୁରକ୍ଷା, ବିଜ୍ଞାନ ଓ କାରିଗରୀ କୌଶଳ ମନ୍ତ୍ରୀ ଶ୍ରୀ ଅଶୋକ ଚନ୍ଦ୍ର ପଣ୍ଡା ପ୍ରକାଶ କରିଛନ୍ତି ।
ମନ୍ତ୍ରୀ ଶ୍ରୀ ପଣ୍ଡା ଆଜି ଲୋକସେବା ଭବନରେ ପ୍ରକାଶ କରିଛନ୍ତି ଯେ, ସମ୍ବଲପୁରଠାରେ କୃତି୍ରମ ଅଙ୍ଗ ନିର୍ମାଣ ପାଇଁ କାର୍ଯ୍ୟ କରୁଥିବା ୱାର୍କସପ୍କୁ ଖୁବ୍ ଶୀଘ୍ର ସ୍ୱତନ୍ତ୍ର ଭାବରେ କମ୍ପୁ୍ୟଟରୀକୃତ କରାଯିବ । ଫଳରେ ଅତ୍ୟାଧୁନିକ ପ୍ରଣାଳୀରେ ଭିନ୍ନକ୍ଷମମାନଙ୍କ ନିମନ୍ତେ କୃତି୍ରମ ଅଙ୍ଗ ପ୍ରସ୍ତୁତ କରାଯାଇପାରିବ ।
ଗତକାଲି ମନ୍ତ୍ରୀ ଶ୍ରୀ ପଣ୍ଡା ସମ୍ବଲପୁର ଯାଇ ହାତୀବାରିସ୍ଥିତ ହେଲଥ୍ ହୋମ୍ ପରିଦର୍ଶନ କରିଥିଲେ । ସେଠାରେ ଅନ୍ତେବାସୀମାନଙ୍କୁ ମନ୍ତ୍ରୀ କମ୍ବଳ, ଲୁଗାପଟା ଓ ଛତା ବଣ୍ଟନ କରିବା ସମେତ ୫ଟି ହୁଇଲ୍ ଚେୟାର, ୫ଟି କୃତି୍ରମ ଗୋଡ଼, ୩ଟି
ଟ୍ରେସାପେଡ୍, ୩ଟି ୱାକର ବିତରଣ କରିଥିଲେ । କେତେକଙ୍କୁ ଭିନ୍ନକ୍ଷମ ପ୍ରମାଣପତ୍ର ଓ ଭତ୍ତା ମଧ୍ୟ ବଣ୍ଟନ କରାଯାଇଥିଲା ସମ୍ବଲପୁର ଜିଲ୍ଲା ହାତୀବାରିଠାରେ ବହୁଦିନରୁ ଭିନ୍ନକ୍ଷମମାନଙ୍କ ନିମନ୍ତେ ହେଲଥ୍ ହୋମ୍ ଓ କୁଷ୍ଠାଶ୍ରମ କାର୍ଯ୍ୟ କରୁଛି । ମନ୍ତ୍ରୀ ଶ୍ରୀ ପଣ୍ଡା ତାଙ୍କ ପରିଦର୍ଶନ ସମୟରେ ଅନ୍ତେବାସୀମାନଙ୍କ ସହିତ ମତବିନିମୟ କରିଥିଲେ । ମନ୍ତ୍ରୀଙ୍କ ସହିତ ପୂର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ, ସ୍ଥାନୀୟ ବିଡିଓ ଓ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ପ୍ରମୁଖ ଉପସ୍ଥିତ ଥିଲେ । କୃତି୍ରମ ଅଙ୍ଗ ପ୍ରସ୍ତୁତିକୁ ଅଧିକ ବ୍ୟାପକ କରାଯିବ
ବୋଲି ମନ୍ତ୍ରୀ କହିଛନ୍ତି।
