ଡିଏସ୍ଟି ତାଲିମ ନେଇ ଓପିଟିସିଏଲ୍ ଏବଂ ୭ଟି ସରକାରୀ ଆଇଟିଆଇ ମଧ୍ୟରେ ଚୁକ୍ତିନାମା….
ପ୍ରଶିକ୍ଷାର୍ଥୀଙ୍କୁ ମିଳିବ ୨୫୦୦ ଟଙ୍କା ଇନ୍ଟର୍ଣ୍ଣସିପ୍ ..
ଭୁବନେଶ୍ୱର ,ନିରପେକ୍ଷ ଖବର: ୦୨/୦୮/୨୦୧୯ ଆଜି ରାଜ୍ୟ ବୈଷୟିକ ଶିକ୍ଷା ଓ ଧନ୍ଦାମୂଳକ ପ୍ରଶିକ୍ଷଣ ପରିଷଦସ୍ଥିତ ସମ୍ମିଳନୀ
କକ୍ଷଠାରେ ଏକ ବୁଝାମଣା ପତ୍ର ସ୍ୱାକ୍ଷରିତ ହୋଇଯାଇଛି । ୨୦୧୯-୨୦ ଏବଂ ଆଗାମୀ ଶିକ୍ଷା ବର୍ଷମାନଙ୍କରେ ଡୁଆଲ୍ ସିଷ୍ଟମ୍ ଟ୍ରେନିଂ (ଡିଏସ୍ଟି) ପ୍ରଣୟନ ନେଇ ରାଜ୍ୟର ୭ଟି ଆଇଟିଆଇ
ଏବଂ ଓଡ଼ିଶା ପାୱାର ଟ୍ରାନ୍ସମିଶନ୍ କର୍ପୋରେସନ୍ ଲିମିଟେଡ୍ (ଓପିଟିସିଏଲ୍) ମଧ୍ୟରେ ଏହି ଚକ୍ତିନାମା ସ୍ୱାକ୍ଷରିତ ହୋଇଛି । ଡିଟିଇଟି ନିର୍ଦ୍ଦେଶକ ଶ୍ରୀ ରେଘୁ ଜି ଏବଂ ସିନିୟର ଜିଏମ୍,
ଏଚ୍.ଆର୍, ଅପିଟିସିଏଲ୍ ଶ୍ରୀ ଏ.ପି. ପଣ୍ଡାଙ୍କ ଉପସ୍ଥିତିରେ ୭ଟି ଆଇଟିଆଇର ଅଧ୍ୟକ୍ଷ ଏବଂ ଅପିଟିସିଏଲ୍ର ନିର୍ଦ୍ଦେଶକ ଶ୍ରୀ ଆର୍.କେ. ସେନାପତିଙ୍କ ମଧ୍ୟରେ ଏହି ଚୁକ୍ତିନାମା ସ୍ୱାକ୍ଷର
କରାଯାଇଛି । ଡିଏସ୍ଟି ହେଉଛି ଜର୍ମାନୀର ଏକ ଧନ୍ଦାମୂଳକ ପ୍ରଶିକ୍ଷଣ କାର୍ଯ୍ୟକ୍ରମ ଯାହାକୁ ଡାଇରେକଫର ଜେନେରାଲ୍ ଅଫ୍ ଟେକ୍ନୋଲୋଜି, ନୂଆଦିଲ୍ଲୀ ପ୍ରଚଳନ କରାଇଥିଲେ । ୨୦୧୯ରେ ଏହାକୁ ପାଇଲଟ୍ ପ୍ରୋଜେକଫ ଭାବେ ଓଡ଼ିଶାରେ କାର୍ଯ୍ୟକାରୀ କରାଯାଇଥିଲା । ଆଇଟିଆଇ ଭୁବନେଶ୍ୱର, ପୁରୀ, ନୟାଗଡ଼, କଟକ, ବଲାଙ୍ଗୀର, ଏସ୍ଆଇପିଟି, ପଟ୍ଟାମୁଣ୍ଡାଇ ଏବଂ ଏମ୍ଆଇଟିଆଇ, କଟକର ଇଲେକ୍ଟି୍ରସିଆନ୍ ଟ୍ରେଡର ୧୪୦ ଜଣ ପ୍ରଶିକ୍ଷାର୍ଥୀ ୮ ମାସ ନିମନ୍ତେ ଏହି ପ୍ରଶିକ୍ଷଣ ନେବେ । ପ୍ରଶିକ୍ଷଣ ସମୟରେ ପ୍ରତ୍ୟେକ ପ୍ରଶିକ୍ଷାର୍ଥୀଙ୍କୁ ୨୫୦୦ ଟଙ୍କା ଇନ୍ଟର୍ଣ୍ଣସିପ୍ ପ୍ରଦାନ କରାଯିବ । ଏମାନଙ୍କୁ ନିଯୁକ୍ତି ଯୋଗ୍ୟ କରିବା ନିମନ୍ତେ ଓପିଟିସିଏଲ୍ ଅଧୀନସ୍ଥ ଇଏଚ୍ଟି ଏବଂ ଓଏଣ୍ଡଏମ୍ ବିଭାଗରେ ତାଲିମ ପ୍ରଦାନ କରାଯିବ ।
