ବାରିପଦା(ନିରପେକ୍ଷ ଖବର)ତା-୮/ଜାନୁଆରୀ/୨୦୧୯-ମୟୁରଭଞ୍ଜବାସୀଙ୍କ ପାଇଁ ଖୁସି ଖବର। ଦ୍ୱିତୀୟ ଶ୍ରୀକ୍ଷେତ୍ରର ଉନ୍ନତି ପାଇଁ ୫ କୋଟି ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ। 
ଏଥିସହିତ କିଟ ଆବାସିକ ଶିକ୍ଷା ଅନୁଷ୍ଠାନ ପାଇଁ ସମସ୍ତ ପ୍ରକାରର ସହଯୋଗ ଯୋଗାଇ ଦେବାକୁ ପ୍ରତିଶ୍ରୁତି ଦେଲେ।ମାନ୍ୟବର ମୁଖ୍ୟମନ୍ତ୍ରୀ ଙ୍କ ମୟୂରଭଞ୍ଜ ଜିଲ୍ଲା ଗସ୍ତ ଅବସରରେ ଆସି ଆଦାନୀ କିସ୍ ରେସିଡେନସିଆଲ ସ୍କୁଲର ମୟୁରଭଞ୍ଜ ବାଙ୍କୀସୋଲ ଠାରେ ଉଦ୍ଘାଟନ କରିବା ସହିତ ବିଭିନ୍ନ ଜନହିତକାରୀ ପ୍ରକଳ୍ପର ଉଦ୍ଘାଟନ ଓ ଭିଭିପ୍ରସ୍ତର ସ୍ଥାପନ କରିଥିଲେ ।
ବିଶେଷ କରି ଦୀର୍ଘ ଦିନରୁ ଦ୍ବିତୀୟ ଶ୍ରୀକ୍ଷେତ୍ର ବାରିପଦା ଶ୍ରୀ ଶ୍ରୀ ହରିବଳଦେଵ ଜୀଉ ଙ୍କ ମନ୍ଦିର ର ଉନ୍ନତିକରଣ ଦାବି ହୋଇଆସୁଥିବା ବେଳେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜଗନ୍ନାଥ ମନ୍ଦିର ଉନ୍ନତିକରଣ ପାଇଁ ୫କୋଟି ଟଙ୍କା ପ୍ରଦାନ କରିଛନ୍ତି। ଆଜି ମୁଖ୍ୟମନ୍ତ୍ରୀ ହେଲିପେଡ଼ ଯୋଗେ ଆଦାନୀ କିସ ପଡ଼ିଆରେ ଦିନ ୧୧:୩୦ ସମୟରେ ପହଞ୍ଚିଥିଲେ।
ଏହି ଉଦ୍ଘାଟନୀ ଉତ୍ସବରେ ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି, କୀଟ ଉନିଭରର୍ସିଟିର ପ୍ରତିଷ୍ଠାତା ସାଂସଦ ପ୍ରଫେସର ଅଚ୍ୟୁତ ସାମନ୍ତ, ରାଜ୍ୟସଭା ସାଂସଦ ସରୋଜିନୀ ହେମ୍ବ୍ରମ, ମୟୂରଭଞ୍ଜ ସାଂସଦ ଇଂ ବିଶ୍ୱେଶର ଟୁଡୁ, ବାରିପଦା ବିଧାୟକ ପ୍ରକାଶ ସରେନ, ଆଦାନୀ ଗ୍ରୁପର ଚେଆରପର୍ଶନ ଡ଼ଃ ପ୍ରୀତି ଜୀ ଆଦାନୀ, ଜିଲ୍ଲାପାଳ ବିନୀତି ଭରଦ୍ବାଜ ଙ୍କ ସମେତ ବହୁ ଉଚ୍ଚ ପଦସ୍ଥ ଅଧିକାରୀମାନେ ସଭା ସ୍ଥଳରେ ଉପସ୍ଥିତ ଥିଲେ। ତାଙ୍କର ସୁରକ୍ଷା ପାଇଁ ୨୫ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଥିବା ଜଣାପଡ଼ିଛି । ଏହି ଅବସରରେ ଆସି ବାଙ୍କୀସୋଲ ଠାରେ ଶୁଭ ଉଦ୍ଘାଟନ ୫୩ କୋଟି ୬୦ ଲକ୍ଷ ଟଙ୍କାର ପ୍ରକଳ୍ପ ବାଙ୍କିଶୋଳ ଠାରେ ନବନିର୍ମିତ ଆଦାନୀ – କିସ୍ ଆବାସିକ ବିଦ୍ୟାଳୟ, ବହଳଦା, ରରୁଆଁ, ବିଶୋଇ, କୁସୁମୀ, ରାଇରଙ୍ଗପୁର, ବାରିପଦା, ଶାମାଖୁଣ୍ଟା ଏବଂ ସୁଳିଆପଦା ବ୍ଲକ୍ର ୧୮ଟି ପାଇପ୍ ଜଳ ଯୋଗାଣ ପ୍ରକଳ୍ପ ସହ ଠାକୁରମୁଣ୍ଡା, କୁସୁମୀ, ସୁକୃଳି, ସାରସକଣା ଏବଂ ଶୁଳିଆପଦା ବ୍ଲକରେ ରେ ୫ଟି ହାଇ ଲେବେଲ ସେତୁ ସହ ବାରିପଦା ସରକାରୀ ମହିଳା ମହାବିଦ୍ୟାଳୟର ନବନିର୍ମିତ ସାଇନ୍ସ ବ୍ଲକ ମୋରଡ଼ା ବ୍ଲକର ନବନିର୍ମିତ ଭାଲିଆଷୋଳ ଆଦର୍ଶ ବିଦ୍ୟାଳୟ, କୁସୁମୀ ବ୍ଲକର ସାନଞ୍ଜୟଧାନପୋଷୀ ଏବଂ ବିଜାତଳା ବ୍ଳକର ଲୁହାଶିଳାଠାରେ ଓଡ଼ିଶା ଆଦର୍ଶ ବିଦ୍ୟାଳୟର ନବନିର୍ମିତ ୧୦୦ ସିଟ୍ ବିଶିଷ୍ଟ ଛାତ୍ରୀ ନିବାସ ଏବଂ ବିଭିନ୍ନ ପ୍ରକଳ୍ପ ଭିଭିପ୍ରସ୍ତର ସ୍ଥାପନ ପାଇଁ ୨୦୦ କୋଟି ୩୦ ଲକ୍ଷରୁ ଉର୍ଦ୍ଧ ଟଙ୍କାର ପ୍ୟାକେଜ ଘୋଷଣା କଲେ। ବାରିପଦା ମ୍ୟୁନିସିପାଲିଟି ଅଞ୍ଚଳବାସୀଙ୍କ ପାଇଁ ଜଳଯୋଗାଣ ବ୍ୟବସ୍ଥା, ରରୁଆଁ – ଫଗୁ ରାସ୍ତା ଉନ୍ନତିକରଣ ଓ ପ୍ରଶସ୍ତିକରଣ କାର୍ଯ୍ୟ, ତକତପୁରଠାରେ ଏପିସି ସ୍ବୟଂଶାସିତ ମହାବିଦ୍ୟାଳୟର ସ୍ନାତକୋତ୍ତର କମ୍ପୋଜିଟ ବ୍ଲକ, ସାରସକଣା, ଗୋପବନ୍ଧୁ ନଗର ବ୍ଳକ୍ରେ ୨ଟି ମେଗା ଜଳଯୋଗାଣ ପ୍ରକଳ୍ପ ସହିତ ରାଇରଙ୍ଗପୁର, ବାଙ୍ଗିରିପୋଷୀ ଏବଂ ଖୁଣ୍ଟା ବ୍ଲକ୍ରେ ୩ଟି ଜଳଯୋଗାଣ ପ୍ରକଳ୍ପ ଖୁଣ୍ଟା, ଗୋପବନ୍ଧୁ ନଗର ଏବଂ ବଡ଼ସାହି ବ୍ଳବ ୪ଟି ହାଇଲେଭଲ ସେତୁ ର ଭିତ୍ତିପ୍ରସ୍ତର ସ୍ଥାପନ କଲେ।
