ଡାକ୍ତରଖାନାରେ ନବଜାତ ଶିଶୁକୁ ଛାଡି ବାପା ବୋହିନେଲା ସ୍ତ୍ରୀର ଶବ ….

ବାରିପଦା(ନିରପେକ୍ଷ ଖବର)ତା-୧୬/ଡ଼ିସେମ୍ବର/୨୦୧୯-କଥାରେ ଅଛି ସ୍ୱାମୀ ଓ ସ୍ତ୍ରୀର ବନ୍ଧନ ଯୋଗେ ଯୋଗେ ରହିଛି, ଆଗକୁ ବି ରହିବ। ସ୍ତ୍ରୀର ପ୍ରେମ ଆଉ ଭଲ ପାଇବା ଯେ ଖାଲି ଜୀବିତ ଅବସ୍ଥାରେ ତାହା ନୁହେଁ ମୂର୍ତ୍ୟୁପରେ ମଧ୍ୟ ସେହି ଭଲ ପାଇବାକୁ ଜୀବିତ ରଖି ହୁଏ। ତାକୁ ପ୍ରମାଣ କରି ଦେଖାଇଛନ୍ତି ମୟୁରଭଞ୍ଜ ଜିଲ୍ଲା ଉଦଳା ଥାନା ଅଂଚଳର ଖେଲା ସରେନ। ଗରିବିର ତାଡନା ପାଇଁ ନବଜାତ ଶିଶୁକୁ ଡାକ୍ତରଖାନାରେ ଛାଡିଦେଇ ସ୍ତ୍ରୀର ମୃତଦେହକୁ ଟ୍ରଲିରେ ବୋହିନେଇଛି ସ୍ୱାମୀ । ମେଡିକାଲରେ ସ୍ତ୍ରୀ ରାଇମାତ ସୋରେନ ଏକ ପୁଅ ସନ୍ତାନକୁ ଜନ୍ମ ଦେବା ପରେ ତାର ମୃତ୍ୟୁ ହୋଇଥିଲା। ସ୍ତ୍ରୀର ମୃତଦେହ ଟ୍ରଲିରେ ବୋହିଲା ସ୍ୱାମୀ । ନିଜ ସମ୍ପର୍କୀୟଙ୍କ ଘରେ ଶବ ଦାହ କରିବାକୁ ଯାଇଥିଲେ ସ୍ୱାମୀ । କିନ୍ତୁ ସେମାନେ ମନା କରିଦେବା ପରେ ବାଧ୍ୟ ହୋଇ ଟ୍ରଲିରେ ସ୍ତ୍ରୀଙ୍କ ମୃତଦେହ ନେଇ ନିଜ ଗାଁକୁ ଆସିଥିଲେ । ସାନଜୁନୁପାଳ ଗ୍ରାମରେ ଖେଲା ସୋରେନ୍ ତାଙ୍କର ସ୍ତ୍ରୀ ରାଇମାତ ସୋରେନ୍‌କୁ ପ୍ରସବ ନିମନ୍ତେ ବାରିପଦା ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ରାଇମାତଙ୍କର ଗତକାଲି ପ୍ରସବ ହୋଇଥିଲା । ସେ ଏକ ଶିଶୁ ପୁତ୍ରକୁ ଜନ୍ମ ଦେବା ପରେ ରାଇମାତଙ୍କର ମୃତ୍ୟୁ ହୋଇଥିଲା । ପୁଅକୁ ଡାକ୍ତରଖାନାରେ ଡାକ୍ତରଙ୍କ ହେପାଜତରେ ଛାଡି ସ୍ତ୍ରୀର ମୃତଦେହକୁ ସ୍ୱର୍ଗରଥରେ ନେଇ ଉଦଳା ଥାନା ଉର୍ମଳ ଗ୍ରାମ ସ୍ଥିତ ସଂପର୍କୀୟ ଘରକୁ ଆସିଥିଲେ ଖେଲା । ହେଲେ ସଂପର୍କୀୟ ଘର ଲୋକେ ରାଇମାତର ଶବକୁ ତାଙ୍କ ଗ୍ରାମରେ ଦାହ କରିବାକୁ ମନା କରିଥିଲେ । ଏହା ପରେ ସ୍ତ୍ରୀର ମୃତଦେହକୁ ଗ୍ରାମକୁ ନେବାକୁ ଚାହିଁଥିଲେ ସ୍ୱାମୀ ଖେଲା । ହେଲେ ପାଖରେ ଟଙ୍କା ନ ଥିବାରୁ ଏକ ଟ୍ରଲି ମାଗି ଆଣି ସେଥିରେ ସ୍ତ୍ରୀର ମୃତଦେହକୁ ବୋହି ବୋହି ନେଇ କପ୍ତିପଦା ଥାନା ସାନଜୁନୁପାଳ ଗ୍ରାମକୁ ଯାଉଥିଲା । ତେବେ ଉର୍ମଳ ଗ୍ରାମରୁ ୩ କିଲୋମିଟର ଯିବା ପରେ ରାସ୍ତା ପାର୍ଶ୍ୱରେ ନାବରା ଜଙ୍ଗଲରେ ମୃତଦେହକୁ ପୋତିଦବୋକୁ ଚାହିଁଥିଲେ ଖେଲା । ହେଲେ ସେଠାରେ ଗ୍ରାମବାସୀ ଏହାକୁ ବିରୋଧ କରିବାରୁ ପୁଣି ଶବକୁ ଟ୍ରଲିରେ ଧରି ନିଜ ଗ୍ରାମକୁ ଯିବା ବାଟରେ ସ୍ୱାମୀ ଖେଲାଙ୍କୁ ଅଟକାଇଥିଲା ପୋଲିସ୍ । ପରେ ପୋଲିସ ସହାୟତାରେ ମୃତଦେହ ଖେଲାଙ୍କ ଗ୍ରାମକୁ ପଠାଇଥିବା ସୂଚନା ମିଳିଛି ।