ଦିଲ୍ଲୀ, ନିରପେକ୍ଷ ଖବର: ୨୪/୦୩ ଆଜି ରାତି ୧୨ଟା ଠାରୁ ସାରା ଦେଶ ହେବ ଲକ୍ ଡାଉନ । କରୋନା ମୁକାବିଲା ପାଇଁ ପୂରା ଦେଶରେ ଜାରି ହେଲା ୨୧ ଦିନ ପାଇଁ ଲକ୍ ଡାଉନ । ଆଜି ଏହି ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସାମାଜିକ ଦୂରତା ରକ୍ଷା ପାଇଁ ଏଭଳି ପଦକ୍ଷେପ ନେଇଛନ୍ତି ପ୍ରଧାନମନ୍ତ୍ରୀ। ଜଣେ ଅନ୍ୟ ଜଣଙ୍କ ସଂସ୍ପର୍ଶରେ ନଆସିଲେ ହିଁ କରୋନାର ଚକ୍ର ଭାଙ୍ଗି ହେବ । ତେଣୁ କୋରାନ ସହ ମୁକାବିଲାକରିବାକୁ ହେଲେ କେହି ଘରୁ ବାହାରନ୍ତୁନି ବୋଲି ଅପିଲ କରିଛନ୍ତି ପ୍ରଧାନମନ୍ତ୍ରୀ ।ଜାଣନ୍ତୁ ଏହି ୨୧ ଦିନିଆ ଲକଡାଉନ ବେଳେ କଣ କଣ ଖୋଲା ରହିବ ଆଉ କଣ ବନ୍ଦ ରହିବ: ସେଥିପାଇଁ ଗୃହମନ୍ତ୍ରାଳୟ ପକ୍ଷରୁ ଏକ ଗାଇଡଲାଇନ ଦେଶବାସୀଙ୍କ ଉଦ୍ଦେଶ୍ୟରେ ଜାରି କରାଯାଇଛି।ଏହି ଗାଇଡଲାଇନ ଜାରି ହୋଇଥିବା ସମୟରେ ନଜର ପକାନ୍ତୁ କେଉଁ କେଉଁ ସେବା ଚାଲୁରହିବ।୧-ହସ୍ପିଟାଲ , ୨-ପେଟ୍ରୋଲ ପମ୍ପ, ୩-ଗ୍ୟାସ,୪- ମେଡିସିନ ଷ୍ଟୋର,୫- ରାସନ ଦୋକାନ, ୬-କ୍ଷୀର ଦୋକାନ,୭- ବ୍ୟାଙ୍କ, ୮-ବୀମା ଓ ୯-ଏଟିଏମ ଖୋଲା ରହିବ ।ଏହା ସହିତ ଲୋକଙ୍କ ଅତ୍ୟାବଶ୍ୟକ ଜିନିଷପତ୍ର ପରିବା, ଗ୍ରୋସରୀ ଓ ଫଳ ଦୋକାନ ଖୋଲା ରହିବ ।ତେବେ ଲକଡାଉନ ସମୟରେ ସରକାରୀ ଅଫିସ, ଘରୋଇ ସଂସ୍ଥା ବନ୍ଦ ରହିବ । ସ୍କୁଲ, କଲେଜ ଏବଂ ଟ୍ରେନିଂ ସେଣ୍ଟର ବନ୍ଦ ରହିବ ।ଏହା ସହିତ ସବୁ ପ୍ରକାରର ପରିବହନ ସେବା ମଧ୍ୟ ବନ୍ଦ ରହିବ । ମାତ୍ର ତାଲାବନ୍ଦ କଟକଣା ସମୟରେ ଗଣମାଧ୍ୟମ ସଂସ୍ଥା କାର୍ଯ୍ୟ କରିପାରିବେ ଓ ସମସ୍ତ ସ୍ଥାନ ଯିବା ଆସିବା କରିପାରିବେ ବୋଲି ଗୃହମନ୍ତ୍ରାଳୟ ପକ୍ଷରୁ ଜାରି ହୋଇଥିବା ଗାଇଡଲାଇନରେ ଉଲ୍ଲେଖ ରହିଛି ।
