ବଲିଉଡର ବିଗ୍ ବି ଅମିତାଭ ବଚ୍ଚନ ମହାରାଷ୍ଟ୍ରର ୩୩୦ରୁ ଅଧିକ କୃଷକଙ୍କ ଋଣ ପରିଶୋଧ କରିବା ପରେ ଏବେ ଉତର ପ୍ରଦେଶର କୃଷକଙ୍କ ଋଣ ସୁଝିବେ ବୋଲି କହିଛନ୍ତି । ତେବେ ଉତରପ୍ରଦେଶର ୧୩୯୮ ଜଣ କୃଷକଙ୍କର ପାଖାପାଖି ୪ କୋଟି ଟଙ୍କା ଋଣ ସୁଝିବେ ବୋଲି କହିଛନ୍ତି । ଏଥିପାଇଁ ସେ ବ୍ୟାଙ୍କ ଅଫ୍ ଇଣ୍ଡିଆ ସହ ୱାନ ଟାଇମ ସେଟଲେମେଂଟ ପ୍ଲାନ ଚୁକ୍ତି କରିଛନ୍ତି ଅର୍ଥାତ୍ ସେ ଗୋଟିଏ ଥରରେ ସବୁ ଋଣ ପରିଶୋଧ କରିବେ ବୋଲି କହିଛନ୍ତି ।
ଅମିତାଭ ବଚ୍ଚନ ୭୦ ଜଣ କୃଷକଙ୍କୁ ମୁମ୍ବାଇ ଆସି ବ୍ୟାଙ୍କରୁ ନିଜ ଋଣ ପୈଠ ଲେଟର ନେବା ପାଇଁ ନିମନ୍ତ୍ରଣ କରିଛନ୍ତି । ତେବେ ନଭେମ୍ବର ୨୬ରେ ବିଗ୍ ବି ନିଜେ ଏକ କାର୍ଯ୍ୟକ୍ରମରେ କୃଷକଙ୍କୁ ଏହି ଲେଟର ଦେବେ । ମୁମ୍ବାଇ ଆସିବା ପାଇଁ ସେ କୃଷକମାନଙ୍କ ପାଇଁ ମଧ୍ୟ ଟ୍ରେନର ସମ୍ପୂର୍ଣ୍ଣ ବଗି ବୁକ୍ କରି ସାରିଛନ୍ତି । ଫଳରେ ସବୁ କୃଷକ ମୁମ୍ବାଇ ପର୍ଯ୍ୟନ୍ତ ସୁବିଧାରେ ସଫଳ ଯାତ୍ରା କରି ପାରିବେ ।
ପୂର୍ବରୁ ଅମିତାଭ ମହାରାଷ୍ଟ୍ରର ୩୫୦ କୃଷକଙ୍କ ଋଣ ପରିଶୋଧ କରିଥିଲେ । ଏହା ସହ ସୈନିକଙ୍କ ପରିବାରକୁ ଆର୍ଥିକ ସହାୟତା ଯୋଗେଇ ଥିଲେ । ଗତ କିଛି ଦିନ ପୂର୍ବରୁ ଅମିତାଭଙ୍କ ଶୋ କୌନ ବନେଗା କରୋଡପତିରେ ମହାରାଷ୍ଟ୍ରର ଜଣେ କୃଷକ ଅନନ୍ତ କୁମାର ଆସିଥିଲେ । ଅନନ୍ତଙ୍କର ଦୁଃଖ କଷ୍ଟରେ ଚାଲିଥିବା ଜୀବନୀ ଶୁଣି ସେ ସମ୍ପୂର୍ଣ୍ଣ ଦେଶର କୃଷକମାନଙ୍କୁ ସାହାଯ୍ୟ କରିବେ ବୋଲି କହିଥିଲେ ।
