ତିତ୍ଲି ପ୍ରଭାବରେ ରାଜ୍ୟରେ ପ୍ରବଳ ବର୍ଷା ହେବା ଯୋଗୁ ବ୍ୟାପକ କ୍ଷୟକ୍ଷତି ହୋଇଛି।ପ୍ରବଳ ବର୍ଷା ଯୋଗୁଁ ବିଭିନ୍ନ ନଦୀରେ ଜଳସ୍ତର ବୃଦ୍ଧିହୋଇ ବନ୍ୟା ସୃଷ୍ଟି ହୋଇଛି ତେବେ ଏହି ବନ୍ୟା ଯୋଗୁଁ ଭଞ୍ଜନଗରରେ ଘର ଭାସିଯାଇଛି। ଏଥିରେ ଗୋଟିଏ ପରିବାରର ୪ ସଦସ୍ୟଙ୍କ ସହ ୬ ଜଣ ନିଖୋଜ ଅଛନ୍ତି। ଗାଜଲବାଡ଼ି ପଞ୍ଚାୟତ ଭୂତପଙ୍କାଳ ଗାଁରେ ଏହି ଅଭାବନିଏ ଘଟଣା ଘଟିଛି। ଗୋଟିଏ ପରିବାରର ସ୍ୱାମୀ, ସ୍ତ୍ରୀ ଓ ପୁଅ-ବୋହୂ ଭାସି ଯାଇଥିବା ବେଳେ ଅନ୍ୟ ଦୁଇଜଣ ଭାସିଯାଇଥିବା ସୂଚନା ମିଳିଛି।
