ଭୁବନେଶ୍ୱର ,ନିରପେକ୍ଷ ଖବର: ୨୩/୦୬: ରାଜଧାନୀ ଭୁବନେଶ୍ୱର ର ମାର୍କେଟ୍ ବିଲିଡିଙ୍ଗ ନିକଟରେ ବହୁ ପ୍ରତିକ୍ଷିତ ବିଜୁ ପଟ୍ଟନାୟକ ସ୍ମୁତି ଫଟୋ ଗ୍ୟାଲେରୀ ଆଜି ତା ୨୩ ଜୁନ୍ ୨୦୧୯ ପ୍ୟର୍ବାହ୍ନ ୧୧.୧୫ ମିନିଟ୍ ରେ ବିଧାନସଭା ବାଚସ୍ପତି ଶ୍ରୀ ସୂର୍ଯ୍ୟନାରାୟଣ ପାତ୍ରଙ୍କ ହସ୍ତରେ ଉଦ୍ଘାଟିତ ହୋଇ ଲୋକାର୍ପିତ ହୋଇଛି । ଏହି ଉଦ୍ଘାଟିତ ଓ ଲୋକାର୍ପିତ ଉତ୍ସବରେ ଶ୍ରୀ ପ୍ରତାପ ଜେନା ମାନ୍ୟବର ମନ୍ତ୍ରୀ ପଞ୍ଚାୟତରାଜ, ଆଇନ, ଗୃହ ନିର୍ମାଣ ଓ ନଗର ଉନ୍ନୟନ । ଶ୍ରୀ ସମୀର ରଞ୍ଜନ ଦାସ ମାନ୍ୟବର ମନ୍ତ୍ରୀ ସ୍କୁଲ ଓ ଗଣଶିକ୍ଷା, ଶ୍ରୀ ରଘୁ ନନ୍ଦନ ଦାସ ମାନ୍ୟବର ମନ୍ତ୍ରୀ ଜଳସମ୍ପଦ ଓ ସୂଚନା ଲୋକସମ୍ପର୍କ ବିଭାଗ ଶ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ମାନ୍ୟବର ମନ୍ତ୍ରୀ ପର୍ଯ୍ୟଟନ ଓଡିଆ ଭାଷା ସାହିତ୍ୟ ଓ ସଂସ୍କୃତି , ଶ୍ରୀ ଅରବିନ୍ଦ ଢାଲି ବିଧାୟକ ଜୟଦେବ, ଶ୍ରୀ ଅମର ପ୍ରସାଦ ଶଥପତି ବିଧାୟକ ବଡଚଣା, ଶ୍ରୀ ଦେବୀ ପ୍ରସାଦ ମିଶ୍ର ବିଧାୟକ ବଢମ୍ବା, ଇଷ୍ଣର୍ଣ୍ଣ ପ୍ରେସ୍ ଏଜେନ୍ସି ପରିସରରେ “ ବିଜୁ ପଟ୍ଟନାୟକ ସ୍ମୃତି ଫଟୋ ଗ୍ୟାଲେରୀ” ଫିତା କାଟିି ଫଳକ ଉନ୍ମୋଚନ କରାଯିବା ପରେ ସାଧାରଣ ଜନତାଙ୍କ ଉଦ୍ଦେଶ୍ୟ ରେ ଲୋକାର୍ପିତ କରାଯାଇଥିଲା । 
ଏହି ଗ୍ୟାଲେରୀ ରେ ପ୍ରାୟ ୪୦୦ ପାଖା ପାଖି ଫଟୋଚିତ୍ର ରହି ଥିବା ବେଳେ, ବିଜୁ ବାବୁ ଙ୍କ ଦ୍ୱାରା ଦୈନନ୍ଦିନ ଜିବନ ରେ ବ୍ୟବହୃତ ସାମଗ୍ରୀ ସ୍ଥାନ ପାଇଛି । ତା ମଧ୍ୟରୁ ସିଏ ପିନ୍ଧୁ ଥିବା ପଞ୍ଜାବୀ, ଚଷମା, କଲମ ସହିତ ଆହୁରି ଅନେକ ଜିନିଷ । ଏହି ଗ୍ୟାଲେରୀ ରେ ୧୯୨୯ ରୁ ନେଇ ୧୯୯୭ ଅପ୍ରେଲ ଯାଏ ଫଟୋଚିତ୍ର ସ୍ଥାନ ପାଇଛି । ଆଗାମୀ ପିଢୀ ବିଜୁ ବାବୁଙ୍କ ଜୀବନି କୁ ଦେଖି ପ୍ରେରଣା ପାଇବା ସହିତ ତାଙ୍କ କାର୍ଯ୍ୟରେ ଅନୁପ୍ରାଣୀତ ହେବା ଲକ୍ଷରେ ଗ୍ୟାଲେରୀ ପ୍ରସ୍ତୁତ କରା ଯାଇଛି । ଏହା ପ୍ରତ୍ୟେକ ଦିନ ସକାଳ ୧୧ଟା ରୁ ମଧ୍ୟାହ୍ନ ୧ଟା ପର୍ଯ୍ୟନ୍ତ ସର୍ବସାଧାରଣ ବୁଲି ଦେଖିବାକୁ ଖୋଲା ରହିବ, ସେହିପରି ଅପରାହ୍ନ ୨ଟା ୩୦ ରୁ ୪ଟା ଯାଏ ଖୋଲା ରହିବ । ପ୍ରତ୍ୟେକ ସୋମବାର ଗ୍ୟାଲେରୀ ବନ୍ଦ ରହିବ ଏବଂ ସରକାରଙ୍କ ମୁଖ୍ୟ ଛୁଟୀ ଦିନ ବନ୍ଦ ରହିବ ।
