ଭୁବନେଶ୍ୱର, ନିରପେକ୍ଷ ଖବର : ବରିଷ୍ଠ ଆଡ଼ଭୋକେଟ ତଥା “ବରକାଉଁସିଲ୍ ଅଫ ଇଣ୍ଡିଆ”ର ପୂର୍ବତନ ଚେୟାରମ୍ୟାନ ଅଶୋକ ପରିଜାଙ୍କୁ ଓଡ଼ିଶା ସରକାର ଆଡ଼ଭୋକେଟ ଜେନରଲ୍ ଭାବେ ନିଯୁକ୍ତି କରିଛନ୍ତି।ପୂର୍ବରୁ ସୂର୍ଯ୍ୟ ପ୍ରସାଦ ମିଶ୍ର ଏହି ପଦରେ ଥିଲେ।ମାତ୍ର ୨୩ ବର୍ଷ ବୟସରୁ ଶ୍ରୀ ଅଶୋକ ପରିଜା ଓଡ଼ିଶା ବାର୍କାଉନସିଲ୍ ରେ ଜଣେ ଆଡ଼ଭୋକେଟ ଭାବେ କାର୍ଯ୍ୟ ଆରମ୍ଭ କରିଥିଲେ। ଓଡ଼ିଶାର ପୂର୍ବତନ ଆଡ଼ଭୋକେଟ ଜେନେରାଲ୍ ବିଜୟ କୁମାର ମହାନ୍ତିଙ୍କ ଅଧୀନରେ ସେ ତାଙ୍କ ଆଇନ ବୃତ୍ତି ଆରମ୍ଭ କରିଥିଲେ। ଏହା ସହ ୨୦୦୩ରେ ଶ୍ରୀ ପରିଜା ଜଣେ ବରିଷ୍ଠ ଆଇନଜୀବୀ ମର୍ଯ୍ୟାଦା ହାସଲ କରିବା ପରେ,୨୦୦୮ ରେ ରାଜ୍ୟ ବାର କାଉନସିଲର ସଦସ୍ୟ ଭାବେ ନିର୍ବାଚିତ ହୋଇଥିଲେ। ୨୦୧୧ରେ ଶ୍ରୀ ପରିଜା ବାର୍ କାଉନସିଲ୍ ଅଫ୍ ଇଣ୍ଡିଆ ର ଚେୟାରମ୍ୟାନ ଭାବେ ମଧ୍ଯ ନିଯୁକ୍ତି ପାଇଥିଲେ।
