ବାରିପଦା(ନିରପେକ୍ଷ ଖବର)ତା-୨୫/୦୩–କରୋନାର ଭୟବହତା ସମ୍ପର୍କରେ ଜାଣି ସୁଦ୍ଧା ସାଧାରଣ ଜନତାଙ୍କ ଜୀବନ ସହ ଖେଳ ଖେଳୁଛନ୍ତି କିଛି ହୋଟେଲ ମାଲିକ।ସରକାରଙ୍କ କଟାକଣାକୁ ତିଳେ ହେଲେ ଖାତିର ନ କରି ଏମାନେ ଚଳାଇଛନ୍ତି ଅସାଧୁ ବ୍ୟବସାୟ।କରୋନକୁ ମୁକାବିଲା କରିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ଉଦ୍ୟମ ଜାରି ରଖିଥିବା ବେଳେ ସରକାରୀ କଟକଣାକୁ ଡରୁନାହାନ୍ତି ଏହି ଅସାଧୁ ବ୍ୟବସାୟୀ ମାନେ। ସାରା ଭାରତ ଯେତେବେଳେ ଲକ ଡାଉନ ରହିଛି ଠିକ ଏହି ସମୟରେ ବାରିପଦା କିଛି ମୁନାଫା ଖୋର ବ୍ୟବସାୟୀ ମାନେ ସାଧାରଣ ଜନତାଙ୍କ ଜୀବନ ସହ ଖେଳ ଖେଳିବାକୁ ବି ପଛାଉ ନାହାନ୍ତି।
ଏହି ଅସାଧୁ ବ୍ୟବସାୟୀଙ୍କୁ ସାବଡ଼ କରିବା ପାଇଁ ମୟୁରଭଞ୍ଜ ପୁଲିସ ଅଣ୍ଟା ଭିଡ଼ିଛି। ବୁଧୁବାର ବିଳମ୍ବିତ ରାତିରେ ବାରିପଦା ସହରରେ ଥିବା ଏକ ହୋଟେଲ ମାଲିକକୁ ଗିରଫ କରିଛି। ପିଆରଏମ ମେଡିକାଲ ସମୂଖ ରେ ଥିବା ହୋଟେଲ ନିଉ ଲାଇଫ ରେ ଅଚାନକ ଭାବରେ ଚଢ଼ାଉ କରିଥିଲା ଟାଉନ ଥାନା ପୋଲିସ। ହୋଟେଲ ମ୍ୟାନେଜର ଦୀପକ ପାଣିଗ୍ରାହୀ କୁ ଗିରଫ କରିବା ସହିତ ହୋଟେଲ କୁ ସିଲ କରିଛି। ହୋଟେଲ ବାହାରେ ଚାବି ପକାଇ ଭିତରେ ଗ୍ରାହକ ମାନଙ୍କୁ ବସାଇ ଖାଦ୍ୟ ଦେଉଥିବା ଅଭିଯୋଗ ଆସିଥିଲା।
