
ବାରିପଦା(ନିରପେକ୍ଷ ଖବର)ତା-୧୬/ଡ଼ିସେମ୍ବର/୨୦୧୯- ପୁଣି ସ୍ୱାସ୍ଥ୍ୟସେବାର ନଗ୍ନ ଚିତ୍ର ସାମ୍ନାକୁ ଆସିଛି। ସରକାରଙ୍କର 5T ଯୋଜନା ଏଠି ଉପହାସ ପାଲଟିଛି। ଏକ୍ସପାରି ସାଲାଇନରେ ରୋଗୀଙ୍କ ଚିକିତ୍ସା କରାଯାଉଛି। ଜଣେ ରୋଗୀକୁ ଏକ୍ସପାରି ସାଲାଇନ ଦେଇ ଡାକ୍ତର ହଟହଟା ହେବା ଭଳି ଘଟଣା ମୟୁରଭଞ୍ଜ ଜିଲ୍ଲା ଉଦଳା ଉପଖଣ୍ଡ ମେଡିକାଲରେ ଦେଖିବାକୁ ମିଳିଛି। କପ୍ତିପଦା ଦୁନ୍ଦରିଆ ଗାଁରେ ନରେନ୍ଦ୍ର ନାଥ ମହାନ୍ତି ଦେହ ଅସୁସ୍ଥ ହେବାରୁ କପ୍ତିପଦା ଉଦଳା ଉପଖଣ୍ଡରେ ଭର୍ତ୍ତି ହୋଇଥିଲେ । ଡାକ୍ତର ତାଙ୍କୁ ଦେଉଥିବା ସାଲାଇନଟି ଅକ୍ଟୋବର ମାସର ବୋଲି ପୁଅ ଜାଣିବା ପରେ ମେଡିକାଲରେ ଉତେଜେନା ପ୍ରକାଶ ପାଇଥିଲା । ସାଲାଇନ ଏକ୍ସପାରି ହେବାପରେ ଡାକ୍ତର କେମିତି ଜଣେ ରୋଗୀଙ୍କୁ ସେହି ସାଲାଇନ ଦେଲେ ତାହା ଚର୍ଚ୍ଚାର ବିଷୟ ପାଲଟିଛି। ଏହି ଘଟଣା ପ୍ରଘଟିତ ହେବାପରେ ପୋଲିସ ପହଂଚି ଡାକ୍ତର ଉମାକାନ୍ତ ବାସ୍କେକୁ ପଚାରା କରୁଥିବା ଜଣାପଡିଛି। ସେପଟେ ବାରିପଦା ବଡ଼ମେଡିକାଲରେ ଡ଼ାକ୍ତରଙ୍କ ଅବହେଳାପରେ ପୁଣି କପ୍ତିପଦା ଅଂଚଳରେ ଏହି ଘଟଣା ଦିନକୁ ଦିନ ଡାକ୍ତର ଙ୍କ ଉପରେ ରୋଗୀ ବିଶ୍ୱାସ ହରାଉଛନ୍ତି । ତେବେ ପ୍ରଶ୍ନ ଉଠୁଛି ସଲାଇନ ସମ୍ପର୍କରେ ଚେକ କରାଯାଇ ନ ଥିଲା କଣ ପାଇଁ । ସଂପୃକ୍ତ ଡ଼ାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହୋଇଛି।
