ଚଳିତ ମାସ ୨୫ ରେ ଓଡିଶା ଆସିବେ ରାହୁଲ ଗାନ୍ଧି…

ଭୁବନେଶ୍ୱର .(ନିରପେକ୍ଷ ଖବର ) ତା .୮.୧.୨୦୧୯– ଜାତୀୟ କଂଗ୍ରେସ ସଭାପତି ଶ୍ରୀ ଯୁକ୍ତ ରାହୁଲ ଗାନ୍ଧୀ ଚଳିତ ମାସ ୨୫ ତାରିଖ ରେ ଓଡିଶା ଗସ୍ତ ରେ ଆସି ବିଭିନ୍ନ କାର୍ଯ୍ୟକର୍ମ ରେ ଯୋଗଦେବା ପାଇଁ ନିଷ୍ପତି ଚୂଡାନ୍ତ ହୋଇଛି ।ଏହି ପରିପ୍ରେକ୍ଷୀ

ରେ ଏକ ପ୍ରସ୍ତୁତି ବୈଠକ ପି.ସି.ସି. ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଙ୍କ ଅଧକ୍ଷତା ରେ କଂଗ୍ରେସ ଭବନ ରେ ଅନୁଷ୍ଠିତ ହୋଇଯାଇଛି।ଏଥିରେ ଶ୍ରୀ ରାହୁଲ ଗାନ୍ଧୀଙ୍କ ର ବିଭିନ୍ନ କାର୍ୟ୍ୟକର୍ମ ଚୂଡାନ୍ତ ହୋଇଛି।

ବିମାନ ବନ୍ଦର ରେ ପହଂଚିବା ପରେ ଶ୍ରୀ ରାହୁଲ ଗାନ୍ଧିଙ୍କୁ ସେଠାରେ ଭବ୍ୟ ସ୍ୱାଗତ ସମ୍ବର୍ଧନା ଦିଆଯିବା ପରେ ଏକ ଶୋଭାଯାତ୍ରା ରେ ସେଠାରୁ ସଂଗୀତ ମହାବିଦ୍ୟାଳୟ ପରିସରକୁ ନିଆଯିବ।ସେଠାରେ ଓଡିଶା ର ବିଶିଷ୍ଟ ବୁଦ୍ଧିଜୀବି ,ସାମାଜିକ ଅନୁଷ୍ଠାନ ର ନେତୃତ୍ୱ ,ବିଭିନ୍ନ ଆନ୍ଦୋଳନ ର କର୍ମୀ ଓ ଚାଷୀ ନେତା ମାନଙ୍କୁ ଭେଟି ଆଲୋଚନା କରିବେ ଶ୍ରୀ ରାହୁଲ ଗାନ୍ଧୀ । ସେଠାରୁ ତାଙ୍କୁ କଟକ ପର୍ଯନ୍ତ ଏକ ରୋଡ ସୋ ରେ ଯାଇ ସେଠାରେ ଥିବା ବାଲିଯାତ୍ରା ପଡିଆ ରେ ପ୍ରଥମେ ଦଳ ର ନେତା ଓ କର୍ମୀ ଙ୍କୁ ବକ୍ତବ୍ୟ ପ୍ରଦାନ କରିବେ .ଏହାପରେ ଏକ ବିଶାଳ ଜନସଭା ରେ ରାଜ୍ୟବାସୀ ଙ୍କ ଉଦ୍ୟେଶରେ ଭାଷଣ ଦେବେ.ସେଠାରୁ ଭୁବନେଶ୍ୱର ଫେରି ସାମ୍ବାଦିକ ସମିଳନୀ ରେ ଯୋଗଦେଇ ଦିଲ୍ଲୀ ପ୍ରତ୍ୟାବର୍ତନ କରିବେ ବୋଲି ଶ୍ରୀ ପଟ୍ଟନାୟକ ଜଣାଇଛନ୍ତି
ଆଜିର ପ୍ରସ୍ତୁତି ବୈଠକରେ ପି.ସି.ସି. ସଭାପତି ଶ୍ରୀ ପଟ୍ଟନାୟକ ଙ୍କ ସମେତ କାର୍ୟ୍ୟକାରୀ ସଭାପତି ଶ୍ରୀ ଯୁକ୍ତ ଚିରଞ୍ଜିବି ବିଶ୍ୱାଳ ,ଏଆଇସିସି ସମ୍ପାଦକ ଶ୍ରୀ ଯୁକ୍ତ ରୁଦ୍ରରାଜୁ ଯୋଗଦେଇଥିବା ବେଳେ ଅନ୍ୟ ମାନ ଙ୍କ ମଧ୍ୟରେ ଖୋର୍ଦ୍ଧା ,କେନ୍ଦ୍ରାପଡା ,କଟକ ,ଜଗସିଂହପୁର ,ଯାଜପୁର ପ୍ରମୁଖ ଉପକୂଳ ଜିଲ୍ଲା ର ଜିଲ୍ଲା ସଭାପତି ଏବଂ ଛାମୁଆ ସଂଗଠନ ସଂଗଠନ ବିଭାଗ ର ମୁଖ୍ୟ ମାନଙ୍କ ସହ ରାଜ୍ୟ ର ନେତୃବୃନ୍ଦ ଯୋଗଦେଇଥିଲେ .
ଶ୍ରୀ ରାହୁଲ ଗାନ୍ଧୀ ଙ୍କ ଏହି ଓଡିଶା ଗସ୍ତକୁ ସଫଳ କରିବା ପାଇଁ ପି.ସି.ସି. ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ନିବେଦନ କରିଛନ୍ତି .