ରାଜ୍ୟର ଅଗ୍ରଣୀ ସଂସ୍ଥା ଜୟ ଓଡ଼ିଶା ପକ୍ଷରୁ ଜାତୀୟ ଗଣମାଧ୍ୟମ ଦିବସ ଉପଲକ୍ଷେ ଏକ ସ୍ୱତନ୍ତ୍ର ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ…
ଭୁବନେଶ୍ୱର ,ନିରପେକ୍ଷ ଖବର:୧୭/୧୧/୧୯ ଭୁବନେଶ୍ୱର ସ୍ଥିତ ଶହିଦ ନଗର ଦୁର୍ଗା ପୂଜା ମଣ୍ଡପରେ ରାଜ୍ୟର ଅଗ୍ରଣୀ ସଂସ୍ଥା ଜୟ ଓଡ଼ିଶା ସଙ୍ଗଠନ ପକ୍ଷରୁ ଜାତୀୟ ଗଣମାଧ୍ୟମ ଦିବସ ଉପଲକ୍ଷେ ଏକ ସ୍ୱତନ୍ତ୍ର ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ଜୟ ଓଡିଶା ସଙ୍ଗଠନ ପକ୍ଷରୁ ବିଭିନ୍ନ ବୈଦ୍ୟୁତିକ ଓ ମୁଦ୍ରିତ ଗଣମାଧ୍ୟମ ଏବଂ କ୍ୟାମେରାମ୍ୟାନମାନଙ୍କର ନିଷ୍ଠା ଓ ସାହାସିକତା ପାଇଁ ସେମାନଙ୍କୁ ଓ ତାଙ୍କ ପରିବାର ସଦସ୍ୟଙ୍କୁ ସମ୍ବର୍ଧିତ କରାଯାଇଛି ।
ସମ୍ବାଦିକତାରେ ଉଲ୍ଲେଖନୀୟ ଅବଦାନ ପାଇଁ ସମ୍ବାଦିକଙ୍କୁ ଏବଂ ସାମ୍ବାଦିକତା ପ୍ରତି ନିଜ ପିଲାଙ୍କୁ ପ୍ରୋତ୍ସାହିତ କରିଥିବାରୁ ସେମାନଙ୍କ ପରିବାର ଲୋକଙ୍କୁ ସମ୍ବର୍ଦ୍ଧିତ କରିଛି ଜୟ ଓଡିଶା । ଏହି ଅବସରରେ ଜୟ ଓଡିଶା ସଭାପତି ରୁଦ୍ର ନାରାୟଣ ସାମନ୍ତରାୟଙ୍କ ସଭାପତିତ୍ୱରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବରେ ନିରପେକ୍ଷ ଖବର ସମ୍ପାଦକ ଦେଵବ୍ରତ ମହାନ୍ତି,କଳିଙ୍ଗ ସାମ୍ବାଦିକ ସଂଘ ରାଜ୍ୟ ଆବାହକ ସୁକାନ୍ତ ରାଉତ,ସାମ୍ବାଦିକ,ସୌଭାଗ୍ୟ ପରିଡା, ଲକ୍ଷ୍ମୀନାରାୟଣ କାନୁନଗୋ, ସତ୍ୟଜିତ ସେଣ,ଆଦର୍ଶ ରାଉତ, ପ୍ରମୟ ଫଟୋ ସାମ୍ବାଦିକ ପ୍ରୀତମ ଓ ଅନ୍ୟାନ୍ୟ ବହୁ ସାମ୍ବାଦିକଙ୍କ ପରିବାରଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ଏହି ସମ୍ବର୍ଦ୍ଧନା ଉତ୍ସବରେ ମୁଖ୍ୟ ଅତିଥିଭାବେ ବିଜୁ ଯୁବ ବାହୀନୀ ଅଧକ୍ଷ୍ୟ ଓ ଅବସରପ୍ରାପ୍ତ ଆଇ.ପି.ସ୍ ତଥା ଜୟ ଓଡିଶା ମେଂଟର ଅରୁପ ପଟ୍ଟନାୟକଙ୍କ ସହ ମୁଖ୍ୟ ଉପଦେଷ୍ଟା ଜଗନ୍ନାଥ ମହାପାତ୍ର, ଉମାନାଥ ମିଶ୍ର, ନାରାୟଣ ମହାପାତ୍ର, ସତ୍ୟଜିତ ଦାଶ ପ୍ରମୁଖ ଉପସ୍ଥିତ ଥିଲେ ।
