ସାମ୍ବାଦିକ ସୁରକ୍ଷା ଆଇନ୍ ଦାବିରେ ମହାମାନ୍ୟ ରାଜ୍ୟପାଳଙ୍କୁ ଦାବିପତ୍ର ଦେଲା କଳିଙ୍ଗ ସାମ୍ବାଦିକ ସଂଘ..

ଭୁବନେଶ୍ୱର, ନିରପେକ୍ଷ ଖବର:ଆଜି(୨୨/ଜୁଲାଇ/୨୦୧୯)- ଦିନକୁ ଦିନ କାର୍ଯ୍ୟରତ ସାମ୍ବାଦିକମାନେ ଅସୁରକ୍ଷିତ ହୋଇପଡୁଛନ୍ତି। ବିଭିନ୍ନ ସମୟରେ ସେମାନଙ୍କ ଉପରେ ହେଉଛି ଆକ୍ରମଣ। ଫଳରେ ଭାରତ ସମ୍ବିଧାନରେ ଚର୍ତୁର୍ଥ ସ୍ତମ୍ଭର ମାନ୍ୟତା ପାଇଥିବା ସାମ୍ବାଦିକମାନେ ଖବର ସଂଗ୍ରହ କରିବାରେ ପ୍ରତିବନ୍ଧକ ସାଜୁଛି। ସୋମବାର କଳିଙ୍ଗ ସାମ୍ବାଦିକ ସଂଘ ଏଭଳି ଅଭିଯୋଗ କରି ମହମାନ୍ୟ ରାଜ୍ୟପାଳ ପ୍ରଫେସର ଗଣେସୀ ଲାଲଙ୍କ ନିକଟରେ ଫେରାଦ ହୋଇଛନ୍ତି। ରାଜ୍ୟରେ ତୁରନ୍ତ ସାମ୍ବାଦିକ ସୁରକ୍ଷା ଆଇନ ଲାଗୁ କରିବା ପାଇଁ ରାଜ୍ୟପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ମୁଖ୍ୟମନ୍ତ୍ରୀଙ୍କୁ ନିର୍ଦ୍ଧେଶ ଦେବାକୁ ସେମାନେ ଦାବି ଉପସ୍ଥାପନ କରିଛନ୍ତି। କଳିଙ୍ଗ ସାମ୍ବାଦିକ ସଂଘର ରାଜ୍ୟ ସଭାପତି ଲିଙ୍ଗରାଜ ରାଉତଙ୍କ ନେତୃତ୍ୱରେ ବରିଷ୍ଠ ସାମ୍ବାଦିକମାନେ ରାଜ୍ୟପାଳଙ୍କୁ ଭେଟି ଏ ବିଷୟରେ ବିଷଦ ଭାବେ ଆଲୋଚନା କରିଥିଲେ। ଗତ କିଛିଦିନ ତଳେ କେନ୍ଦ୍ରାପଡ଼ା ଜିଲ୍ଳାର ପାଟକୁରାରେ କାର୍ଯ୍ୟରତ ଗଣମାଧ୍ୟମ ପ୍ରତିନିଧିଙ୍କୁ ପୁଲିସର ଦୁର୍ବ୍ୟବହାର କରଥିବା ବେଳେ ସମ୍ବଲପୁରରେ ଜଣେ କାର୍ଯ୍ୟରତ ସାମ୍ବାଦିକଙ୍କୁ ଅପମାନିତ କରାଯାଇଥିଲା। କେବଳ ଯେ କେନ୍ଦ୍ରାପଡା ଓ ସମ୍ବଲପୁରରେ ସାମ୍ବାଦିକଙ୍କୁ ଆକ୍ରମଣ କରାଯାଇଥିଲା ତାହା ନୁହେଁ , ଏଭଳି ଘଟଣା ରାଜ୍ୟର ବିଭିନ୍ନ ସ୍ଥାନରେ ପ୍ରତିଦିନ ଘଟିଚାଲିଛି।
ଭାରତୀୟ ସମ୍ବିଧାନର ଚତୁର୍ଥସ୍ତମ୍ଭ କୁହାଯାଉଥିବା ଗଣମାଧ୍ୟମର କଣ୍ଠରୋଧ କରିବାକୁ କେନ୍ଦ୍ରାପଡା ପୁଲିସ ଉଦ୍ୟମ କରିଥିଲେ। ପୁଲିସର ଏମିତିକା ବ୍ୟବହାରକୁ ବିରୋଧ କରି ରାଜ୍ୟର ବିଭିନ୍ନ ସ୍ଥାନରେ ସାମ୍ୱାଦିକମାନେ ମିଳିତ ହୋଇ ପ୍ରତିବାଦ କରୁଛନ୍ତି। ରାଜ୍ୟପାଳଙ୍କୁ ଦାବିପତ୍ର ଦେବା ସମୟରେ ସଂଘର ସଂପାଦକ ବିଦ୍ୟାଧର ବାରିକ, କୋଷାଧ୍ୟକ୍ଷ ଗୌରୀ ପ୍ରସାଦ ମହାନ୍ତି, ଭୁବନେଶ୍ୱର ଜିଲ୍ଲା ସଭାପତି ମନୋରଂଜନ ମିଶ୍ର, ସଂପାଦକ ସୈାଭାଗ୍ୟ ରଂଜନ ମହାନ୍ତି ପ୍ରମୁଖ ଉପସ୍ଥିତ ଥିଲେ।