ନାବାଳିକାକୁ ଦୁଷ୍କର୍ମ କରିଥିବା ବ୍ୟକ୍ତିଙ୍କୁ କଠୋର ଦଣ୍ଡ ଦିଆ ଯାଉ : ମହିଳା କଂଗ୍ରେସ…

ମହିଳା କଂଗ୍ରେସ ସଭାପତି ଶ୍ରୀମତୀ ସୁମିତ୍ରା ଜେନାଙ୍କ ନେତୃତ୍ୱରେ ଭୁବନେଶ୍ୱରରୁ ଏକ ପ୍ରତିନିଧି ଦଳ ଦାରିଂବାଡ଼ିର ସେବାଶ୍ରମର ପ୍ରସବ କରିଥିବା ଅଷ୍ଟମ ଶ୍ରେଣୀର ନାବାଳିକାକୁ ଏମ୍କେସିଜି ହସ୍ପିଟାଲରେ ଭେଟି ତାର ସ୍ୱାସ୍ଥ୍ୟବସ୍ଥା ଦେଖିବା ସହ ଆଇଜିଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ସେ ପ୍ରକାଶ କରିଛନ୍ତି ଯେ ଉକ୍ତ ନାବାଳିକା ପ୍ରସବ କରିଥିବା ଶିଶୁର ମୃତ୍ୟୁ କତୃପକ୍ଷଙ୍କ ଅବହେଳାରୁ  ହୋଇଯାଇଛି ନାବାଳିକାର ଅବସ୍ଥା ମଧ୍ୟ ଭଲ ନାହିଁ । ନାବାଳିକାଟି କୌଣସୀ ପ୍ରକାର ମତାମତ ଦେବାକୁ ଅନିଛା ପ୍ରକାଶ କରିଥିଲା । ଏହାପରେ ଡାକ୍ତରଖାନାରୁ ଯାଇ ଗଂଜାମ ରେଞ୍ଜ ଆଇଜିଙ୍କୁ ଭେଟି ଉକ୍ତ ପିଡ଼ିତା ନାବାଳିକା ସଂପର୍କରେ ଆଲୋଚନା କରିବା ସହ ଏକ ଦାବିପତ୍ର ମାଧ୍ୟମରେ ପ୍ରକାଶ କରିଛନ୍ତି କି  ଦୁଷ୍କର୍ମ କରିଥିବା ବ୍ୟକ୍ତିଙ୍କୁ କଠୋର ଦଣ୍ଡ ଦେବା ସହ ସେବାଶ୍ରମର ପରିଚାଳିକା, ନିଯୁକ୍ତି ପାଇଥିବା ଡାକ୍ତର ସେବାଶ୍ରମର କର୍ମକର୍ତାଙ୍କ ବହିସ୍କାର , ପୀଡ଼ିତାର ଉପଯୁକ୍ତ ଚିକିତ୍ସା ସହ ତାର ଥଇଥାନ ବ୍ୟବସ୍ଥା ଏବଂ କ୍ଷତିପୂରଣ ବାବଦକୁ ୧୦ଲକ୍ଷ ଟଙ୍କା ଦାବି  ,ବିଭାଗୀୟ ମନ୍ତ୍ରୀ, ମହିଳା ଓ ଶିଶୁକଲ୍ୟାଣ ମନ୍ତ୍ରୀ ଓ ଆଦିବାସୀ ସମନ୍ୱୟ ମନ୍ତ୍ରୀଙ୍କ ଇସ୍ତଫା ଦାବି କରିଥିଲେ । ଏହି ଦାବି ପୂରଣ ନହେଲେ ଆନ୍ଦୋଳନ ଜୋରଦାର ହବ ବୋଲି ଶ୍ରୀମତୀ ଜେନା ଚେତାବନି ଦେଇଥିଲେ ।
ଏହି ପ୍ରତିନିଧି ଦଳରେ ଅନ୍ୟମାନଙ୍କ ମଧ୍ୟରେ ଶ୍ରୀମତୀ ଜେନାଙ୍କ ସହ ଗଞ୍ଜାମ ଜିଲା ମହିଳା ସଭାପତି ସ୍ୱରୂପା ତ୍ରିପାଠୀ, ରାଜ୍ୟ ମହିଳା କଂଗ୍ରେସର ଉପସଭାପତି ପ୍ରଣତୀ ମିଶ୍ର, ଭାଗ୍ୟଶ୍ରୀ ପ୍ରଧାନ, ସାଧାରଣ ସଂପାଦିକା କୁସୁମ ପ୍ରଧାନ, ସଂପାଦିକା ପ୍ରଭାବତି ପଟ୍ଟନାୟକ, ଗଞ୍ଜାମ ଜିଲା କଂଗ୍ରେସ ସଭାପତି ଡ. ତ୍ରିନାଥ ବେହେରା, ପିତାମ୍ବର ପଣ୍ଡା, ଦୀପକ ପଟ୍ଟନାୟକ, ବୃନ୍ଦାବନ ଖଟେଇ, ନଗର କଂଗ୍ରେସ କମିଟି ସଭାପତି ପ୍ରମୋଦ କୁମାର ଜେନା, ଭୁକାଲି ସେଠୀ, ବିଶ୍ୱଜିତ ପାତ୍ର ପ୍ରମୁଖ ଉପସ୍ଥିତ ଥିଲେ ।