ଶୁକ୍ରବାର ତାରିଖ:୫/୧୦/୧୮ ଠାରୁ ୭/୧୦/୧୮ -ପର୍ଯ୍ୟନ୍ତ ହବାକୁ ଯାଉଛି ଦ୍ୱିତୀୟ ”ଓଡିଶା ଟ୍ରାଭେଲ୍ ବଜାର ” ଓଡ଼ିଶାର ପର୍ଯ୍ୟଟନ କୁ ଦେଶ ବିଦେଶର ଲୋକଙ୍କ ପାଖରେ ପହଞ୍ଚିବା କୁ ଦୃଷ୍ଟିରେ ରଖି ଏପରି କାର୍ଯ୍ୟକ୍ରମ ହଉଛି। ଏହି କାର୍ଯ୍ୟକ୍ରମ ମେଫେଆର ହୋଟେଲରେ ୩ ଦିନ ଧରି ଅନୁଷ୍ଠିତ ହେବ।ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଏହାର ଶୁଭାରମ୍ଭ ହେବ । ପର୍ଯ୍ୟଟନ ବିଭାଗ ଏବଂ ଏଫଆଇସିସିଆଇ ର ମିଳିତ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମ ରେ ୨୩ଟି ଦେଶରୁ୬୦ ଜଣ ବିଦେଶୀ ଟୁର୍ ଅପରେଟର ଅଂଶ ଗ୍ରହଣ କରିବେ ଓ ୧୬ ଜଣ ଦେଶୀୟ ଟୁର୍ ଅପରେଟର ଭାଗ ନେବେ । ଏଥିସହିତ ୫୬ ଜଣ ହୋଟେଲ ଶିଳ୍ପ ସହ ସଂସ୍ଲିସ୍ଟ ବ୍ୟକ୍ତିବିଶେଷ ,ଟ୍ରାଭେଲ ଏଜେନ୍ସି ର ବ୍ୟକ୍ତି ମାନେ ଅଂଶ ଗ୍ରହଣ କରିବେ ।ଏହି କାର୍ଯ୍ୟକ୍ରମ ରେ ବିଜିନେସ୍ ଟୁ ବିଜିନେସ୍ ଆଲୋଚନା ହେବ । ଏଥି ସହ ସେମାନେ ଭୁବନେଶ୍ୱର ର ଐତିହ୍ୟ ପଦଯାତ୍ରାରେ ସାମିଲ ହୋଇ ଖଣ୍ଡଗିରି ,ଉଦୟଗିରି ଓ ବିଭିନ୍ନ ମନ୍ଦିର ପରିଦର୍ଶନ କରିବେ ।ମେଫେଆର ରେ ଅନୁଷ୍ଠିତ ୪/୧୦/୧୮ ରେ ଏକ ସାମ୍ବାଦିକ ସମ୍ମିଳନୀରେ ପର୍ଯ୍ୟଟନ ସଚିବ ବିଶାଲ୍ କୁମାର ଦେବ, ନିର୍ଦେଶୀକା ଅର୍ଚନା ପଟ୍ଟନାୟକ, ଏଫ୍ଆଇସିସିଆଇ ର ଓଡିଶା ଚାପ୍ଟର ଟୁରିଯିମ୍ ପ୍ୟାନେଲର ଚେୟାରମ୍ୟାନ ଜେକେ ମହାନ୍ତି ଏବଂ ଏଫ୍ଆଇସିସିଆଇ ର ରାହୁଲ ଚକ୍ରବର୍ତୀ ପ୍ରମୁଖ ଯୋଗ ଦେଇ ଏ ସମ୍ପର୍କରେ ସୂଚନା ଦେଇଥିଲେ ।
