ପାଟକୁରା ରାଜନୀତି ଉଭୟ ବିଜେଡି ଓ ବିଜେପି ପାଇଁ ସମ୍ମାନର ପ୍ରଶ୍ନ..

ପାଟକୁରା,ନିରପେକ୍ଷ ଖବର:୧୭/୦୭/୧୯:ପାଟକୁରା ରାଜନୀତି ଉଭୟ ବିଜେଡି ଓ ବିଜେପି ପାଇଁ ସମ୍ମାନର ପ୍ରଶ୍ନ ହୋଇ ଛିଡା ହୋଇଛି। ବିଜେଡିର ଗଣ୍ଡାଗଣ୍ଡା ମନ୍ତ୍ରୀ ଓ ବିଧାୟକ ପାଟକୁରାରେ ଡେରା ପକାଇଥିବା ବେଳେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ପ୍ରଚାର ମଇଦାନକୁ ଓହ୍ଲାଇଛନ୍ତି। ପାଟକୁରାରେ ବିଜୟ ବାନା ଉଡ଼଼ାଇବା ପାଇଁ ଖୋଦ୍ ମୁଖିଆ ଆଜି ଦଳୀୟ ପ୍ରାର୍ଥୀ ସାବିତ୍ରୀ ଅଗ୍ରୱାଲଙ୍କ ପାଇଁ ପ୍ରଚାର ଆରମ୍ଭ କରିଦେଇଛନ୍ତି । ହାଇଟେକ୍ ବସରେ ରୋଡ଼ସୋ’ ଆରମ୍ଭ କରିଛନ୍ତି । ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ନବୀନ ପାଟକୁରାରେ ବିଜେଡି ପ୍ରଚାର ଉପରେ ଶେଷ ମୋହର ଲଗାଇବେ ବୋଲି ଦଳୀୟ ନେତା ଓ କର୍ମୀ ଦୃଢ଼ ବିଶ୍ୱାସ ରଖିଛନ୍ତି । ନବୀନଙ୍କ ଲୋକପ୍ରିୟତା ଆଧାରରେ ପୁଣି ଥରେ ପାଟକୁରା ଲୋକଙ୍କ ମନ ଜିଣିବା ପାଇଁ ଚେଷ୍ଟା କରୁଛି ବିଜେଡ଼ି ।