ଶୋକାକୁଳ ପରିବେଶରେ ସହିଦ୍ ପୋଲିସ୍ ଅଧିକାରୀ ଙ୍କୁ ଦିଆ ଗଲା ସଲାମୀ..

ବାରିପଦା(ନିରପେକ୍ଷ ଖବର)ତା-୧୯/ନଭେମ୍ବର/୨୦୧୯-ଗତକାଲି ବାରିପଦା ତକତପୁର ସ୍ଥିତ ଉତ୍ତର ଓଡ଼ିଶା ବିଶ୍ବ ବିଦ୍ୟାଳୟ ରାସ୍ତାରେ ମଦୁଆ ଗାଡି ଚାଳକ କୁ ଧରିବା ପାଇଁ ଚେକିଂ ଚାଲିଥିବା ବେଳେ ବାଇକ ଧକ୍କା ରେ ବାରିପଦା ଟାଉନ ଥାନା ସବ ଇନ୍ସପେକ୍ଟର ଦୟାନିଧ ଦାସ ଙ୍କ ମୃତ୍ୟୁ ହୋଇଥିଲା । ସବ ଇନ୍ସପେକ୍ଟର ଦୟାନିଧ ଦାସ ଙ୍କୁ ଆଜି ମୟୁରଭଞ୍ଜ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ ଅନର ଦିଆଯାଇଛି । ଆଜି ବାରିପଦା ସ୍ଥିତ ରିଜର୍ଭ ଅଫିସ ପରିସର ରେ କାର୍ଯ୍ୟରେ ଥାଇ ଦୁର୍ଘଟଣା ରେ ମୃତ୍ୟୁ ବରଣ କରିଥିବା ସବ ଇନ୍ସପେକ୍ଟର ଦୟାନିଧ ଦାସ ଙ୍କ ମର ଶରୀର କୁ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ ଅନର ଦିଆଯାଇଛି । ମୃତ ଶହୀଦ ସବ ଇନ୍ସପେକ୍ଟର ଦୟାନିଧି ଦାସ ଙ୍କୁ ଗାର୍ଡ ଅଫ ଅନର ଦିଆଯିବା ଅବସରରେ ଉତ୍ତରାଞ୍ଚଳ ଆଇଜି ଦୀପତେଶ ପଟ୍ଟନାୟକ, ମୟୁରଭଞ୍ଜ ଏସ.ପି ପରମାର ସ୍ମିଥ ପୁରୁଷୋତ୍ତମ ଦାସ, ଓଡ଼ିଶା କୃଷି ନିଗମ ର ଅଧ୍ୟକ୍ଷ ଦେବାଶିଷ ମହାନ୍ତି, ଜିଲ୍ଲା ଓକିଲ ସଂଘ ର ଆଇନଜୀବି, ମୟୂରଭଞ୍ଜ ଆଇନ ମହାବିଦ୍ୟାଳୟ
ର ଛାତ୍ରଛାତ୍ରୀ ମାନେ ଯୋଗ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଶେଷରେ ଜିଲ୍ଲା ପୋଲିସ ପକ୍ଷରୁ ସହୀଦ ଙ୍କୁ ଗାର୍ଡ ଅଫ ଅନର ଦିଆଯାଇଥିଲା । ଓଡିଶା ପୋଲିସ ପକ୍ଷରୁ ସହୀଦ ଙ୍କ ପରିବାର ଙ୍କୁ ୫୦ ହଜାର ଟଙ୍କା ଏବଂ ମୟୁରଭଞ୍ଜ ଜିଲ୍ଲା ରେଡ଼କ୍ରସ ପକ୍ଷରୁ ୧୦ ହଜାର
ଟଙ୍କା ପ୍ରଦାନ କରାଯାଇଛି । ଅନ୍ୟପକ୍ଷରେ ଗତକାଲି ଦୁର୍ଘଟଣା ଘଟାଇ ଥିବା ଯୁବକ ବାରିପଦା ସହର ସୁନାମୁହିଁ ଅଞ୍ଚଳର କଲେଜ ଛାତ୍ର ଦୁଃଖୀରାମ ସରେନ କୁ ବାରିପଦା ଟାଉନ ଥାନା କେଶ ନମ୍ବର ୩୫୩/୧୯ ଦଫା ୩୦୨ ରୁଜୁ କରାଯାଇଛି ।