*ଧର୍ମାନ୍ତରଣ ବିରୋଧୀ ବିଲ୍ ଆଣିବାକୁ ଯୋଜନା କରୁଛନ୍ତି ଏବେ ମୋଦି ସରକାର ……
ନିରପେକ୍ଷ ଖବର: ମୋଦି ସରକାରଙ୍କ ଧର୍ମାନ୍ତରଣ ବିରୋଧୀ ବିଲ୍ ଆଣିବାକୁ ଯୋଜନା। ଆଗାମୀ ଅଧିବେଶନରେ ଏହି ବିଲକୁ ସରକାର ସଂସଦରେ ଉପସ୍ଥାପନ କରିବେ। ବିଜେପି ସହ ଜଡିତ ଲୋକେ ବହୁ ପୂର୍ବରୁ ହିଁ ଏପ୍ରସଙ୍ଗକୁ ଉଠାଇ ଆସିଛନ୍ତି । ଏପରିକି ଧର୍ମାନ୍ତରଣ ନେଇ ଅନେକ ଖବର ପୂର୍ବରୁ ଦେଶର ବିଭିନ୍ନ ରାଜ୍ୟରୁ ସାମ୍ନାକୁ ଆସିଛି । ବିଶେଷ କରି କେରଳ ଏବଂ ଉତ୍ତରପ୍ରଦେଶରୁ ଅଧିକାଂଶ ସମୟରେ ଏଭଳି ଖବର ସାମ୍ନାରୁ ଆସିଥାଏ । ଯେଉଁଠି କି ଲୋକଙ୍କୁ ଡରାଇ ଧମକାଇ ହେଉ ବା ଲୋଭ ଦେଖାଇ ଅଶିକ୍ଷିତ ଗରିବ ଲୋକଙ୍କୁ ଧର୍ମ ପରିବର୍ତ୍ତନ କରାଉଥିବା ଖବର ମିଳିଛି । ତେବେ ମୋଦି ସରକାର ଅଗାମୀ ଦିନରେ ଧର୍ମାନ୍ତରରଣ ବିରୋଧି ଆଇନ ଆଣିବା ନେଇ ଚର୍ଚ୍ଚା ହେଉଛି।
ପୂର୍ବରୁ ସରକାରରେ ସଂସଦୀୟ କାର୍ଯ୍ୟ ମନ୍ତ୍ରୀ ରହିଥିବା ଭେଙ୍କିୟା ନାଇଡୁ ସମସ୍ତ ଦଳମାନଙ୍କଠାରୁ ଧର୍ମାନ୍ତରଣ ଉପରେ ଏକ ରାୟକୁ ନେଇ ଏକ ଆଇନରେ ଗଠନ କରିବାକୁ ନିବେଦନ କରିଥିଲେ, ଯାହାକି ସଫଳ ହୋଇପାରିନଥିଲା । ଏବେ ନୂଆ ସରକାର ତଥା ମୋଦିଙ୍କ ଦ୍ୱିତୀୟ ଥର ସରକାରରେ ପୁଣି ଏହି ବିଲକୁ ଉପସ୍ଥାପନ କରିବାକୁ ବିଚାର କରାଯାଉଛି । ବିଜେପି ନେତା ଏବଂ ସୁପ୍ରିମକୋର୍ଟର ବରିଷ୍ଠ ଅଧିବକ୍ତା ଅଶ୍ୱିନୀ ଉପାଧ୍ୟାୟ ଧର୍ମାନ୍ତରଣ ବିରୋଧି ଆଇନ ପାଇଁ ଏକ ଲମ୍ବା ଅଭିଯାନ ଚଳାଇଛନ୍ତି ଏବଂ ଯେଉଁଥି ପାଇଁ ସେ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ମଧ୍ୟ ଲେଖିଛନ୍ତି । ସେ କହିଛନ୍ତି କି ଦେଶର ଅନେକ ରାଜ୍ୟରେ ହିନ୍ଦୁ ସଂପ୍ରଦାୟର ସଂଖ୍ୟା ଖୁବ୍ କମ୍ ରହିଛି । ଏହା ସତ୍ୱେ ବି ବଡ ସଂଖ୍ୟାରେ ଧର୍ମ ପରିବର୍ତ୍ତନ ଚାଲିଛି ।
