ଭୁବନେଶ୍ୱର,ନିରପେକ୍ଷ ଖବର: ୧୨/୦୫/୨୦୧୯:ଫନୀ ମହାବାତ୍ୟା ପରେ ଓଡ଼ିଶା ରାଜ୍ୟ ଜନଜାତି ସଂଗ୍ରହାଳୟ ସର୍ବସାଧାରଣଙ୍କ ନିମନ୍ତେ ୧୨ ତାରିଖଠାରୁ ଖୋଲାଯାଇଛି ।
ଏହା ଏପରି ଏକ ସଂଗ୍ରହାଳୟ ଯାହା ଓଡ଼ିଶା, ଭାରତର ବିଭିନ୍ନ ସ୍ଥାନ ଏବଂ ବିଦେଶୀ ପର୍ଯ୍ୟଟକଙ୍କର ବିଶେଷ ଆକର୍ଷଣର କେନ୍ଦ୍ରବିନ୍ଦୁ । ଫନୀ ମହାବାତ୍ୟା ଏହି ଆକର୍ଷଣୀୟ ଜନଜାତି ସଂଗ୍ରହାଳୟକୁ ବିଶେଷ ଭାବରେ କ୍ଷତିଗ୍ରସ୍ତ କରିଥିଲା, ଯାହା ସବୁଜିମା ପରିପୂର୍ଣ କ୍ୟାମ୍ପସ୍ ଏବଂ ସଂଗ୍ରହାଳୟ ପ୍ରକୋଷ୍ଠକୁ ଅନେକାଂଶରେ କ୍ଷତି ପହଞ୍ଚାଇଥିଲା । ଫନୀ ମହାବାତ୍ୟାର ପରଦିନରୁ ସଂଗ୍ରହାଳୟର ମରାମତି କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ କରାଯାଉଛି । ଜନଜାତି ସଂଗ୍ରହାଳୟର ନିର୍ଦ୍ଦେଶକ ଜଣାଇଛନ୍ତି ଯେ ଏହାର ୫ଟି ମୁଖ୍ୟ ପ୍ରକୋଷ୍ଠ ଜନସାଧାରଣଙ୍କ ନିମିତ୍ତ ଖୋଲାଯାଇଛି । ଏତଦ୍ ଦ୍ୱାରା ଟୁରିଷ୍ଟ ଏବଂ ଟ୍ରାଭେଲ୍ ଏଜେଣ୍ଟମାନଙ୍କୁ ଅବଗତ କରାଇ ଅନୁରୋଧ କରାଯାଉଛି ଯେ, ବହୁଳ ପରିମାଣରେ ପର୍ଯ୍ୟଟକ ଆସି ଏହି ସଂଗ୍ରହାଳୟକୁ ବୁଲିବା ସହିତ ଏହାର ସୌନ୍ଦର୍ଯ୍ୟ ବୃଦ୍ଧରେ ସହାୟକ ହୁଅନ୍ତୁ ।
